Concello de Gondomar
Moito por descubrir
Novas Concello de Gondomar
Wednesday, 23 June 2021 13:25
Gondomar reanuda os seus campamentos urbanos apostando pola conciliación familiar e a oferta de actividades para a rapazada
Tras a pandemia regresa Gondoverán campamento que tivo unha gran acollida, como demostra que en apenas poucos días cubríronse as 100 prazas dispoñibles, quedando en lista de espera preto de medio centenar de pequenos.
Todo preparado para poñer en marcha este campamento urbano en Gondomar, organizado pola Concellería de Igualdade, que dirixe Nuria Lameiro, tras un ano de ausencia debido ás restricións impostas o verán pasado como consecuencia da pandemia.
“Agora que todo apunta a que estamos a recuperar a normalidade, retomamos esta actividade que supón unha ferramenta perfecta para moitas familias á hora de conciliar os seus traballos coas vacacións dos seus fillos e fillas”, asegura o alcalde Paco Ferreira, quen lembra que “aínda así non baixaremos a garda e evidentemente seguiranse adoptando as medidas necesarias e que marquen as autoridades sanitariaspara unha celebración segura destes campamentos e outras actividades”, remarcou o rexedor.
Pero Gondoverán regresa con toda a forza e baixo o lema “Por arte de maxia”repleto de sorpresas, experiencias novas e moita diversión para os seus participantes, nenos e nenas de idades comprendendidas entre os 3 e 12 anos de idade. O campamento desenvolverase nas dúas quincenas do mes de xullo en horario de mañá, cun total de 50 participantes en cada quenda de dúas semanas.
Durante ese tempo porase en marcha un programa completo no que potenciará o desenvolvemento integral dos pequenos e pequenas á vez de que se divirten con xogos e actividades creativas, culturais e que lles permitan coñecer a contorna, participando en diferentes excursións. Todo iso, sempre potenciando os valores baseados na empatía, cooperación e na educación baseada na igualdade e hábitos saudables.
“Os máis pequenos demostráronnos este ano que son uns auténticos campións asumiento un curso con moitas restricións e condicións sanitarias estritas, convertíndose nun exemplo para todos, e por iso queremos facilitar desde o goberno que o seu tempo libre póidano gozar ao máximo. Gañáronllo”, conclúe a edil Nuria Lameiro.
Tuesday, 22 June 2021 18:34
O Alcalde de Gondomar destaca o espíritu emprendedor das novas xeracións como unha proba do traballo que neste senso ven desenvolvendo dende o goberno local
O alumnado de 5 e 6 de primaria do CEIP Serra Vincios entregaron este luns o 60% da porcentaxe recadada pola cooperativa “CopeVincios” que xestionan durante o curso escolar ao concello, concretamente para o servizo do banco de alimentos municipal.
Paco Ferreira agradeceu o xesto dos mozos e mozas que “demostran que levan o espírito emprendedor que caracteriza o noso municipio no seu interior” e animoulles a seguir por ese camiño “porque sodes un futuro moi prometedor, implicados coa vosacomunidade e o voso municipio”.
Ofreceu a axuda do Goberno local a esta cooperativa “tan didáctica e especial” así como a proxectos educativos similares que se poñan en marcha porque “é tamén unha obrigación das administracións investir e apoiar a educación das novas xeracións, cada día máis sensibilizadas e referentes para a sociedade”.
A directiva da cooperativa estudantil explicou a Paco Ferreira as dificultades que este ano tiveron á hora de vender os seus productos debido á pandemia. Aínda así, as súas creacións, sempre respetuosas co medio ambiente e este ano coa música como fío conductor, chegaron a veciños e familiares logrando unha boa recadación da que un 60% se destinará “ ás familias máis necesitadas de Gondomar, que tras estes dous anos difíciles hai moitas que o están a pasar mal”.
O alcalde confía en que pronto se superen todas as restricións e que o posto de “Coopevincios” participe nos diferentes eventos ou feiras que se poidan celebrar de cara ao próximo ano. Lembrou “que calquera idea emprendedora sempre terá apoio do nosogoberno, e máis cando apostan por iniciativas que, como neste caso, promoven a cooperación e a aprendizaxe sen esquecer o aspecto solidario”.
Paco Ferreira destacou, por último, a importancia deste tipo de iniciativas, que se desenvolve no marco do programa “Depoemprende Educación” da Deputación, porque “potencian valores tan importantes como o emprendemento, a convivencia ou a creación, entre outras moitas competencias”. “
Monday, 21 June 2021 17:49
O alcalde de Gondomar agradece o labor e esforzo do servizo de Limpeza e Parques e Xardíns do concello
O rexedor compartiu co persoal de ambos os servizos o galardón de “Escoba de Plata” recentemente adxudicado ao concello.
O rexedor, Paco Ferreira, acompañado polo concelleiro de Medio Ambiente, Brais Misa, agradeceu hoxe o relevante papel das plantillas dos departamentos de Limpeza e Parques e Xardíns, así como de Medio Ambiente nos “avances en sustentabilidade e mellora da nosa contorna que se lograron nestes anos”.
O rexedor quixo compartir cos traballadores e traballadoras o recoñecemento da “Escoba de Plata” recentemente outorgado ao concello de Gondomar pola aposta de iniciativas e maquinaria que fomentan a sustentabilidade no municipio. Algo que, como sinalou Paco Ferreira, “non sería posible sen o traballo que día a día e en todos os recunchos dos noso concello facedes”.
Un galardón que reflicte ese traballo xunto ao recoñecemento por dous anos consecutivos de Gondomar co distintivo de “Vilas en flor”. Reiterou que só é posible “a través da cooperación e a unión a hora de traballar polos mesmos obxectivos, algo que co coidado e esmero que no desempeño do voso traballo poñedes é sempre posible”.
Animou aos traballadores a seguir traballando neste sentido e continuar sumando logros para converter Gondomar nun municipio referente de “no sur da provincia e en toda Galicia en materia de limpeza, defensa do medio ambiente e sustantibilidade”
Monday, 21 June 2021 10:14
DÍA MUNDIAL DA ESCLERÓSIS LATERAL AMIOTRÓFICA ( ELA)
O Concello de Gondomar ilumínase de verde este 21 de xuño sumándose así ácelebración do Día Mundial da Esclerósis Lateral Amiotrófica ( ELA), formando parte dos máis de 200 municipios españois que secundan a campaña # LuzporlaELA.
Desta forma búscase visibilizar esta enfermidade e demandar un ano máis maiorinvestimento en investigación, innovación e tecnoloxía que permitan atopar a orixe, o diagnóstico rápido e unha cura desta enfermidade.
#Gondomar # DiaMundialEla # LuzporlaELA
Sunday, 20 June 2021 17:55
GONDOMAR, PUNTO DE ACTIVACIÓN DO CARNÉ XOVE
O concello de Gondomar poderá activar a partir de agora o carné xove facilitando aos seus usuarios e usuarias esta labor, que ata o de agora só podían validar en Vigo e Tui.
Os mozos e mozas de entre 12 e 30 anos que reciban na casa o Carné Xove deberán activalo previamente para poder facer uso de el e beneficiarse das súas ventaxas. A partir de agora poderán facelo na oficina da OMIX de Gondomar, solicitando cita previa.
Deberán pedila a través do teléfono 986.369.746 ou no correo direct@omixgondomar.
Lembrade que o prazo de activación do Carné Xove e de un mes unha vez recibido na casa.
Friday, 18 June 2021 15:25
Gondomar súmase a iniciativa # LuzPorlaEla en apoio a reclamación de máis investigación e innovación ao redor desta enfermidade
O consistorio gondomareño tinguirase un ano máis de verde, sumándose así aos máis de 210 municipios españois que secundan esta reivindicación, cada 21 de xuño, coincidindo coa celebración do Día Mundial da Esclerose Lateral Amiotrófica (ELA).
Súmase así Gondomar a esta iniciativa promovida pola Asociación Galega de Esclerose Lateral Amiotrófica co fin de visibilizar a situación dos enfermos do ELA, enfermidade da que se diagnostican anualmente 3 casos, o mesmo número de persoas que falecen tras padecela durante anos.
“As administracións en particular, e a sociedade en xeral, debemos implicarnos nestas medidas e obxectivos. Nestes tempos de pandemia demostramos a nosa capacidade e unión, e así debemos seguir apoiando a demanda de máis investigación e innovación en torno ao ELA, para coñecer a súa orixe, diagnóstico e, se é posible lograr unha cura”, manifestou o rexedor Paco Ferreira.
Por último, lembra que con #LuzPorlaEla se quere render unha homenaxe non só aos enfermos se non tamén a todos os seus familiares e coidadadores, así como as diferentes asociacións que diariamente loitan por facer oír e garantir os seus dereitos e e facilitar unha calidade de vida digna a quen padece a ELA.
Thursday, 17 June 2021 19:02
A compostaxe suma adeptos no municipio de Gondomar
O goberno local, a través da concellería de Medio Ambiente, realizou este xoves unha nova entrega de composteiros individuais, atendendo a alta demanda que por parte da veciñanza recíbese no departamento.
Nas próximas semanas completarase a entrega de medio centenar de novos composteiros cunha capacidade de 400 litros cada un. Sumaranse así aos preto de 400 que xa se repartiron entre aqueles veciños e veciñas que os solicitaron.
O alcalde de Gondomar, Paco Ferreira, subliña que “a colaboración e interese de os nosa veciñanza é unha proba máis de que Gondomar é un municipio que aposta polo medio ambiente” e engade “que seguiremos traballando como fixemos ata o de agora, porque as administracións debemos estar á fronte da loita contra o cambio climático”.
Pola súa banda o Concelleiro de Medio Ambiente, Brais Misa, agradeceu a disposición dos veciños para reciclar os residuos orgánicos que xeran, explicando na presentación que “a reciclaxe nos permite reducir o envío do noso lixo a SOGAMA para que a queimen e reducir o gasto municipal nesta materia, e poder investilo no municipio”.
Nese sentido lembra o traballo que desde o inicio da lexislatura desenvolveuse desde o departamento de Medio Ambiente e Transición Ecolóxica, en mans de Brais Misa, con campañas de información e concienciación e accións concretas como oreparto de composteiros.
Os interesados e interesadas en facerse cun deberán presentar a súa solicitude no Rexistro Municipal, acreditando estar empadroado en Gondomar e ter unha vivenda unifamiliar na que poder situar o composteiro.
Thursday, 17 June 2021 13:20
O Concello de Gondomar xestionará preto de medio milleiro de prazas do servizo de comedor escolar do curso 2021-22
O goberno local, a través do departamento de Benestar Social, asumirá un ano máis a xestión deste servizo que ten entre as súas prioridades facilitar a conciliación laboral de pais e nais traballadores, así como atender aos pequenos e pequenas de familias nunha situación de vulnerabilidade.
O rexedor Paco Ferreira lembra que, “a pesar de solicitar en varias ocasións áConsellería de Política Social a asunción deste Servizo, deberemos esperar un ano máis segundo o seu compromiso adquirido con Gondomar”. Por esta razón “asumimos esta responsabilidade para atender as necesidades da nosa veciñanza este curso académico 2021-2022, confiando en que cumpra a Xunta a súa palabra de asumilo o seguinte”.
O custo do menú diario – que inclúe tamén o servizo de monitores/ as- será de 4,14 euros por usuario e as axudas estarán destinadas a nenos e nenas matriculados/asnun dos centros públicos de ensino de Gondomar nos niveis de Educación Infantil ePrimaria.
App COLECHEF
Co fin de facilitar a información aos proxenitores e mellorar o sistema de atención poñerase en marcha a aplicación “Colechef”, unha app de obrigatoriainstalación “para a comunicación coa empresa que se encarga do servizo de comedor”. Trátase dunha ferramenta útil “para informar os pais e nais en tempo real e de forma personalizada para cada colexio respecto as prestacións do servizo de comedor.”
“Queremos que os usuarios do comedor poidan ter un coñecemento directo de que servizo e menús préstanse aos seus pequenos/ as, así como poñer ao seu alcance un medio para solucionar posibles dúbidas”, afirma o ao alcade Paco Ferreira.
Prazo reserva de prazas
O prazo para presentar a solicitude das axudas para o comedor escolar abriraseentre os días 21 de xuño e 9 de xullo, para o alumnado que acuda ao comedor a semana completa ou semanas alternas. Entre os día 20 e 28 de setembro, abrirase o segundo prazo dirixido neste caso a aqueles que acudan polo menos dous días á semana.
En ambos os casos, como no das familias en situación de vulnerabilidade, deberán presentar vos anexos e a documentación correspondente (que pode descargarse na web www.concellodegondomar.gal ) non Rexistro Municipal ou a través da sede electrónica.
Máis información non servizo de Benestar Social non teléfono 986 360168 ounon correo This email address is being protected from spambots. You need JavaScript enabled to view it.
Gondomar 16 de xuño 2021
ANEXO I B SOLICITUDE SEGUNDO PRAZO
Outros_BASES REGULADORAS COMEDOR
Tuesday, 15 June 2021 18:48
GONDOMAR RECIBE 50 COMPOSTEIROS INDIVIDUAIS PARA ENTREGAR Á VECIÑANZA
O Concello de Gondomar, adscrito ao plan de compostaxe de Sogama, recibiu por parte desta Sociedade 50 novos composteiros que se entregarán aos veciños e veciñas que estean interesados en situalos nas súas vivendas.
Cunha capacidade de 400 litros servirán para atender o alto interese que desde un principio amosaron os gondomareños e gondomareñas neste tipo de reciclaxe . Ata o momento o goberno local, a través do departamento de Medio Ambiente, entregou máis de 350 composteiros individuais.
#Gondomarsotible #traballando #MedioAmbiente
Tuesday, 15 June 2021 18:44
Gondomar recupera este verán a celebración dos Campus Deportivos
Futbol, patinaxe artística, gimnasia acrobática, bolos Celtas e fútbol Gaélico son as distintas categorías deportivas que se ofrecerán este ano e que se desenvolverán durante os meses de xullo e agosto en diferentes instalacións deportivas municipais.
O goberno local, a través da Concellería de Deportes, dirixida por Nuria Lameiro, recupera estes tradicionais campus que se viron interrompidos o pasado verán como consecuencia da pandemia. Ante a mellora da situación, e sempre cumprindo as medidas sanitarias impostas no momento da súa celebración, “queremos ofrecer opcións de tempo libre aos máis novos durante as súas vacacións fomentando á vez os hábitos saudables”.
Desde a Concellería agradécese a implicación dos distintos clubs deportivos que colaboran co departamento “na recuperación dos campus” así como aos que en anos anteriores fixérono posible “e que sabemos que cando todo volva á absoluta normalidade aí estarán”.
Os campus desenvolveranse en diferentes datas e están dirixidos a nenos/as e mozos de idades comprendidas entre os 5 e 17 anos, dependendo da actividade que se elixa. Os interesados poderanse inscribir e solicitar máis información no propio pavillón municipal ou a través do correo This email address is being protected from spambots. You need JavaScript enabled to view it..
More...
Tuesday, 15 June 2021 18:39
GONDOMAR LEMBRA A IMPORTANCIA DE RECOLLER O LIXO COAS MENSAXES DO ALUMNADO DO CEIP SOUTO DONAS
O curso de 3º de primaria do centro completou esta mañá a actividade ambiental que desenvolveron nas últimas semanas en clase, instalando nas papeleiras do Parque da Coelleira carteis lembrando a importancia do seu uso.
O alcalde de Gondomar, Francisco Ferreira, recibiu aos pequenos e pequenas no concello e agradeceu “o traballo tan importante que facedes para defender o noso medio ambiente e manter limpo Gondomar”. Engadiu que “sodes todo un exemplo para todos nós”.
O alumnado do Souto Donas, acompañado por tres das súas profesoras, repartiron polas papeleiras do Parque da Coelleira que deseñaran previamente no colexio e adaptado para fixalas nelas. Con axuda dun funcionario municipal, aparafusaron os letreiros coa mensaxe clara que neles quérese trasladar: “Se tiras lixo ao chán, @s nen@ s tristes estarán”.
Un traballo que dende o concello se preparou para que luza tamén como un cadro no colexio “para que vos acordedes sempre do gran traballo que fixestes en materia de concienciación”, asegurou o alcalde, que estivo acompañado neste encontro pola edil de Educación, Araceli Regueiro, e o responsable de Medio Ambiente, Brais Misa.
Os pequenos e pequenas do Souto Donas terminaron a mañá realizando unha recollida de entullos, papeis ou residuos que se atoparon no traxecto da súa excursión
Tuesday, 15 June 2021 18:36
REGRESA O PROGRAMA DE ROTEIROS TURÍSTICOS “DESCOBREGONDOMAR”
O goberno de Gondomar, a través do seu Concellería de Turismo, dirixida por Rocío Goberna, reanuda o programa de rutas turísticas “Descobre Gondomar” que na súa volta convidará aos interesados e interesadas a coñecer o Pazo do Conde de Gondomar.
Esta primeira cita con “Descobre Gondomar” desenvolverase o próximo 24 de xuño, a partir das 18.30 horas, e a visita acoutará a un grupo máximo de 20 persoas, seguindo toda as medidas de seguridade vixentes ante a Covid19, como son o uso das máscaras ou manter distancia social.
A visita, dunha duración aproximada de 90 minutos, partirá da Praza Paradela ata o acceso do Pazo do Conde onde se visitará a súa zona axardinada, a muralla que o rodea e, posteriormente, accederase ao seu interior.
Os interesados en participar deberán presentar a súa solicitude de forma previa enviando os seus datos á dirección de correo This email address is being protected from spambots. You need JavaScript enabled to view it. ou chamando ao teléfono 678 87 49 85, rexistrándose por orde de inscrición ata completar as prazas previstas.
Tuesday, 15 June 2021 08:49
GONDOMAR APOIA AS LINGUAS DE SIGNOS ESPAÑOLAS
O Concello de Gondomar súmase á celebración do Día Nacional das Linguas de Signos Españolas, que se conmemora hoxe 14 de xuño. O obxectivo, compartir e promover a súa difusión, á vez que se aposta por medidas que permitan normalizar o seu uso máis aló dos ámbitos educativos, domésticos ousociosanitarios.
Canto maior sexa o coñecemento das linguas de signos máis preto estaremos da integración real e total da comunidade de persoas xordas e xordocegas, e lograr a comprensión e empatía entre todos os cidadáns.
Gondomar apoia a Lingua de Signos.
Tuesday, 15 June 2021 08:47
O Goberno reúne a mesa local do comercio para analizar as demandas e proxectos do sector do comercio e hostalería
O alcalde de Gondomar, Francisco Ferreira, presidiu este luns a mesa de comercio local na que se abordaron diferentes cuestións relacionadas co sector, entre elas, as novas axudas que se poñerán á súa disposición ou iniciativas dirixidas a revitalizalo.
Xunto ao alcalde tamén participaron a edil responsable da área, Rocío Goberna, así como a representante dos comerciantes de Gondomar, Esther Lorenzo, e o presidente da Asociación de Comerciantes e Empresarios de Val Miñor (OVALMI), Jose Anxo González Goce, quen anunciou a recuperación este ano -tras o parón motivado pola pandemia- da Feira Portobello 2021 en Gondomar.
Acordouse a súa celebración o próximo día 4 de xullo, así como o número de postos e medidas que se adoptarán para suxeitarse, en todo momento, aos requisitos sanitarios aínda existentes, como pode ser o manter a distancia obrigatoria. O rexedor e a concelleira coincidiron á hora de sinalar que esta cita é necesaria “para avanzar un pasiño máis no apoio e revitalización do sector”.
Así mesmo, na mesa local presentouse a iniciativa Publiocio que o goberno local quere poñer en marcha e que busca “reverter o retraimiento do consumo nos negocios rexistrado tras a COVID19, apostando polo comercio de proximidade e lograr a fidelidade dos consumidores”.
O alcalde de Gondomar informou sobre as axudas concedidas aos comerciantes e sector do taxi nunha primeira liña, cun importe de 100.000 euros, e anunciou que en breve faranse públicas as bases dunha segunda liña de subvencións que ascenden a 125.000 euros.
A mesa local de comercio na súa orde do día tamén abordou as obras de reforma interior que se van a acometer de forma inmediata na Praza de Abastos, así como as liñas mestras do proxecto de humanización e peonalización anunciado polo gobernolocal na Praza de Rosalía de Castro.
