Concello de Gondomar
Moito por descubrir
Novas Concello de Gondomar
Friday, 15 October 2021 13:08
Gondomar reivindica a igualdade de condicións e xénero no Día Internacional das Mulleres Rurais
O concello do Val Miñor adhírese á declaración da Federación Española de Municipios e Provincias e súmase á celebración desta xornada na que, entre outras cuestións, lémbrase a necesidade de poñer en marcha as actuacións necesarias para garantir unha mellora na situación da muller nas zonas rurais.
A declaración reivindica o papel esencial das mulleres para asentar a poboacióne loitar contra o envellecemento dos municipios e “defendemos a súa visibilización e empoderamento como medio para o cambio social, económico e cultural necesario para construír un futuro en igualdade”.
Neste sentido Gondomar comprométese a seguir traballando na promoción de actuacións e estratexias dirixidas a garantir a oportunidade laboral e facilitar as medidas de conciliación e corresponsabilidade. Á vez desde o goberno reafírmase o compromiso coa inclusión da perspectiva de xénero en todas as políticas locais.
Segundo datos da ONU as mulleres rurais representan unha cuarta parte da poboación mundial, e en Galicia o papel desempeñado por elas é fundamental porque “Galicia non se entende sen o rural e sen as súas mulleres”. Por iso é preciso seguir apostando por reducir a fenda dixital de xénero e apoiar o empoderamento das mulleres neste sector, con actuacións encamiñadas ao desenvolvemento profesional das mulleres rurais como motor da dinamización.
Mundialmente, con poucas excepcións, todos os indicadores de xénero e desenvolvemento mostran que as campesiñas se atopan en peores condicións que os homes do campo e que as mulleres urbanas, “situación coa que temos que rematar entre todos e todas”.
Wednesday, 13 October 2021 10:05
Gondomar inicia as sesións de traballo para elaborar o Plan de Acción para o Clima e a Enerxía do municipio
Este plan, que deberá presentar nun prazo máximo de dous anos, é un compromiso adquirido por Gondomar tras adherirse ao Pacto das Alcaldías para o Clima e a Enerxía, iniciativa europea na que os gobernos locais e rexionais comprométense voluntariamente a implantar no seu territorio en materia de clima e enerxía da UE.
O alcalde de Gondomar, Paco Ferreira, presidiu o primeiro encontro de traballo no que xunto ao concelleiro de Medio Ambiente, Brais Misa, as técnicas deste departamento, Karina Pereira e Paula Rivera, así como outros representantes do goberno local, no que a empresa Inova Labs expuxo os pormenores e accións concretas a abordar para poder elaborar e redactar o futuro plan.
Financiado pola Consellería de Medio Ambiente, Territorio e Vivenda a través dos fondos europeos FEDER, o concello de Gondomar dá os primeiros pasos para a redacción do documento final que deberá expoñer xa medidas concretas que permitan contribuír ao obxectivo europeo de redución dos gases de efecto invernadoiro nun 40% para o 2030.
O Plan de Acción para o Clima e a Enerxía de Gondomar, ademais de esbozar as accións craves para lograr reducir o consumo enerxético en liña cos obxectivos de desenvolvemento sostible das Nacións Unidas, deberá incluír un inventario de emisións de referencia e unha avaliación de riscos e vulnerabilidades climáticos.
“Demostramos unha vez máis que o noso compromiso coa loita contra o cambio climático e os obxectivos 2030 é firme e serio, como demostran as distintas políticas e accións que neste sentido puxemos en marcha desde o inicio da lexislatura. Queremos que Gondomar sexa un referente de sustentabilidade e consumo enerxético responsable”, concluíu o alcalde.
Friday, 08 October 2021 11:53
A biblioteca de Gondomar renova a súa actividade cos seus fondos actualizados e modernizados
O espazo de lectura e de préstamo da biblioteca Municipal de Gondomar están de novo en marcha e recupera a súa actividade habitual, tras algo máis dun ano pechada debido ao confinamento, primeiro, e polas obras de rehabilitación e modernización que culminaron coa construción do ascensor para facilitar a mobilidade no edificio.
A biblioteca, aberta dende hai quince días, recupera en outubro o seu horario habitual permanecendo aberta de 09.00 a 14.00 horas polas mañás, e entre as 17.00 e as 20.00horas, pola tarde, de luns a venres facilitando o acceso tanto ao espazo de lectura como ao servizo de préstamo, así como a diversas actividades que se desenvolverán durante o ano como poden ser as organizadas por Espazo Lectura, entre outras.
Nos meses que permaneceu pechada, a actividade non cesou no seu interior xa que se aproveitou para acometer a primeira catalogación de volumes da historia da biblioteca, expurgando un total de 15.000 exemplares deteriorados ou repetidos, e actualizando o fondo definitivo de títulos que se cifra en 12.000. Ademaisorganizouse o espazo por cores, idades e temáticas para “facilitar aos usuarios eusuarias o acceso aos libros que buscan, de forma máis intuitiva”.
Por outra banda, durante este proceso estableceuse un sistema de seguridadepara evitar o roubo de libros, dotando dun sistema de alarma os volumes e un arco de seguridade de control na porta de acceso e saída da biblioteca.
Un centro que tamén estrea nesta nova etapa o ascensor, obra demanda desde hai moito tempo, e que este goberno fixo realidade para facilitar o acceso ás persoas con mobilidade reducida.
Friday, 08 October 2021 10:45
DÍA INTERNACIONAL DA DISLEXIA
Gondomar tínguese de azul turquesa, para sumarse á campaña
#UnidosPorLaDislexia, impulsada pola Federación Española de Dislexia, para visibilizar este trastorno e as outras dificultades específicas de aprendizaxe que, segundo a OMS, afectan en conxunto a un 10% da poboación mundial.
O obxectivo da xornada, facer visible este trastorno da aprendizaxe lecto-escritura que representa entre o 3 e o 6% da poboación infantil, especialmente en idadescomprendidas entre os 7 e 9 anos.
#Gondomar #DiaInternacionalDeLaDislexia
Thursday, 07 October 2021 20:15
Gondomar prepárase para celebrar a III “Gladiator kids”
O vindeiro sábado 16 de outubro celebrarase finalmente esta divertida carreira de obstáculos para grande e pequenos, e que o goberno local pospuxo o pasado mes de agosto como precaución ante o aumento de casos da COVID en toda España. Agora vén con moitas ganas e probas que farán rir a máis dun e dunha.
A proba mantén o número de inscricións cubertas no seu momento, preto de 200, e desde as concellerías de Deportes e Xuventude, organizadoras deste evento, pídese a quen non poidan participar polo cambio de data que o comuniquen chamando ao teléfono 986 369 746 ou ben enviando un correo a This email address is being protected from spambots. You need JavaScript enabled to view it.
O Parque da Coelleira converterase, por primeira vez, no circuíto que deberán cubrir os corredores e as corredoras, de idades comprendidas entre os 3 e 12 anos, que deben participar acompañados por un adulto. A Gladiator Kids é unha carreira na que a competitividade se deixa ao carón para dar paso a momento divertidos e compartir unha experiencia distinta e de colaboración entre os participantes.
A entrega de dorsais realizarase a partir das 15.00 horas e as probas arrincarán ás 16.00 horas. En primeiro lugar participará o grupo integrado por pequenos e pequenas de idades comprendidas entre os 3 e os 6 anos. Unha hora máis tarde, ás 17.00 horas, será a quenda dos participantes cuxas idades estean entre os 7 e os 12 anos
En ambos os circuítos atoparanse con diferentes retos, sempre adaptadas a idade dos participantes, nas que se poñerá a proba as súas habilidades á hora de facer fronte a obstáculos que atoparán no percorrido que deberán ir sorteando ata chegar á meta, un obxectivo que vén marcado sobre todo polo “carácter lúdico e non competitivo, primando a diversión e o momento que se comparte coa familia”.
Tuesday, 05 October 2021 16:00
Gondomar pon en marcha un programa de andainas a través das súas parroquias.
Gondomar e as súas parroquias teñen moitos recunchos que descubrir e
desde o concello esta fin de semana arrinca o programa "Descobre Gondomar, paso a
paso”, promovido polo goberno a través da súa concellería de Turismo. Inicia a súa
andaina na parroquia de Vincios coa colaboración da súa asociación de veciños e a súa
Comunidade de Montes.
Trátase de aproveitar a chegada do outono para ofrecer á veciñanza actividades
que promovan hábitos saudables ao tempo que permitan gozar do contorna, coñecer
a súa riqueza etnográfica, cultural e histórica, e tamén respectar tradicións tan propias
da época como son a celebración dos magostos.
A andaina prevista terá unha duración aproximada de dúas horas, partindo ás
16.00 h. dende o Centro Cultural para visitar o Monte Galiñeiro. Unha vez rematada e
de volta o punto de saída os participantes poderán gozar dun magosto, con castañas
de balde, e dunha tarde amenizada coa actuación de diferentes grupos folclóricos da
parroquia e locais.
#Gondomar # tradicións #magosto # habitossaudable
Monday, 04 October 2021 19:33
A Casa Peralba acollerá unha biblioteca e un centro da terceira idade
O goberno local estuda os usos que dará á Casa Peralba, tras a súa adquisión hai algo
máis de dous meses e a súa inclusión no patrimonio municipal. O alcalde, Paco
Ferreira, lembra que desde un principio “tivemos claro que esta recuperación é para o
pobo de Gondomar e os seus habitantes, para que a poidan gozar e por iso
buscaremos os usos sociais que se lle poidan dar, así como convertelo nun punto de
encontro das nosas xentes”.
Entre as ideas que toman corpo atópanse a de situar na Casa Peralba a futura
biblioteca pública –a sala de préstamo e de lectura – na edificación principal e un
centro da terceira idade na auxiliar, onde se situaban a vivenda do servizo, o garaxe e
as cuadras.
Será o proxecto o que detalle como se desenvolverá a rehabilitación da casa e a
localización dos distintos servizos. De momento encargouse un pequeno proxecto ao
arquitecto gondomareño Antonio Soliño para realizar unha operación de mantemento.
Aínda así, o goberno local xa traballa no proxecto para desenvolver os futuros usos da
vivenda e solicitouse un encontro co prestixioso arquitecto portugués, Eduardo Souto
de Moura, premio Pritzker 2011, aínda que a súa contratación -recoñece o rexedor-
dependerá dos custos que “haberá que valorar e saber a capacidade do concello para
asumilo”.
Mentres tanto os operarios municipais arromban a leira para utilizar as súas máis de
3000 metros cadrados na celebración de actos culturais e eventos relevantes do
municipio.
Monday, 04 October 2021 19:26
DÍA MUNDIAL DOS ANIMAIS
O 4 de outubro celébrase o día internacional dos animais, xornada coa que se nos
lembra que, aínda que somos a especie máis evolucionada, iso non lle quita os dereitos
e protección ao resto dos animais do planeta. Todos formamos parte dunha cadea
coñecida como o ciclo da vida, e a destrución de calquera especie xera grandes
estragos na natureza.
Moitos forman parte dos nosos día a día, acompáñannos e arríncannos sorrisos en
máis dunha ocasión. Coidémoslos e denunciemos calquera situación de malos tratos
animais que coñezamos.
#Gondomar #diainternacionalanimales #ellosnoloharían
Monday, 04 October 2021 12:11
Éxito de “Grava&Polbo” primeirara proba da modalidade gravel celebrada en Gondomar
El concello de Gondomar acolleu este sábado a primera edición da proba Grava Polbo, posposta un ano por mor da pandemia. É a primeira vez que se celebra en Galicia unha proba exclusivamente para bicicletas gravel, e Gondomar foi a saída e meta dela, cun alto número de participantes procedentes de diferentes puntos de Galicia e tamén de Asturias, Cantabria e Portugal.
Por diante 100 quilómentros -54 para os que se decantasen polo recorrido curto- e 2.500 metros de desniveles polas estradas, postas e carreiros dos montes de Gondomar, Vigo, Mos , Porriño e Tui. Unha proba que os graveleiros gozaron o máximo a pesar da choiva e a néboa que os acompañaron durante o recorrido.
José Carlos Almeida de Jonis Bike foi o primeiro en cruzar a meta de entre os que optaron polo percorrido curto, logrando un tempo de 2 h. 55”. A trece minutos e medio seguiulle Fernando César Míguez do Club Tres Lunas Valdeorras e o terceiro posto foi para Nicolás Lorenzo.
Pola súa banda, Alejandro González do Xtremebike, foi o primeiro clasificado do percorrido de 100 quilómetros, cruzando a meta cun tempo acumulado de 4 horas e 9 minutos. O segundo posto fo para Aljandro Fernández do C.C. Cidade de Lugo, e o terceiro para Javier Laredo de Bici O.
Finalizada a proba, a experiencia continuou cun dos símbolos de identidade desta proba: o polbo. Aos poucos metros da meta os/as participantes pudieron gozar dunha tapa e un refrixerio como broche final da proba deportiva.
Monday, 04 October 2021 10:54
Gondomar completou a II edición do Camiño de Irmandamento en bicicleta coa vila homónima de Portugal
Preto dunha treintena de persoas, entre participantes, organización, equipo de apoio e loxístico, participaron na II edición do Camiño do Irmandamento, que regresou á estrada tras un ano de ausencia por mor da pandemia. O domingo chegaban a vila irmá onde eran escoltados na entrada por axentes da policía local e recibidos por representantes políticos na Cámara Municipa lusa.
“Cando hai dous anos puxemos en marcha o Camiño do Irmandamento foi coa vocación de convertelo nun roteiro habitual e nun referente, e por iso, unha vez relaxadas as medidas da pandemia poñémonos en marcha de novo nesta segunda edición”, afirmou o alcalde Paco Ferreira, quen, do mesmo xeito que na anterior edición, acompañou ao pelotón de veciños e veciñas que se sumaron a este roteiro cicloturista ata o país veciño.
Un total de 18 participantes, acompañados por un equipo técnico e de apoio loxístico, dábanse cita este sábado ás 9:00 da mañá na Praza de Paradela, punto de saída da primeira etapa, un percorrido de 85 quilómetros, pasando Tomiño para cruzar a ponte internacional e desde Vilanova de Cerveira continuar ao longo da N-13 pola costa ata Esposende, pernoctaron.
A segunda etapa, o domingo 3 de outubro, cubriron a distancia restante ata a homónima Gondomar, cun total de 60 quilómetros, que transcurriron por Póvoa de Varzím, Vila do Conde, O Porto, e, finalmente, a Cámara Municipal de Gondomar onde o grupo foi acompañado na súa entrada por axentes de policía local en bicicleta ata a Cámara Municipal gondomareña onde os representantes políticos deron a benvida os integrantes desta II edición do Camiño de Irmandamento Gondomar-Gondomar.
O regreso, como na súa primeira edición, realizouse en vehículos homologados para o transporte das bicicletas, estimándose a hora da chegada á Estación de autobuses do municipio galego ás 18.00 horas do mesmo domingo día 3 de outubro.
More...
Friday, 01 October 2021 13:23
ARRANCA O PROGRAMA DE "GONDOCULTURA OUTONO 21"
ARRANCA O PROGRAMA DE "GONDOCULTURA OUTONO 21"
Xa estamos en marcha, e inauguramos o noso programa hoxe venres, ás 21.00 horas, no Auditorio Municipal Lois Tobío cunha estrea absoluta en Gondomar: "A música non amansa ás Bestas", de Limiar Teatro e en coprodución artística co concello de Gondomar.
Coa música como fío condutor presentarasen ao público cuestións que só el poderá responder. A través do teatro, a música e a comedia que se integran na obra nos conduce a reflexionar sobre a sociedade pasada, presente e futura.
Reservade vosas entradas xa en :
https://taquilla.concellodegondomar.gal
Thursday, 30 September 2021 13:49
Gondomar acolle a primeira proba de gravel de Galicia
Todo está preparado para que este sábado, día 2 de outubro, celébrese no Baixo Miño (Pontevedra) a esperada Grava & Polbo, a primeira proba ciclista que se celebra en Galicia con bicicletas gravel. Coa saída e a chegada situada na Praza Paradela do Concello de Gondomar, o percorrido abarcará ata 100 quilómetros por estradas, pistas forestais e carreiros cun desnivel positivo de 2.500 metros. Todo un reto e nunhacontorna única para os amantes desta modalidade que se practica sobre unha bicicleta de guiador curvo ao estilo do ciclismo de estrada de gran fondo, pero con cadro e rodas adaptadas para terreos fóra do asfalto.
“O obxectivo de Grava & Polbo é axuntar nunha única proba desta nova modalidade tanto aos participantes que buscan un percorrido esixente e de alta competición, como aos que prefiren gozala doutra maneira, máis relaxada”, comezaexplicando José Comesaña, un dos organizadores da proba. “Escollemos Gondomar porque nos parece o lugar idóneo para iso e estamos seguros de que aos participantes tamén lles vai a encantar”.
Pola súa banda o alcalde de Gondomar, Francisco Ferreira, afirma que “unha vez máis o municipio acolle unha proba ligada co ciclismo, un deporte con gran arraigamento e seguidores/ as no noso municipio”. Mostrouse convencido de que será unha xornada de esforzo e diversión unidos, nas que os participantes darán todo de si para “deixarnos con ganas de máis e a celebración de novas edicións”.
En total, 100 quilómetros repartidos entre asfalto, pistas forestais e carreiros. Un percorrido esixente pola combinación de quilómetros e desnivel acumulado -2.500 metros- pero adaptado para todos os niveis: no quilómetro 43, os participantes poderánescoller entre realizar o percorrido completo ou tomar unha desviación para terminar cun total de 54 quilómetros.
Os avituallamientos e o polbo, aceno de identidade de Grávaa & Polbo
Son, sen dúbida, un dos puntos fortes da proba. Ao longo de todo o percorrido de Grava&Polbo, os participantes atoparán catro puntos de avituallamiento e o cuarto deles, situado no quilómetro 70, será especial. O Mavic Lounge Bar ofrecerá unha experiencia diferente que os participantes poderán gozar con tranquilidade, e é que os cronómetros de cada competidor pararanse nada máis chegar a este punto e reactivaranse ao retomar a carreira, de maneira que o tempo desta parada non contará para o resultado final.
Unha vez cruzada a liña de meta e terminada a proba, a experiencia continúa cunha dos acenos de identidade do evento: o polbo. A cen metros da chegada situaraseun “pulpeiro” para que cada gravelero poida recoller a súa tapa e a súa bebida como broche final de Grávaa & Polbo.
Thursday, 30 September 2021 13:47
Gondomar aspira ao recoñecemento de 3 flores de honra por parte da Asociación “Vilas en flor”
O xurado do certame anual visitou esta mañá a vila, acompañado polo alcalde, Paco Ferreira, e o edil de Medio Ambiente, Brais Misa, así como polos técnicos do departamento que explicaron as actuacións executadas no último ano para avanzar na mellora ambiental e social do concello.
Os membros do xurado recibiron as explicacións sobre a memoria desenvolvida para a ocasión na que destaca a recente adquisición e limpeza da Casa Peralba para destinar a usos sociais da veciñanza nun futuro. “Un investimento importante para o noso concello e que reverterá na mellora non só do seu aspecto se non tamén da calidade de vida dos nosos habitantes”, manifestou o rexedor Paco Ferreira.
Nesa mesma dirección a construción do novo parque canino-lúdico atendendo unha demanda social existente na maior parte das localidades como é a dotación de espazos para o uso e goce das mascotas, que neste caso completouse cun parque biosaudable. Suma Gondomar, en busca dese terceiro galardón, a mellora das zonas verdes coa inclusión de novas xardineiras ornamentais, como a que loce nas inmediacións do campo de fútbol de As Cercas.
O alcalde de Gondomar, Paco Ferreira, mostrou a súa confianza en sumar este ano unha flor de honra máis de “Vilas en Flor” e reiterou o seu compromiso firme “de seguir traballando por facer de Gondomar unha localidade sostible e referente en materia de dinamización ambiental e paisaxística”.
O certame “Vilas en flor” está organizado pola Fundación Juan de Vega, a Asociación de Viveristas do Noroeste e a Asociación Galega de Empresas de Xardinería, e esta é a terceira edición na que participa Gondomar que o pasado ano foi distinguido con dúas flores de honra por o “gran esforzo en dixitalizar as zonas verdes” e as boas actuacións non núcleo urbano.
Thursday, 30 September 2021 10:01
Gondomar presenta a programación cultural de Outono na que destaca o apoio ás produccións e creacións galegas
Máis dunha quincena de representacións de teatro e danza están programadas en“Gondocultura Outono” que este ano inclúe a novidade de introducir sesiónsde cinema con títulos premiados en diferentes festivais. Manterase o despacho de billetes electrónico https://taquilla.concellodegondomar.gal para a reserva ecompra de entradas.
A programación “Gondocultura Outono” foi presentada esta mañá nun acto ao que asistiron o alcalde do municipio, Paco Ferreira, e o director xeral de AGADIC, Jacobo Sutil, así como o concelleiro de Cultura Juan Bas. Un acto no que unha vez máis quixeron aproveitar a ocasión para subliñar a importancia do papel da cultura na sociedade, e a súa achega ao PIB da comunidade, así como a colaboración das administración no seu apoio.
Neste sentido o alcalde, Paco Ferreira, lembrou o compromiso do seu gobernocon esta actividade profesional “como demostra o amplo programa desenvolto esteverán, no que gozamos de estreas a nivel autonómico e da primeira edición do Festival de Danza Corpo a Terra, que nos elixiu como sede para as súas próximas citas”.
“O outono chega cun gran programa que nada ten que envexar ao deste verán, porque unha vez máis, o noso concelleiro de Cultura Juan Bas, implicouse en apostar pola cultura galega, e nos permitirá gozar de ata 15 opcións diferentes, moitas delas con premios María Casares no seu haber ou candidaturas ao Goya”, sinalou o alcalde.
Pola súa banda, Jacobo Sutil, destacou a importancia da colaboración entre administracións para apoiar a un sector que “estivo e está a pasar un momento complicado tras a pandemia”. Agradeceu o esforzo realizado polos concellos e a súacolaboración “coa que logramos desenvolver máis de 500 funcións en toda Galicia”.
Teatro, danza, música e cinema
Entre o 1 de outubro e o 05 de decembro todas as fins de semana en Gondomar terán unha cita con algunha das actividades programadas en “Gondooutono”, inaugurando a nova tempada de teatro a compañía Limiar Teatro e a estrea absoluta en Gondomar da súa obra “A música non amansa as Bestas”,espectáculo realizado en coprodución con residencia artística no concello de Gondomar.
Sumaranse a esta estrea a representación da recentemente premiada con 4 premios María Casares “A lingua das Bolboretas” da man de Sarabela Teatro que tamén representará o clásico “Memorias dun neno labrego”. O programa complétase con “Golfo” da compañía Señora Supina coprodución con residencia artística no concello de Gondomar; “Soga e Cinsa” de Aporía Escénica; e “Vals para Cincinati” da mande Teatro do Ar. Non faltarán a cita os espectáculos pensados para as familias como son “Animal Sagrado”, “Cartoons” e “Bambolina”
Este ano, por primeira vez, inclúese no programa un ciclo de cinema galego, en colaboración coa asociación Alice Guy Val Miñor, no que se proxectarán catro títulos todos eles de creadores/as da nosa comunidade: “9 Fugas” con dous premios MestreMateo e premiada como mellor película do Festival de Xixón; “A viaxe de Leslie”, con 6 candidaturas aos premios Goya, entre eles o de mellor película documental, “Doghs”e “Manoliño Nguenma”.
Por último, o programa tamén inclúe a presenza da música lírica coa representación da Boheme da man de Camerata Lírica, e o espectáculo de danza “Bailar Agora” que chega a Gondomar con 3 premios María Casares – actriz protagonista, e dirección e iluminación- no seu haber.
Compra de entradas
A programación desenvolverase entre o 01 e o 5 de decembro no Auditorio Municipal Lois Tobío e o prezo das entradas oscilará entre os 2,5 e os 3,5 euros, dependendo do espectáculo. As entradas de calquera deles poderán adquirirse no despacho electrónico https://taquilla.concellodegondomar.gal ata completar aforo permitido pola normativa sanitaria vixente nese momento. Ademais, será obrigatorio o uso de máscara no interior e deberán manterse sentados no lugar asignado.
