Concello de Gondomar
Moito por descubrir
Novas Concello de Gondomar
Wednesday, 02 February 2022 16:15
GONDOMAR APOSTA POLAS POLÍTICAS DE ENVECELLEMENTO ACTIVO
Gondomar segue a impulsar e potenciar as políticas de envecellemento activo da súa veciñanza. Máis de 80 persoas participan na nova edición de cursos de ximnasia de mantemento do concello, nos que se exercitan en dúas quendas durante unha hora e realizan diversos exercicios, guiados por unha monitora, que lles permiten manterse en forma.
A actividade de ximnasia de mantemento desenvolvese os luns e
mércores de 10.30 a 11.30 horas e de 11.30 a 12.30 horas. A concelleira de Deportes, Nuria Lameiro, achegouse ata o pavillón para darlles a benvida e felicitarlles por apostar polo deporte como unha forma de seguir activos e demostrar que os nosos maiores teñen moito que facer e ensinar aínda.
Tuesday, 01 February 2022 16:07
GONDOMAR RETOMA OS OBRADOIROS “CULTIVA A MENTE”.
O concello de Gondomar puxo en marcha unha nova edición dos talleres "Cultiva a mente" que desenvolve en colaboración con AFAGA. Dirixido a persoas maiores de 55 anos ten como obxectivo a prevención e detección do alzheimer. Impartidos pola psicóloga Estela Pereira, os e as participantes foron recibidos pola concelleira de Benestar Social, Nuria Lameiro, e o presidente da asociación Juan Carlos Rodríguez, quen agradeceu a implicación do concello de Gondomar neste tipo de iniciativas.
Martes e xoves, durante dúas horas abordan diferentes cuestións prestando especial atención ao envellecemento activo, a promoción das relacións sociais e prevención da soidade, así como a aposta pola independencia e autonomía.
Dentro do ámbito das capacidades cognitivas traballarase facendo fincapé en aspectos como as funcións executivas, a memoria, a atención, a orientación, a linguaxe e ou cálculo, entre outros.
Wednesday, 26 January 2022 14:01
Gondomar celebra o Día de Educación Ambiental coa plantación de máis dunha veintena de árbores
Un ano máis o goberno local, a través da concellaría de Medio Ambiente, sumouse á celebración desta xornada que celébrase o 26 de xaneiro co obxectivo de concienciar e sensibilizar ás persoas con respecto aos problemas ambientais da contorna. Na actividade participou o alumnado de 2o de primaria do Ceip Chano Piñeiro de Gondomar.
Durante a mañá plantáronse un total de 24 novas especies doadas pola Deputación Porivincial de Pontevedra, en base a un programa de colaboración con concellos cuxo obxectivo principal é lograr a recuperación de zonas verdes e crear espazos máis habitables e
sostibles para as súas poboacións. No caso do concello de Gondomar, as actuacións centraronse no Parque das Rosas e no de Baixa Redonda.
Os pequenos e pequenas traballaron con ilusión e moita implicación durante a mañá no Parque das Rosas, onde seguiron as instrucións, dos técnicos que colaboraron nas labores de localización e prantación das novas especies, as que tamén sumáronse o alcalde, Paco Ferreira, a deputada provincial, Irial Lamas, e o concelleiro de Medio Ambiente, Brais Misa. Así na parte traseira de edificacións existentes no Parque da Rosa ubicáronse un total de 9 árbores, concretamente 4 liquidambar e 5 hebe sp.
Na zona de paso, xunto ao río, plantáronse un total de 4 tsugas canadensis tamén coñecidos como abetos orientales, aos que se sumaron un pouco máis adiante do paseo 5 camelios co obxectivo de completar con sucesivas plantacións en anos posteriores con fin de
acadar un bosquexo.
Finalmente, na zona do parque Baixa Redonda plantáronse 3 quercus rubra ou carballos vermellos e 3 “quercus acutissima” ou carballo de dentes serra, nunha zona de paseo na que xa existen especies similares.
O alcalde Paco Ferreira, acompañado pola diputada provincial Iria Lamas, felicitou aos mozos e mozas polo entusiasmo demostrado así como a súa implicación na defensa do medio ambiente “porque son e serán o fío condutor entre xeracións pasadas e futuras para lograr a
educación de toda a sociedade para que entendan o medio ambiente, a súa importancia e a necesidade de manter o equilibrio entre home e natureza”.
Friday, 21 January 2022 12:14
Gondomar presente en FITUR cunha proposta conxunta do Xeodestino Ría de Vigo-Baixo Miño
Gran acollida en FITUR da presentación da proposta dos 14 concellos que confirman este Xeodestino e que consistiu na proxección dun documental titulado “Mulleres do Camiño Portugés”, unha orixinal proposta na que varias protagonistas vinculadas profesionalmetne ao
mundo do turismo narran a súa experiencia e descobren a importancia que para os concellos do territorio ten o Camiño de Santiago.
O rexedor de Gondomar, Paco Ferreira, que acudiu a esta cita co turismo internacional acompañado pola responsable da área do concello, Rocío Goberna, destacou a “importancia de defender conxuntamente desde o Xeodestino Ría de Vigo-Baixo Miño a promoción de todo o que pode ofrecer cada unha das nosas localidades de forma individual, e como un destino conxunto no que as sinerxias turísticas dunhas e outras abren moitísimas posibilidades ao visitante”.
Durante a presentación o alcalde de Gondomar, Paco Ferreira, tamén deu a coñecer aos visitantes ao expositor os roteiros e guías editadas polo concello “como unha invitación cordial e xenerosa a que se acheguen a coñecer este marabilloso municipio que é o noso”.
Tuesday, 18 January 2022 16:07
Parroquias. Vincios
O goberno de Gondomar avanza paso a paso no seu compromiso de chegar a todos os recunchos do municipio, acometendo melloras nas súas parroquias e atendendo as demandas que lle traslada a veciñanza.
É o caso das obras que se están acometer non camiño de Piñeiro, na parroquia de Vincios, onde empezan a verse os resultados. Nesta actuación estase a traballar sobre a rede de saneamento, contémplase a construción de cunetas empedradas contemplando unha correcta recollida das augas pluvias e unha pavimentación adecuada para o camiño, entre outras cousas.
O alcalde PacoFerreira asegurou que “seguiremos xestionando e traballando neste sentido para seguir facendo de Gondomar un lugar moito mellor”.
Tuesday, 18 January 2022 13:36
Gondomar promove a autodefensa das mulleres
Gran acollida do primeiro curso de Autodefensa organizado polo departamento de Igualdade do concello de Gondomar, e promovido pola Secretaría Xeral de Igualdade da Consellería de Emprego e Igualdade.
En total 16 mulleres do municipio de idades comprendidas entre os 18 e 50 anos, aproximadamente, anotáronse a esta actividade quedando fora moitas outras interesadas debido ás medidas sanitarias vixentes pola pandemia que impediron ampliar o número de participantes.
Trátase dun curso de adestramento físico e psicolóxico para crear protocolos de actuación ante diversas situacións. Cunha duración de 8 horas é impartido por Manuel Herbón, membro dos Corpos e Forzas de Seguridade, e monitor especialista en defensa persoal, integrante da Federación Galega de Loita e docente da Academia Galega de Seguridade Pública.
Tuesday, 18 January 2022 13:01
Gondomar pon en marcha a actuación de remodelación e peonalización da Praza Rosalía de Castro
O alcalde, Paco Ferreira, asinou o convenio de colaboración coa presidenta da Deputación Provincial, Carmela Silva, primeiro paso para iniciar a actuación de adecuación urbana e sostibleda Plaza de Rosalía de Castro, obra que se enmarcadentro doPlanREACPON, polo que a institución provincial achegará 670.000 euros, un 80 por cento do financiamento, e o 20% restante correrá a cargo das arcas municipais, isto é, 163.544,36 euros.
O alcalde deGondomar, PacoFerreira, destacou a importancia da colaboración da Deputación Provincial senaque “os grandes proxectos que se están desenvolvendo no noso municipio serían impensables”.
Tras a firma do convenio orexedor gondomareñoagradeceu aimplicacióndaDeputaciónProvincial natransformación que seestá acometendoen Gondomar. Neste sentido lembrou que “temos as ideas claras respectodo modelode localidade que queremos, centrado nas persoas e para as persoas, algo que, sen dúbida, é moito máis fácil facer realidade coa man tendidaque sempre atopamospor parte daDeputaciónos concellos como o de Gondomar”.
Nese sentido lembrouque ademáisdo Plan REACPON, no que se enmarca a actuación en Rosalía de Castro, en Gondomar están en marcha outras actuacións financiadas conachegasprovinciais que nos “están permitindoa transformarvías e o contorno urbano”.
A actuación naPraza RosalíadeCastro impulsaráa mobilidade, accesibilidade e seguridade neste espazo, que pretende convertersenun puntode encontro para as persoas. Actuarase sobre unha superficie de máis de 2500 metros cadrados, creando unha gran praza con plataforma única e zonas verdes, iluminación sostible, zonas de descanso, aparcamentospara bicicletas,mesas e asentos. Ademais instalaranse gravados da obra de Rosalía de Castro na zona axardinada para render homenaxe á gran escritora.
O prazo que se marca inicialmente o goberno é conseguir que a nova Praza estea listas para estreareste verán. Tras a firma do convenio convocarase a mesa de contratación para o próximo 25 de xaneiro, que xunto coa apertura dosobre Ce a realización dunha serie de avaliacións por partedos técnicos determinaráncal das empresas que presentaron as súas ofertas ao proceso, acometerá as actuacións.
Friday, 14 January 2022 20:29
Gondomar e o Centro Dramático Galego da mán na promoción do teatro
Por segunda ocasión Gondomar e o Centro Dramático Galego (CDG) colaborarán cun único obxectivo: promover o achegamento do público ás novas producións do panorama escénico galego e facilitar o seu acceso a maior parte da xente interesada.
O programa “Subes ao autobús do teatro?” chega de novo a Gondomar para nesta ocasión facilitarlle as cousas a quen quera asistir a obra que hai en cartel e que se representa nos escenarios do CDG en Santiago: “A peste”, a versión teatral de Cándido Pazó, inspirada na obra do Albert Camus coa que se reflexiona sobre o comportamento da sociedade e dos individuos durante situacións de crise.
“Non é doado para todos ou todas aos que lles gusta o teatro ou queren descubrilo desprazarse ata Santiago, tendo en conta ademáis o custo económico que supón”, sinala o edil de cultura Juan Bas, quen explica “que grazas á colaboración entre o goberno local e o CDG facilitaremos o transporte e unha rebaixa no prezo das entradas”.
A cooperación entre ambas as institucións concrétase no frete dun autobús -con capacidade para 50 personas- que cubrirá o traslado de ida e volta ata Santiago o vindeiro
día 22 de xaneiro para asistir a representación de nova obra de Cándido Pazó, estreada dous días antes. También beneficiaránse dun precio reducido na entrada (6 euros persoa).
A reserva da praza debe facerse de forma anticipada no despacho de billetes de venta electrónica de Gondomar https://taquilla.concellodegondomar.gal.
Friday, 14 January 2022 13:23
Gondomar pon en marcha un ano máis os obradoiros dirixidos aos maiores
O vindeiro luns 17 abrirase o prazo para inscribirse nos talleres de memoria e de ximnasia que desde a concellería de Benestar Social, dirixida por Nuria Lameiro, promóvense anualmente pensando nos veciños e veciñas que superan os 65 anos, obradoiros cuxa demanda é unha realidade como demostra o feito de que as 130 prazas que se ofertan cóbrense practicamente de forma inmediata, nestes programas cuia financiación se enmarca dentro do Plan concellos da Deputación provincial de Pontevedra.
Como en edicións anteriores, os participantes poderán elixir entre o obradoiro “Cultiva a Mente” ou o de “Xinmasia de mantemento”. En ambos os casos o obxectivo “é garantir a mellor calidade de vida dos nosos e nosas maiores, e poñer ao seu alcance as ferramentas para que a súa terceira mocidade poidan gozala ao máximo”, apunta o alcalde de Gondomar, Paco Ferreira.
As solicitudes poderán presentarse desde o vindeiro luns 17 de xaneiro no departamento de Benestar Social achegando a copia do DNI e o volante de empadroamento no concello de Gondomar. Os menores de 65 anos que queiran participar poderán facelo acreditando o certificado de discapacidade.
Obradoiro “Cultiva a mente”
Un total de 30 persoas poderán inscribirse neste taller que impartirá unha piscóloga, en dúas quendas diferentes: martes ou xoves de 10.30 a 12.30 horas. Nel abordaranse diferentes cuestións prestando especial atención ao envellecemento activo, á promoción das relacións sociais e á prevención da soidade, así como un traballo directo para garantir a independencia e autonomía destas persoas maiores.
Obradoiro “Ximnasia mantemento”
A curso está aberto a un total de 100 participantes que se exercitarán en dúas quendas dunha hora nos que realizarán exercicios guiados por unha monitora que lles facilitará a manterse en forma, ao mesmo tempo que fomenta as relacións e interaccións sociais, así como a autonomía destas persoas.
O curso se desevolverá os luns e mércores de 10.30 a 11.30, nunha quenda, e entre as 11.30 e as 12.30 horas, no grupo dous.
Para máis información poden poñerse en contacto co departamento de Benestar Social no teléfono 986360168, ou no correo This email address is being protected from spambots. You need JavaScript enabled to view it..
Thursday, 13 January 2022 16:47
Gondomar aproba máis de 57.000 euros de axuda ao comercio local coa segunda liña de subvencións Covid19
Dende marzo de 2021 ata agora o goberno de Paco Ferreira deu luz verde a dúas liñas de axuda á economía local que suman un total de 200.000 euros.
As subvencións ao comercio local enmárcanse dentro da segunda convocatoria aberta para axudar ás pequenas e medianas empresas a facer fronte á crise xerada tras a pandemia. En total puxéronse ao dispor deste obxectivo 116.000, 64 euros, aos que hai que sumar os 100.000 euros dunha primeira liña aprobada en marzo de 2021 e dirixida entón ao sector da hostalería, o máis prexudicado nese momento.
“O noso obxectivo, desde o inicio desta pandemia, é estar xunto a quen se viu máis afectado, e neste caso o pequeno e mediano comercio notou moi de preto a crise económica xerada tras a aparición do virus”, explica o alcalde de Gondomar, Paco Ferreira, quen engade que “por iso articulamos todas as medidas e axudas que estaban ao noso alcance para manter a economía local e os empregos que xera”.
Máis de 50 empresas locais beneficiadas das axudas
Nesta segunda convocatoria de axudas promovida polo goberno local, a través da súa concellería de Comercio, aprobáronse un total de 51 subvencións a pequenas e medianas empresas do sector, isto é, un total de 56.800 euros en axudas, que se distribuirán en cantidades que oscilan entre os 1.000 e os 1.500 euros, segundo os requisitos recollidos nas bases. Presentáronse un total de 56 solicitudes, das que 23 foron aprobadas antes de nadal, abonándose entón un total de 25.600 euros. A elas sumáronse esta semana outros 29 solicitantes, ao comprobar a mesa de valoración que subsanaron os requisitos requiridos, aprobando así a concesión de 31.200 euros máis.
Liñas de axuda COVID 19
Estas subvencións enmárcanse dentro da segunda liña aberta para axudar ás pequenas e medianas empresas a facer fronte á crise xerada tras a pandemia. En total puxéronse ao dispor deste obxectivo 116.000,64 euros, dos que 41.646,64 euros
proceden da liña 2 do Plan Concellos da Deputación Provincial e o resto achégao o goberno local ao sumar 75.068 euros, procedentes da modificación orzamentaria en modalidade de crédito extraordinario.
As bases establecen o límite máximo de subvención do 100% do total do gasto subvencionable fixándose o máximo de 1000 euros para persoa traballadora autónoma sen traballadores; ata un máximo de 1.200 para autónomo e micro empresas con ata 5 traballadores; e ata un máximo de 1.500 euros para autónomos e micro empresa con entre 6 e 10 traballadores Súmase a estas subvencións a primeira liña de axudas aprobadas e entregado en marzo de 2021. O goberno deu luz verde a unha modificación orzamentaria na modalidade de crédito financiado co remanente de tesorería que permitiu poñer 100.000 euros ao dispor do sector da hostalería, un dos máis prexudicados no momento polo peche e restricións impostas polas autoridades sanitarias.
More...
Wednesday, 12 January 2022 16:12
Novo itinerario formativo: docencia de Formación Profesional para o emprego
Novo itinerario formativo: docencia de Formación Profesional para o emprego Este curso que vai desenvolverse na Guarda, comenzará o 02 de febreiro e rematará o 22 de xuño. As clases impartiránse en horario de 15:30 a 20.30 horas nas instalacións Informática Jaime, na rúa Galicia, 37- baixo (A Guarda).
Poden inscribirse persoas desempregadas de toda a provincia. Contenpla unha axuda económica para aquelas persoas que non teñan ingresos individuais de calquera natureza iguais ou superiores ao 75% do IPREM e asistan ao 90% da formación.
Dirixido a persoas desempregadas da provincia de Pontevedra, con titulación de bacharelato e que se atopen incluídas nalgún dos seguintes colectivos:
• Persoas desempregadas de longa duración (PLD)
• Mozas e mozos menores de 30 anos non atendidos no Programa Operativo de Emprego Xuvenil (POEX)
• Persoas maiores de 55 anos
• Persoas con discapacidade
• Inmigrantes
• Minorías étnicas e comunidades marxinadas
• Outros colectivos desfavorecidos: persoas que viven en fogares compostos dunha única persoa adulta con fillas ou fillos ao seu cargo; persoas sen fogar ou afectadas pola exclusión en materia de vivenda; vítimas de violencia de xénero, vítimas de discriminación por orixe racial ou étnico, orientación sexual e identidade de xénero; solicitantes de asilo; persoas con problemas de adicción; persoas reclusas e ex reclusas; persoas perceptoras de rendas mínimas ou salarios sociais; persoas con fracaso ou abandono escolar.
• Outras persoas en situación de vulnerabilidade acreditada por un informe dos servizos sociais
Para participar no proceso de selección é necesario facer a preinscrición na sede electrónica da Deputación de Pontevedra
Para mais información pode poñerse en contacto no teléfono: 986804100 ( ext 40846-40854) ou no e-mail This email address is being protected from spambots. You need JavaScript enabled to view it.
Wednesday, 12 January 2022 15:59
Gondomar bate récords no crecemento da recollida selectiva de residuos
Gondomar finaliza o ano 2020 co máximo crecemento na xeración de residuos no municipio, tanto na fracción de resto como a recollida selectiva. Con todo cabe destacar como dato positivo o gran empuxe que experimentou a recollida selectiva grazas a implicación e concienciación da veciñanza, que dende un primeiro momento sumouse ás políticas promovidas polo goberno local.
“É unha gran satisfacción comprobar a evolución dos datos en materia da recollida selectiva nos tres últimos anos”, afirma o alcalde Paco Ferreira, “porque demostra que a aposta que no seu momento fixo o goberno pola incorporación dunha nova concesionaria, así como a modernización e renovación da frota automobilística ou dos colectores, entre outras medidas, foi acertada. E nesta liña seguiremos traballando”. Pero foi máis alá ao lembrar “que de nada vale todo isto se non temos o respaldo da veciñanza, que no caso de Gondomar foi funtamental”.
Recollida selectiva total
Desde o inicio da lexislatura foi un dos obxectivos da concellería de Medio ambiente, que dirixe Brais Misa, e que se foi plasmando con medidas concretas como o incremento de colectores selectivos nas parroquias, a mellora das illas existentes ou a súa renovación e modernización. Medidas que, xunto ás campañas informativas e de
sensibilización explican o incremento continuo que a recollida selectiva experimenta desde o ano 2018 ata a actualidade, nas tres fracciones.
A fracción papel-cartón, tras alcanzar a súa peor cifra no 2017 con 98.880 quilos, cambiou a tendencia coa implantación das novas políticas pechando o 2020 con 165.430 quilos, unha media 11,3 quilos por habitante, media que aínda queda afastada da que se rexistra en España.
Situación similar rexístrase na recollida de envases lixeiros, que tras rexistrar no 2018 a súa peor cifra consegue duplicar a recollida en dous anos alcanzando os 191.360 quilos, achegando a media de 13 quilos por habitante á española, despois de manterse nesta franción case cinco puntos por baixo dela.
Por último, a fracción de vidro é a que maior crecemento rexistra cun total de 206.860 quilos no 2020 fronte aos 134.980 que se reciclaban hai unha década, situando a media por habitante en 14,1 quilos, case ao mesmo nivel que a rexistrada en España.
Fracción resto. Residuos sólidos urbáns.
Nesta fracción inclúense os residuos de tipo orgánico e aqueles que non son susceptibles de poder ser separados de forma selectiva. Na última década a evolución da fracción resto foi ascendente, pasando das 5.037 toneladas no ano 2010 ás 5.181 toneladas no 2020, situándose na actualidade a media de produción de residuos sólidos por habitante en 373 quilos.
Segundo os datos oficiais este incremento na fracción resto é constante debido ao crecemento demográfico rexistrado no municipio, así como pola pandemia que supuxo máis xeración de residuos no fogar como consecuencia do confinamento.
Punto limpo
Na actual lexislatura unha das prioridades do equipo de goberno foi
modernizar e potenciar o Punto limpo, investindo na mellora das súas instalacións e incluíndo unha zona para e depósito de Residuos Eléctricos e Electrónicos, subvencionado pola Deputación Provincial de Pontevedra.
Isto supuxo que creza o depósito de materiais autorizados no punto limpo, que no 2020 rexistrou un total de 269.322 quilos fronte aos 143.776 recollidos un ano antes, destacando o crecemento, entre outros, do depósito de RAEES, cun total de 27.720 quilos almacenados no 2020 fronte aos 11.020 do 2019.
Voluminosos (34.180 quilos), Madeira (77.140 quilos) ou entullo (45.2960) son os elementos que máis se depositaron no punto limpo, xunto a outros como pneumáticos, plástico ou chatarra. Cabe apuntar tamén o crecemento de depósito de pilas, favorecido pola diversificación de puntos de recollida no municipio que posteriormente son baleirados no punto limpo, facilitando a reciclaxe á poboación.
Fracción orgánica
Non menos importante o esforzo realizado en fomentar a reciclaxe da fracción orgánica na que se traballa desde o 2017 tras a adhesión ao Plan Revitaliza de compostaxe da Deputación de Pontevedra. Desde entón ata o de agora o interese cidadán creceu e xa son preto de 400 os fogares que solicitaron ao departamento de Medio Ambiente un composteiro individual, aos que se suman os dous centros de compostaxe comunitario de Gondomar.
“As cifras demóstrannos que estamos no bo camiño e nel queremos seguir. A política medio ambiental, na que a xestión e reciclaxe dos residuos son unha parte importantísima, seguirá sendo unha das nosas apostas para conseguir un concello sostible e respectuoso co medioambiente”, concluíu o alcalde Paco Ferreira.
Monday, 10 January 2022 12:58
GONDOMAR OFRECE UN CURSO DE AUTODEFENSA PARA MUJERES
Aberto o prazo para participar nesta iniciativa, promovida pola Concellería de Igualdade, co fin de dotar ás mulleres de todas as ferramentas que poidan ter ao seu alcance para defenderse ante situacións violentas.
O curso, concedido pola Secretaría Xeral de Igualdade, desenvolverase os próximos días 18 e 20 de xaneiro no Centro Neural do municipio, en horario de mañá. Trátase dun curso de adestramento físico e psicolóxico para crear protocolos de actuación ante as distintas situacións que se poidan atopar as participantes.
Un monitor especialista en defensa persoal, docente da Academia Galega de Seguridade e membro da Federación Galega de Loita, será o encargado de dar as nocións básicas en materia de autodefensa ás participantes.
As interesadas poderán inscribirse nas oficinas do Centro de Información á Muller (CIM), situada nas dependencias do antigo Centro de Saúde, ou a través dos teléfonos 986 360 224 e 986 389 355.
Monday, 10 January 2022 12:56
CORTE DE TRÁFICO NA RÚA OTERO PEDRAYO E DISPOSITIVO ESPECIAL DE CIRCULACIÓN
O remate das obras de humanización da rúa Manuel Alonso, obriga a pechar o tráfico rodado a rúa Otero Pedrayo, establecendo cambios na súa contorna desde hoxe a que concluan as mesmas.
Atención ao dispositivo activado e regulado pola Policía Local:
* Rúa Rosalía de Castro: Establécese dobre sentido de circulación no tramo que hai diante da Praza de Abastos. Queda prohibido acceso a Rosalía de Castro desde Otero Pedrayo (salvo residentes).
* Os residentes da rúa Otero Pedrayo deberán saír dirección Rosalía de Castro, a través da que accederán aos seus garaxes os residentes da rúa Manuel Alonso.
*Semáforos regularán tamén a saída de Rosalía de Castro cara a Elduayen, en sentido a rúa Eduardo Iglesias. Os residentes da rúa Portugal terán saída desde a rúa Otero Pedrayo.
