Concello de Gondomar
Moito por descubrir
Novas Concello de Gondomar
Monday, 25 October 2021 18:48
Gondomar avanza na súa aposta pola sustantibilidade e reutilización e reciclaxe
O concello de Gondomar, representado polo concelleiro de Medio Ambiente, Brais Misa, recibiu
na Deputación Provincial o dispositivo #Gestraee, unha app pioneira en España que permitirá
rexistrar o fluxo dos aparellos eléctricos e electrónicos reutilizables para darlles unha segunda
vida, así como para controlar os #REES que se xeran no municipio.
Este novo software é un paso máis dentro do programa transfronteirizo ESTRAEE, promovido
pola institución provincial, ao que está adherido o concello de Gondomar.
A nova app #Gestraee facilitará a dixitalización dos puntos limpos e, entre outras cuestións, os
usuarios poderán recibir un xustificante dos #REES que depositasen no punto limpo do seu
municipio.
#Gondomarsostible
Monday, 25 October 2021 13:22
A Entidade Local Menor de Morgadáns dá luz verde ao seu escudo e bandeira oficiais
A Entidade Local Menor de Morgadáns tamén ten en marcha o proceso de
creación de bandeira e escudos propios, que, como ocorre coa de Gondomar, están a
deseñar desde a Comisión Heráldica da Xunta de Galicia.
No caso da Entidade os seus representantes xa deron o visto e prace en pleno á
proposta definitiva que se remitirá de novo á institución autonómica para que sexa
aprobada de forma definitiva.
Bandeira e escudo son tricolores coas cores amarelo, verde e azul, aos que se
suman símbolos que fan referencia á tradición gandeira desta parroquia de Gondomar,
así como á cría de cabalos salvaxes en liberdade, que tamén a identifica.
Monday, 25 October 2021 13:19
Gondomar elixe a súa bandeira oficial entre as tres propostas remitidas pola Comisión Heráldica da Xunta
Comisión Heráldica da Xunta
O alcalde de Gondomar, solicitou hai un ano e medio á institución galega
a creación dunha enseña propia, dunha bandeira oficial para ao municipio
porque “todas as localidades teñen bandeira, pero Gondomar só escudo e é un
signo de identidade importante”, xustificó o alcalde naquel momento.
Agora sobre a mesa tres propostas diferentes deseñadas polos técnicos
da Comisión Heráldica que as basearon na historia da localidade a partir dun
dos seus máis recoñecidos protagonista, Diego Sarmiento de Acuña, o primeiro
Conde de Gondomar.
Esa referencia xustifica a inclusión do canón e as espadas do escudo
oficial, así como novos símbolos como os circulares que fan referencia aos
Sarmiento e triangulares relativos aos Acuña.
Respecto a as cores elixidas (vermello, azul e amarelo) , Paco Ferreira
explica que non aparece a explicación do porqué desta elección pero que se
coñecerá “a descrición completa e a súa explicación unha vez que estea
aprobada a bandeira definitiva.”
Tamén explicou que este mércores convocou aos voceiros da oposición
para darlles a coñecer os tres modelos e coñecer o seu opinión, pospoñéndose
sen data finalmente o encontro xa que os representantes do PP e BNG non
podían asistir por cuestión de axenda, e o de Manifesto Miñor, rexeitou a
invitación por non considerar relevante este asunto como para asistir ao
encontro.
O alcalde confía en que os edís do resto de grupos políticos sómense ao
proceso de elección porque “a bandeira non debe ser elemento de discordia”.
Unha vez tómese decisión sobre algún deles deberá remitirse de novo á Xunta
de Galicia para a aprobación definitiva.
Friday, 22 October 2021 17:36
O Centro de Desenvolvemento Local de Gondomar súmase á enerxía renovable
O centro estrea un sistema de calefacción, composto por catro caldeiras, unha instalación térmica de biomasa que dará servizo a todo o inmoble e aposta directamente polas enerxías renovables, política que se fomenta desde o concello de Gondomar.
A nova infraestrutura contou cun investimento de 88,600 euros, financiados con cargo aos orzamentos do Instituto Enerxético de Galicia (INEGA) e cofinanciado a través do Fondo Europeo Agrícola de Desenvolvemento Rural ( FEADER). “A instalación desta nova caldeira supón unha mellora e modernización substancial do espazo e proporcionará un importante aforro enerxético neste edificio”, manifestou o rexedor Paco Ferreira, durante a visita ao centro.
Acompañado polo concelleiro de Medio Ambiente, Brais Misa, lembrou que “un dos nosos obxectivos como administración é reducir a pegada ambiental de Gondomar, e apostar por todos os medios e recursos que permitan logralo como é o caso das enerxías renovables, algo no que estamos traballando”.
A nova instalación térmica de biomasa está composta de catro caldeiras e dun sistema de control que permitirá o funcionamento por sectores no edificio, dividido en dúas ás, de maneira que “se poderá acender segundo as necesidades e as demandas que existan en cada momento, sen necesidade de quentar todo o edificio como viña facendose ata o de agora”, explicou o edil de Medio Ambiente.
O proxecto complétase cun depósito de inercia de 1000 litros que almacena a enerxía que xeran as caldeiras. Ademais, situouse un contador para a medición de kwhtérmicos consumidos e un sistema de telexestión e control de incidencias con comunicación de alarmas á empresa encargada do seu mantemento, acordado no contrato de concesión por un período de 6 anos.
A reforma das catro caldeiras completouse con outras melloras como o arranxo da cheminea, instalación dunha nova porta máis na sala e a localización dun silo de almacenamento, con capacidade de 20 toneladas, para cubrir as necesidades da nova instalación.
O alcalde Paco Ferreira mostrou a súa satisfación “por poder seguir fomentando ou uso da biomasa forestal, unha enerxía renovable con reducido impacto ambiental que polo seu carácter autóctono favorece o autoabastecemento e a seguridade de subministración a prezos competitivos, á vez que reduce a contaminación e a nosa pegada ambiental non planeta”.
Wednesday, 20 October 2021 16:31
GONDOMAR E CORREOS ACORDAN INSTAURAR UN REXISTRO DIXITAL NA OFICINA DO MUNICIPIO
O alcalde de Gondomar, Paco Ferreira, reuniuse esta mañá cos responsables de Correos
Carlos Meijome Juiz e Tamara Fernández Iglesias para coñecer de primeira man a nova
colaboración que se acordou entre o concello e a oficina postal de Correos no municipio.
Nela instalarase a aplicacación ORVE, un rexistro dixital no que calquera cidadá poderá enviar
copias autenticadas e realizar calquera trámite relacionado coa administración. Ademais
búscase romper a fenda dixital que estas operacións supoñen para moitas persoas que non se
manexan coas novas tecnologías e que recibirán a axuda do persoal das oficinas de correo.
Por outra banda, desde este mes tamén estarán autorizadas a cobrar calquera tributo do ORAL
nas oficinas postais.
Pola súa banda o alcalde, Paco Ferreira, puxo sobre a mesa a posibilidade de pechar nun
futuro próximo un convenio de colaboración en materia de paquetería e loxística pensado,
prioritariamente, para dar servizo ás empresas do Polígono da Pasaxe.
#Gondomar #traballando
Wednesday, 20 October 2021 16:27
O "MINIECOPUNTO" DE RECICLAXE DE REES CHEGA AO C.C. DE DONAS
O "miniecopunto" de reciclaxe de REES (residuos eléctricos e electrónicos) segue o seu
percorrido polas parroquias do noso concello para implicar ao maior número de veciños y
veciñas en materia de reciclaxe e defensa do medio ambiente.
O miniecopunto chega ao Centro Cultural de Donas onde permanecerá durante15 días
instalado para dar servizo a veciñanza e facilitar que poidan depositar nel os residuos eléctricos
ou electrónicos dos que se queran desfacer.
Este miniecopunto enmárcase dentro do proxecto Estratexia Sostible Transfronteriza para a
Xestión de Residuos e Aparellos Electrónicos (ESTRAEE), promovida pola Deputación
Provincial e á que se adscribiu o concello de Gondomar.
Wednesday, 20 October 2021 13:00
GONDOMAR ACOLLE A ESTREA DO NOVO ESPECTÁCULO DE TEO CARDALDA
O novo espectáculo do músico vigués, Teo Cardalda, "Claves Líricas" estrearaseeste próximo xoves 22 de outubro en Gondomar. A partir das 20.30 horas no Auditorio Municipal Lois Tobío poderemos gozar deste novo proxecto do artista no que mestura teatro e música, nunha especie de ópera-pop que vira ao redor da obra e figura do escritor e dramaturgo Ramón de Valle-Inclán.
Chega aos escearios tras un importante traballo de documentación por parte de Teo Cardalda desenrolado desde hai unha década da obra poética do autor de Vilanova de Arousa, que tamén se editou en forma impresa de disco-libro.
Tanto o espectáculo como o volume cos novos temas herdan o nome do recompilatorio de poemas que Valle-Inclán escribiu en 1930, entre os que María Monsolís, realizou unha selección de pezas que chegan envolvidas de música, proxeccións e coreografías que nos permitirán viaxar a través do rock, o rap ou a balada, e mesmo descubrir novos textos compostos por Cardalda que nos convidan imaxinarque visión tería do noso século Valle-Inclán.
Con Teo Cardalda na pel de Valle-Inclán e María Monsonís na de Josefina Blanco, “Claves líricas” ofrece unha radiografía artística do escritor e trasladará ao público a imaxe do mundo como esperpéntico sainete.
Tras la estrea en Gondomar o dúo levará este espectáculo, ao amparo do Xacabeo 21-22, as vilas de Culleredo, Vilanova de Arousa e, por último á Cidade da Cultura de Galicia.
Máis info en https://taquilla.concellodegondomar.gal
Wednesday, 20 October 2021 12:40
Gondomar organiza unha charla sobre os mitos e mentiras que existen en torno ao TDAH
Coincidindo coa celebración do Día Nacional do TDAH (27 de outubro) a concellería de Xuventude, dirixida por Nuria Lameiro, programa unha charla para desmitificar informacións que existen sobre este trastorno que afecta entre o 5 e o 7 % dos neno/as en idade escolar. A información como ferramenta e medios para combater prexuízos baseados no descoñecemento.
O Centro Neural acollerá esta charla que impartirá a psicóloga Paula Fernández Rodríguez o próximo día 29 de outubro a partir de 19.00 h. Baixo o título “TDAH. Máis aló do diagnóstico” preténdese dar a coñecer máis detalles deste trastorno neurobiolóxico, acabar cos seus mitos e mentiras creadas ao redor del.
A experta en adolescencia, trastornos de conduta e aprendizaxe, así como de TDAH, aproveitará esta charla para dar a coñecer a outra cara deste trastorno, a que día a día viven quenes o padecen e as súas familias, así como as normas básicas para a súa xestión “tentando ir máis aló da súa realidade máis obvia”.
O TDAH diagnostícase en nenos 3-4 veces máis que en nenas, unha diferenza que se atenúa conforme aumenta a idade. Persiste o trastorno nalgúns pacientes na adolescencia e na idade adulta: 40-70% adolescentes e ata 50-60% nos adultos.
Máis información no teléfono 986 369.746 ou en This email address is being protected from spambots. You need JavaScript enabled to view it..
Tuesday, 19 October 2021 16:24
Gondomar abre o prazo para solicitar as subvencións en réxime libre concorrencia
Entre os días 19 de outubro e 2 de novembro poderanse presentar as solicitudes ás
subvencións en réxime de libre concorrencia do concello de Gondomar para actividades
culturais, actividades de fin social e actividades deportivas do 2021, publicadas este luns no
Boletín Oficial da Provincia.
O obxectivo destas axudas é fomentar o desenvolvemento de actividades, execución de
obras ou investimentos en adquisición de subministros que redunden en beneficio da
colectividade entre os veciños/ as de Gondomar nos ámbitos de cultura, deportes ou fins
sociais, respectivamente.
As agrupacións de persoas físicas ou xurídicas, comunidades de bens ou colectivos
cidadáns, persoas ou entidades sen ánimo de lucro que desenvolvan actividades de interese
municipal, ou calquera outro tipo de unidade económica ou patrimonio separado que,
carecendo de personalidade xurídica, poida levar a cabo as actividades obxecto da subvención.
As bases e a documentación necesaria que se debe encher para presentar as
solicitudes poden descargarse na páxina web www.concellodegondomar.gal na columna de
“DESTACADOS”.
Monday, 18 October 2021 16:52
Gondomar pon en marcha un novo obradoiro de emprego
O concello de Gondomar acollerá durante nove meses o novo taller de emprego“Coidando Miñor”, en colaboración cos concellos de Baiona e Nigrán, no que se formarán alumnos dos tres municipios das especialidades de Limpeza de superficies e locais, e, emprego doméstico e atención sociosanitaria.
O alcalde de Gondomar, Paco Ferreira, acompañado polos seus homónimos de Baiona e Nigrán, Carlos Gómez e Juan González,respectivamente, así como a delegada territorial da Xunta en Vigo, Marta Fernández Tapias, inauguraron este novo taller dando a benvida aos alumnos e alumnas que “unha vez máis cubriron rapidamente as prazas previstas demostrando o interese que suscitan estas convocatorias”.
Como en ocasións anteriores o taller estará dividido en dous grupos de 10 alumnos por especialidade que ademais de formarse e obter os certificados de profesional correspondente (limpeza de superficie e locais, e, emprego doméstico e atención sanitaria), durante o período de 9 meses que asistan ao taller de formación percibirán o Salario Mínimo Interprofesional.
Subvencionado pola Consellería de Emprego e Igualdade cun orzamento de 346.946 euros pertence aos tres concellos da mancomunidade e execútase en Gondomar. O rexedor deste concello, Paco Ferreira, subliñou precisamente o feito de “que a colaboración de administracións en materias tan sensibles como a xeración do empregoé fundamental como demostra o éxito das edicións de talleres xa celebradas anteriormente nas que un 50% dos participantes lograron inserirse no mercado laboral”.
Unha idea na que coincidiron os distintos representantes políticos presentes no acto, que animaron aos beneficiarios e beneficiarias deste novo obradoiro “a esforzarse e aproveitar a oportunidade de formarse e adquirir novas ferramentas para adecuarse ásdemandas do mercado laboral”.
More...
Monday, 18 October 2021 15:45
Bases e convocatoria de subvencións municipais de libre concorrencia para o exercicio 2021
BASES E CONVOCATORIA DE SUBVENCIÓNS MUNICIPAIS PARA A EXECUCIÓN DE ACTIVIDADES QUE PERSIGAN UN FIN SOCIAL NO EXERCICIO 2021
As presentes bases, que rexerán a convocatoria para a concesión de subvencións para o desenvolvemento de actividades que persigan un fin social no ano 2021, estarán suxeitas á Lei 38/2003 do 17 de novembro, Xeral de Subvencións (en adiante LXS), do Real decreto 887/06, de 21/07, polo que se aproba o Regulamento xeral de subvencións en desenvolvemento da lei anterior, Lei 9/2007, de 13 de xuño, de Subvencións de Galicia, Decreto 11/2009, de 8 de xaneiro, Ordenanza Xeral de Subvencións do Concello de Gondomar, aprobada polo Pleno da Corporación o 17 de setembro do 2.004 (B.O.P. no 195 do 7-10-2004), (en adiante OXS), e demais normativa aplicable.
I.- OBXECTO DA CONVOCATORIA
A presente convocatoria ten por obxecto regula-lo procedemento de concesión de subvencións en réxime de libre concorrencia para fomenta-lo desenvolvemento de actividades, execución de obras ou investimentos, adquisición de subministros e outros que persigan a consecución de obxectivos de carácter social ou comunitario, ou que redunden en beneficio da colectividade entre os veciños/as de Gondomar no ámbito social.
A subvención concedida destinarase en exclusiva a cubrir os gastos directamente relacionados con actividades de fin social, segundo o sinalado na presente Base.
DESCARGAR BASESBASES E CONVOCATORIA DE SUBVENCIÓNS MUNICIPAIS PARA A EXECUCIÓN DE ACTIVIDADES DE PROMOCIÓN DEPORTIVAS NO EXERCICIO 2021
As presentes bases, que rexerán a convocatoria para a concesión de subvencións para o desenvolvemento de actividades deportivas no ano 2021, estarán suxeitas á Lei 38/2003 do 17 de novembro, Xeral de Subvencións (en adiante LXS), do Real decreto 887/06, de 21/07, polo que se aproba o Regulamento xeral de subvencións en desenvolvemento da lei anterior, Lei 9/2007, de 13 de xuño, de Subvencións de Galicia, Decreto 11/2009, de 8 de xaneiro, Ordenanza Xeral de Subvencións do Concello de Gondomar, aprobada polo Pleno da Corporación o 17 de setembro do 2.004 (B.O.P. no 195 do 7-10-2004), (en adiante OXS), e demais normativa aplicable.
I.- OBXECTO DA CONVOCATORIA
A presente convocatoria ten por obxecto regula-lo procedemento de concesión de subvencións en réxime de libre concorrencia para fomenta-lo desenvolvemento de actividades, execución de obras ou investimentos, adquisición de subministros e outros que persigan a consecución de obxectivos de carácter deportivo, ou que redunden en beneficio da colectividade entre os veciños/as de Gondomar no ámbito deportivo.
A subvención concedida destinarase en exclusiva a cubrir os gastos directamente relacionados con actividades deportivas, segundo o sinalado na presente Base.
BASES E CONVOCATORIA DE SUBVENCIÓNS MUNICIPAIS PARA A EXECUCIÓN DE ACTIVIDADES DE PROMOCIÓN E DESENVOLVEMENTO CULTURAL NO EXERCICIO 2021
As presentes bases, que rexerán a convocatoria para a concesión de subvencións para o desenvolvemento de actividades culturais no ano 2021, estarán suxeitas á Lei 38/2003 do 17 de novembro, Xeral de Subvencións (en adiante LXS), do Real decreto 887/06, de 21/07, polo que se aproba o Regulamento xeral de subvencións en desenvolvemento da lei anterior, Lei 9/2007, de 13 de xuño, de Subvencións de Galicia, Decreto 11/2009, de 8 de xaneiro, Ordenanza Xeral de Subvencións do Concello de Gondomar, aprobada polo Pleno da Corporación o 17 de setembro do 2.004 (B.O.P. no 195 do 7-10-2004), (en adiante OXS), e demais normativa aplicable.
I.- OBXECTO DA CONVOCATORIA
A presente convocatoria ten por obxecto regula-lo procedemento de concesión de subvencións en réxime de libre concorrencia para fomenta-lo desenvolvemento de actividades, execución de obras ou investimentos, adquisición de subministros e outros que persigan a consecución de obxectivos exclusivamente de carácter cultural, ou que redunden en beneficio da colectividade entre os veciños/as de Gondomar no ámbito cultural.
A subvención concedida destinarase en exclusiva a cubrir os gastos directamente relacionados con actividades culturais, segundo o sinalado na presente Base.
Friday, 15 October 2021 19:46
Volve a cita con Enduro Serra do Galiñeiro
Nova cita co deporte en Gondomar. Todo preparado para gozar dunha nova edición da proba Enduro Serra do Galiñeiro, organizada por Máis Enduro en colaboración coa concellería de Deportes de Gondomar. A probar, que contará con 140 participantes, celebrarase este domingo a partir das 09.00 da mañá, hora prevista para a saída.
Según a estimación dos organizadores as dúas se entregarán os premios aos gañadores/as na explanada que hai fronte o Centro Cultural de Vincios.
Friday, 15 October 2021 19:44
CINEMA GALEGO NO AUDITORIO LOIS TOBÍO DE GONDOMAR
No programa "Gondocultura Outono" en Gondomar, quenda para o cinema galego coa película "9 Fugas" de Fon Cortizo, premio Mestre Mateo á mellor Banda Sonora Orixinal e nomeamento á mellor fotografía. Tamén premiada no festival de Xixón.
Este venres 15 de outubro, a partir das 21.00 horas, podedes descubrir unha narrativa fuxida, que nos arrastra e seduce dende o principio. Poderiamos estar ante a historia dunha rapaza en busca de algo, pero esa é só a escusa para un cruzamento inusual entre música e cinema que resulta en mil e unha historias máis.
Máis info: hptts://taquilla.concellodegondomar. gal.
Friday, 15 October 2021 19:42
FALLADOS OS PRIMEIROS PREMIOS DE INVESTIGACIÓN VAL DE MIÑOR
Convocado polo INTITUTO DE ESTUDOS MIÑORÁNS (IEM) e patrocinado pola Mancomunidade do Val Miñor, acaba de ser concedido por o xurado de expertos, segundo se recolle na acta remitidas polo xurado, e unha vez abertas as plicas, aosveciños de Gondomar
Xosé Luís Mosquera Veleiro, pola súa obra O Val de Miñor durante a Segunda República (1931-1936) e un accésit a Elena Crespo Fernández polo seu traballo A represión franquista en Gondomar.
A dotación do premio é de 3000 €, e a súa publicación para a obra gañadora, e de 1000 € para o accésit e a publicación dun resumo na Revista de Estudos Miñoráns REM.
Os premios serán entregadas nunha data próxima, aínda por concretar, nun acto que será anunciado oportunamente, ao tempo que se convocará a segunda edición, na que se animará aos xoves investigadores dos cursos de bacharelato e FP dos institutos e aos da Universidade, para que sigan avanzando nos estudos locais e a outros investigadores que teñan entre as súas investigacións traballos centrados na nosa Comarca.
