O alcalde de Gondomar, Paco Ferreira, e o presidente da Comunidade de Montes Veciñais de Borreiros, acordaron asinar un convenio que recolle o compromiso do goberno local de acometer esta actuación a cambio da cesión da parcela e as súas instalacións para uso municipal.
O acordo, que se subscribirá nos próximos días, recolle a necesidade do gobernode contar con máis instalacións deportivas e recreativas para atender a alta demanda destas actividades por parte da poboación, razón pola que a Comunidade de Montes en Mancomún de Borreiros cederá unha parcela (de preto de 2000 metros cuadrados)cunha pista polideportiva e un inmoble -que actualmente úsase para almacenaxe-situadas no Lugar San Martiño, próxima aos núcleos rurais de Monteiro e Lousado.
Nela existen varias instalacións deportivas que serían acondicionadas e melloradas polo goberno local, cun investivemento de 63.500 euros. Ademais, a cesión contempla unha edificación que se “aproveitará para o seu acondicionamento como vestiarios deportivos vinculados ás instalacións existentes”, que na actualidade carecen deste servizo dificultando na práctica o uso normal das pistas de deporte.
O alcalde Paco Ferreira e o presidente da Comunidade, Latino Rodríguez, pecharon esta mañá os flocos pendentes e “poñemos así en marcha a nosa colaboración coa parroquia de Borreiros para sacar o maior proveito por e para todos os seushabitantes, así como para o noso municipio”, manifestou o rexedor que lembrou “aospoucos pero sen pausa seguimos traballando por e para Gondomar, para todas e cada unha das súas parroquias”.
Neste caso sinalou a importancia de apostar unha vez máis polo deporte e o seuachegamento ás novas xeracións e á poboación en xeral “como unha forma de gozar o tempo libre, pero sobre todo como filosofía de fomentar os hábitos saudables entre a nosa poboación”.
Ademais da construción dos vestiarios e a mellora das infraestruturas deportivas e de recreo da contorna do edificio, o concello asume durante a vixencia do convenio -4 anos prorroglables por outros tantos- os gastos de conservación ordinarios do citado espazo.
Pola súa banda a Comunidade de Montes Veciñais en Mancomún de Borreiroscede o uso gratuito das instalacións “sen prexuízo de utilizar e gozar do terreo”. Tanto o presidente dos comuneiros como o rexedor de Gondomar coincidiron á hora de afirmar “que é un acordo co que gaña a parroquia, gaña todo o municipio” e apostaron por manter a liña de colaboración aberta en próximas actuacións.
Tomade boa nota porque o programa de cultura do Concello de Gondomar aínda non rematou. Dobre cita o vindeiro sábado 11 de setembro.
Ás 19.00 horas na Praza da Paradela concerto de "Cantares de Brión", e ás 21.30 horas "Cinema na rúa" coa proxección da película "María Solinha" no Parque das Rosas, contando coa presentación e posterior coloquio en directo co director desta longametraxe, Ignacio Vilar.
Máis info: htpss://taquilla.concellodegondomar.gal
Todo preparado para gozar dunha cita clásica do deporte e de Gondomar: a Marcha Cicloturista que organiza o Club Ciclista de Gondomar en colaboración co Concello e que este ano alcanza o seu vixésimo primeira edición.
Todos os interesados/ as en participar aínda están a tempo de inscribirse na páxina www.clubciclistagondomar.org e gozar dun día de deporte xunto a figuras tan recoñecidas como Álvaro Pino, Samuel Blanco e Gustavo Veloso que se sumarán este ano ao pelotón da marcha cicloturista.
Os dorsais recolleranse entre as 08.00 e 09.00 na Praza da Paradela, punto de partida do evento ás 09.30 horas deste domingo 12 de setembro.
Os nosos mozos e mozas ábrense camiño nas competicións nacionais e demostran a canteira de grandes deportistas que temos en Gondomar.
Desde o Concello felicitamos a Dany Buba, veciño de Gondomar, que se fixo coa terceira posición na categoría de cadetes na IV edición da Copa de España de Enduro, celebrada esta fin de semana na localidade de Adrada en Ávila.
Parabéns, campión¡¡
Os bolos celtas deron unha nova alegría a Gondomar ao facerse coa victoria do Campionato de España de bolos Celta por equipos de primeira categoría o Club Xunqueira de Gondomar. Parabéns !!
Éxito tamén para a nosa veciña María Isabel Sánchez, do Club de bolos de San Miguel de Gondomar, que xunto á súa compañeira do Club de bolos os Serenos de Tieno-Asturias, lograron o bronce no campionato de España por parellas. Bravo campioas!!!
Desde a concellería de Benestar insístese na necesidade de que todos os usuarios do servizo déanse de alta antes de iniciar o curso, así como que os demandantes do Servizo pasen polas dependencias municipais para comprobar se llo adxudicaron ou non.
A súa instalación é moi intuitiva e unha vez accédese ao rexistro da aplicación os usuarios deberán introducir o DNI e o correo electrónico (de nai ou pai) tras o que aparecerán datos para a súa confirmación ou modificación, aceptando a operación unha vez concluída para activala. No caso de novos usuarios tras completar eses mesmos pasos deberán introducir un código que se lles remitiu por carta.
Calquera dúbida ou dificultade que poida xurdir poderase liquidar a través docorreo This email address is being protected from spambots. You need JavaScript enabled to view it., para garantir que o servizo está correctamente instalado, ao ser unha das condicións que se impoñían nas bases de concesión das subvencións municipais para optar ao comedor escolar.
Con “Colechef” búscase centralizar nunha única aplicación toda a información e xestión dos comedores escolares, facilitando a relación con titores e titoras. Ofreceraseinformación detallada de cada neno ou nena de forma visual, sobre os menús que se serven diaria e mensualmente, cos datos nutricionais e alérxenos de cada un deles.
Por outra banda, poderanse coñecer de primeira man as propostas de menú adaptado ás intolerancias alimentarias ou dietas especiais que os pequenos ou pequenaspoidan requirir no algún momento. Tamén se poderán consultar rectas equilibradas para as ceas e recomendacións de xantares saudables.
Ademais, permitirá realizar as xestións de forma rápida, tanto as puntuais oufrecuentes como as que xorden de maneira inesperada; rexistrarse para iniciar algún dos servizos, comunicar altas, baixas ou modificacións ou xestionar a asistencias extra ouausencia ao comedor.
A actividade, organizada e financiada polo Concello de Gondomar, propón percorrer o Camiño portugués pola costa en catro etapas que permitirán aos participantes recibir a Compostela unha vez cheguen a Santiago.
Ben cedo e con moitas ganas de gozar da experiencia os algo máis 50 peregrinos que se sumaron á actividade, organizada pola Concellería de Turismo, poñíanse en marcha desde o Auditorio Municipal Lois Tobío para cubrir a primeira etapa Gondomar-Vigo, na que percorrerán un pequeno tramo do Camiño da Nosa Señora do Norte para sumarse ao Camiño Portugués pola Costa ao chegar a Nigrán, roteiro que seguirán xa durante toda a peregrinación.
Ese camiño, de algo mais 100 quilómetros, é o que cubrirán en catro etapas na que cada sábado de setembro percorrerán preto de 30 quilómetros como media, cubrindo así a segunda etapa o día 11 de setembro o tramo Vigo-Pontevedra; o día 18 de setembro, Pontevedra-Valga e, finalizar, o día 25 de setembro cubrindo ou tramo Valga-Santiago de Compostela.
Cada xornada un autobús desprazará aos participantes desta actividade ata o seu regreso a Gondomar unha vez completada cada etapa, e viceversa. Ademais irán acompañados en todo momento de vehículos de apoio loxístico, persoal da organización por calquera imprevisto que poida xurdir e contarán con varios puntos de refresco, con froita, auga e doces.
Dende a concellería lémbrase que, como en todas as actividades que se veñen realizando dende o goberno, respectaranse en todo momento as medidas de prevención fronte a Covid, e para seguir garantindo a seguridade, facilitaráselle unha mascara a cada peregrino antes de cada etapa.
A organización deste evento responde á demanda que moitos veciños e veciñas fixeron chegar a concellería interesados en facer o Camiño de Santiago coincidindo co ano Santo, percorrido “que en cada etapa cubriremos sempre tendo as características e necesidades do grupo”.
Durante toda a fin de semana o concello de Gondomar será a sede da Danza coa presenza de artistas e compañías que participan no programa de o Festival de Danza Corpo a Terra que chega a súa décima primera edición. O fa estreando ubicación despois de unha década instalado en Ourense e desprazándos agora ata o concello de Gondomar.
Durante dous días poderemos gozar das diferentes expresión artísticas que a danza propón e presenciar representación nomidadas a sete premios Max ou que a súa estrea é aquí en Gondomar. As entradas podedes reservalas na páxina htpss:/ taquilla.concellodegondomar.gal. Consultade o programa e bulide¡¡
Máis de 150 persoas achegáronse hoxe ata a Praza Paradela para seguir en directo o debut da deportista nos Xogos Paralímpicos de Tokio.
“Dános igual o resultado, xa é a nosa campioa”, así valorou o alcalde de Gondomar, Paco Ferreira, a actuación de Desirée Vila, veciña do municipio, nos Xogos Paralímpicos de Tokio 2020 na proba de salto de lonxitude T63 na que quedou en sexto lugar. “É todo un exemplo a seguir e nosa mellor embaixadora algo que queremos recoñecer desde este goberno propoñendo que o pavillón municipal de deportes de Donas leve o nome de Desiré Vila”.
A esta proposta sumou o feito de propoñela como madriña da próxima Gala do Deporte “que esperemos poder celebrar con total normalidade xa o ano que vén”. O rexedor desexoulle todos os éxitos que “se merece esta gran persoa, exemplo de superación a seguir” e engadiu que “todos e todas a queremos moito, como proban as máis de 100 persoas que se reuniron hoxe aquí para animala desde a súa localidade”.
Familiares, amigos e representantes do goberno local seguiron desde as 12.00 do mediodía que se retransmitía a través dunha pantalla xigante en directo. Un público que lucía camisetas de apoio deseñadas pola concellería de Deportes e repartidas entre os asistentes que non se quixeron perder a competición de Desirée.
Unha situación que podería repertirse o vindeiro sábado, coincidindo co paso da Volta Ciclista de España polo municipio, se Desirée Vila logra clasificarse para a final dos 100 metros lisos, que se podería seguir, de novo, nunha pantalla xigante na Praza Paradela a partir das 13.30 horas.
Esta fin de semana os amantes da escena clown teñen unha cita nas noites de Gondocultura de Verán na primeira edición do Festival de Circo.
O venres 27 de Agosto, a partires das 21:00, VAIVENCIRCO estará actuando na Praza Paradela co espectáculo “Esencial”. Un espectáculo de transicións, no que cinco personaxes que xogan, que soñan, unha viaxe de aventuras, levaránnos a lugares recónditos nos que a decisión vital será toma-lo camiño máis simple.
O sábado 28 de Agosto, son LA GATA JAPONESA quen co espectáculo “Los viajes de Bowa” estarán ás 21:00 na Praza Paradela. Bowa, é nómade, orfa de raíces e de soños; mírase guiada por unha obsesión: descubrir que hai tralas mensaxes encerradas en botellas lanzadas ao mar. Un novo lugar no que enterrar as súas raíces e botarse a voar. Maxia, equilibrios, acrobacias aéreas, humor e poesía serán os compañeiros de Bowa nesta viaxe
E o domingo 29 de Agosto, ás 21:00 a BANDA DE MÚSICA DA AGRUPACIÓN MUSICAL DE VINCIOS combina o seu traballo con PISTACATRO para pechar unha fin de semana chea de risas e números circenses con “Orquestra Malabares” en Gondomar.
ORQUESTA DE MALABARES é un espectáculo que pon en escena a seis malabaristas e a música a cargo da Banda Agrupación Musical de Vincios. Un concerto onde os malabares son os bailaríns deste ballet aéreo. Clarinetes, saxos e trompetas son os pintores dun cadro expresionista no que as bolas, mazas e aros debuxan no aire os sentimentos e emocións que transmite a música e o circo.
Que ninguén esqueza reservar as entradas gratuitamente na web
https://taquilla.concellodegondomar.gal/
Os amantes da danza e artes corpóreas, tamén terán o seu espazo na primeira fin de semana de setembro en “Corpo a Terra” que nos próximos días darase a coñecer toda a súa programación
A música pop rock dos últimos tempos dase cita en Gondomar esta fin de semana a través das versións dos grupos Dr. Slump, Mitic El Espectáculo e Argonat Band
Fin de semana musical de versións pop rock nas noites de Cultura de Verán en Gondomar.
O venres 20 de Agosto, a partires das 22:30, DR SLUMP estará actuando na Praza Paradela.
O sábado 21 de Agosto, MITIC EL ESPECTÁCULO estará ás 22:30 naspistas de AS CERCAS
E o domingo 22 de Agosto, ás 22:30 a banda de acordeóns ARGONAT BAND pechará unha fin de semana chea de música en Gondomar
Que ninguén esqueza reservar as entradas gratuitamente na web
MANCOMUNIDADE CONCELLOS DO VAL MIÑOR
O presidente da Mancomunidade do Val Miñor,o alcalde de Gondomar, Paco Ferreira, acompañado polos rexedores dos outros Concellos que integran esta entidade, Carlos Gómez, rexedor de Baiona, e Juan González, alcalde de Nigrán, xunto a xefa territorial de Emprego e Igualdade da Xunta en Vigo, Marta Mariño, inauguraron esta mañá o obradoiro “Pedras do Miñor”, enmarcado no Plan de Garantía Xuvenil, cofinanciado por l Fondo Social Europeo e a Iniciativa de Emprego xuvenil, cunha dotación de preto de 369.493 euros.
Todas eles deron a benvida aos 16 alumnos, de idades comprendidas entre os 16 e 29 anos seleccionados para o taller, que se desenvolverá en dúas modalidades: albañilería e cantería. Coincidiron en destacar a importancia desta oportunidade porque “vai máis aló dun simple obradoiro de emprego porque ofrécevos poñer en práctica o aprendido, traballando con nós nos concellos, e desta forma gañar a experiencia precisa para ter máis facilidades á hora de acceder ao mercado laboral”.
Por último, alcaldes e Marta Mariño coincidiron en suliñar a importancia de establecer “pontes entre as administracións e a máxima colaboración, como é o caso, para favorecer políticas activas de emprego, ferramentas que permitan que os nosos mozos poidan acceder ao mercado laboral e responder as súas demandas, loitando contra as altas taxas de desemprego xuvenil que rexistra o noso país”.
Formación dual
O taller, cunha duración de 12 meses, axústase á fórmula dual que alterna a práctica profesional que tamén estará dirixida á aprendizaxe, cualificación e adquisición de experiencia profesional. Estes programas de emprego contemplan un contrato polo que os participantes percibirán o salario mínimo interprofesional, subvencionado ao 100% pola Xunta de Galicia.
As clases teóricas do obradoiro desenvolveranse durante os seis primeiros meses no Multiusos “Ángel Bedriñana” en Baiona, a cargo do equipo directivo integrado por 1 docente por modalidade, unha directora e unha administrativa. Unha vez finalice esta primeira fase, o alumnado fará as prácticas nos Concellos da Mancomunidade.
Así en Gondomar está previsto que acometan o acondicionamento de varios lavadoiros tradicionais e a construción de baños con accesibilidade en dependencias municipais. No caso de Nigrán traballarán na rehabilitación do Lavadoiro de Sancho, mentres que en Baiona acondicionarán a zona de acceso do aparcadoiro do campo do Aral, o Paseo Monteboi e acometerán diversas melloras no multiusos Bedriñana.
Esta actuación enmárcase no proxecto do goberno que dirixe Paco Ferreira de dar continuidade ás humanizacións desenvoltas en diversas rúas do municipio, acometendo a reestruturación dos accesos dotándoos de beirarrúas e servizos adecuados.
Gondomar inaugurou a segunda fase da mellora do camiño de Sequeirós coa actuación acometida sobre a coñecida como “Estrada de Rasas” na que se executaron, básicamente, as obras de reposición do pavimento asfáltico. Complétase así o proxecto iniciado coas obras no tramo do camiño de Sequeirós co cruzamento coa PO-340, no que se ampliara, na primeira fase, o espazo pola marxe dereita dotándoo de beirarrúas e ampliando o ancho de calzada que “era escaso facendo o paso de vehículos moi axustado, e moi difícil para os peóns”.
“A comodidade e seguridade da nosa veciñanza sempre priman nas nosas actuacións, como a do camiño de Sequeirós que agora completamos con esta segunda fase. Trátase de aos poucos adecuar todas as nosas infraestruturas, os nosos camiños ás necesidades veciñais, pero tamén aos obxectivos que marcan as directrices europeas, como a sustentabilidade ou a mobilidade”, manifesta o alcalde, Paco Ferreira.
Actuación
Cun orzamento de 135.365 euros, a cargo do Plan Concellos da Deputación Provincial, e un prazo de execución de dous meses, o proxecto englóbase “dentro das actuacións coas que dar continudidade ás humanizacións plantexadas en diversas rúas do municipio, pero sen esquecer acometer a mellora das estradas e camiños, de comunicación entre as parroquias e no interior de todas elas como un conxunto”.
Nesta segunda fase os traballos centáronse na mellora da pavimentación da estrada, así como a drenaxe e a seguridade vial, á vez que “búscase dotar dunha impronta proia as rúas da vila”.
A actuación finalizada incluiu a pavimentación da capa de rodadura así como os saneamentos precisos para o apoio das cunetas de adoquins e sobreanchos para manter a sección tipo establecida. Para elo, entre outras accións, procedeuse á roza e limpeza de vexetación en nas marxes, escavación de terras para cajeado, canalización de augas pluviais con tubería de hormigón e instalación de sumidoiros arqueta con reixa para recoller as citadas augas.
Ademais da posta en rasante de tapas de pozos e arquetas, a obra completouse coas sinalizacións verticais e espellos de tráfico, soterramentos dos servizos aéreos da zona, pintura do vial e localización de pasos de peóns.