Concello de Gondomar
Moito por descubrir
Novas Concello de Gondomar
Xoves, 12 Xuño 2014 11:05
A Unión de Consumidores de Galicia, en colaboración coa Deputación de Pontevedra e o Concello de Gondomar, imparte unha sesión informativa sobre aforro na factura de electricidade
Ao longo do mes de xuño, a Unión de Consumidores de Galicia - UCGAL, en colaboración coa Deputación de Pontevedra e distintos concellos da provincia pon en marcha un programa de información cuxo obxectivo é proporcionar aos usuarios a información precisa para obteren o maior aforro posible na factura da electricidade.
Abordaranse cuestións relacionadas coas modalidades de contratación no mercado regulado e libre, as distintas tarifas, a potencia contratada e o equipamento do fogar.
Ademais incidirase nos cambios normativos que afectan aos sistema de facturación e familiarizarase aos asistentes co novo modelo de factura que será obrigatorio no mercado regulado a partires do 1 de outubro.
INFORMACIÓN DA ACTIVIDADE
- Data. 26-06-2014
- Localidade: Gondomar
- Lugar: Centro Neural
- Hora: 20.00 Horas
Para máis información:
Esta dirección de correo electrónico está protegida contra spambots. Usted necesita tener Javascript activado para poder verla.
Esta dirección de correo electrónico está protegida contra spambots. Usted necesita tener Javascript activado para poder verla.
981 586 696 / 981 566 411
680 435 865. Miguel López. Secretario Xeral
658 338 648 Dolores Chapela. Coordinadora.
Xoves, 12 Xuño 2014 10:52
Curso de Sombrerería en Gondomar
Organizado pola Fundación Centro Galego da Artesanía e do Deseño, en colaboración co Concello de Gondomar e a Asociación Galega de Artesáns Tradicionais
Mércores, 11 Xuño 2014 11:14
O Centro Neural acollerá a exposición pública dos expedientes do padrón da taxa de recollida de lixo
O Concello de Gondomar informa de que, do 12 de xuño ao 12 de setembro (ambas as datas incluídas), o Centro Neural acollerá a exposición pública dos expedientes resultantes da elaboración do padrón da taxa de recollida de lixo do Concello, realizada pola Deputación de Pontevedra- ORAL, co fin de que os/as interesados/as poidan realizar calquera consulta ou reclamación.
O horario será de mañá, de luns a venres, de 8.30 a 14.30 horas e pola tarde, os martes e xoves, de 15.30 a 18.30 horas no Centro Neural.
Teléfono de atención para cita previa: 986 101 265.
Mércores, 11 Xuño 2014 11:12
III Andaina Saudable- Concello de Gondomar
As inscricións poderán realizarse no Pavillón de Deportes de 18:00 a 20:00 horas, no teléfono 608 748 393 ou a través do correo: Esta dirección de correo electrónico está protegida contra spambots. Usted necesita tener Javascript activado para poder verla.
Martes, 10 Xuño 2014 09:03
Campamentos de verán 2014 no Concello de Gondomar
O Concello de Gondomar, a través da Concellaría de Deportes, coorganiza xunto cos clubes deportivos e en colaboración coa Deputación de Pontevedra un total de dez campamentos para este verán 2014.
O prazo das inscricións permanecerá aberto ata que se completen as prazas. (O Campus de fútbol de Manolo Sanchís, programado para as semanas do 14 ao 18 de xuño e do 7 ao 11 de xullo xa está completo).
Os/as interesados/as poderán atopar a ficha de inscrición na páxina web do Concello e deberán entregala no Centro de Desenvolvemento Local en horario de 09.00 a 14.00 horas ou no Pavillón Municipal de 18.00 a 21.00 horas.
Luns, 09 Xuño 2014 10:42
Programa Saúde e Benestar 2014 da Deputación de Pontevedra
O prazo de presentación de solicitudes finaliza o próximo 2 de xullo
O programa consiste en estanzas de seis días e cinco noites nun hotel con spa, balneario ou instalacións similares da provincia de Pontevedra, en réxime de pensión completa
Mércores, 04 Xuño 2014 13:46
As Escolas Deportivas de Gondomar clausuran o curso cunha exhibición no Pavillón Municipal
Un total de 269 alumnos/as amosaron as habilidades adquiridas durante o curso en distintas exhibicións
Mércores, 04 Xuño 2014 09:38
Gondomar acolle este domingo o 1º Circuito Enduro BTT
Organizado polo Concello de Gondomar e o Club Ciclista Bici Verde
O Concello de Gondomar volve a apostar pola competición de BTT, nesta ocasión na modalidade de enduro, organizando, xunto co Club Ciclista Bici Verde, o 1º Circuito Enduro BTT Concello de Gondomar que discorrerá polas Comunidades de Montes de San Bieito, Mañufe e Donas con saída e chegada na Praza do Concello.
Na mañá de hoxe tivo lugar a presentación deste Circuito, que terá lugar o domingo 8 de xuño, desde as 09.00 horas, e na que xa se conta cun total de 120 participantes, aínda que se estima que poidan chegar aos 150.
No acto estiveron presentes Fernando Guitián, Alcalde de Gondomar, Natalia Salgueiro, concelleira de Deportes do Concello de Gondomar; Esteban Lorenzo, Presidente do Club Bici Verde e os riders Rubén Rodríguez, líder do Open de España de Enduro e Toni Pérez, campión Open de España de Enduro 2012 e 2013.
A proba e o circuíto
A competición disputarase nas categorías Cadete, Junior, Sub-23, Éllite, Féminas, Senior, Máster 30, Máster 40 e Máster50/60.
O circuíto ten unha distancia a recorrer de 32 km, con cinco tramos cronometrados – Tramo 1 Anca, Tramo 2 Bici O Con, Tramo 3 Xtrembike, Tramo 4 Bicitour e Tramo 5 Tramo Libre- e un desnivel de 1500 metros con saída e chegada na Praza do Concello. Destacar o último tramo cronometrado que será o descenso polas escaleiras da Igrexa, en torno ás 13.00 horas.
Na xornada do sábado 7 terá lugar na Praza do Concello das inscricións e recoñecemento libre dos tramos para os participantes. Xa na xornada do domingo, a partir das 09.00 horas, dará comezo a competición que finalizará ao redor das 14.30 horas coa entrega de premios.
O evento conta co patrocinio principal del Concello de Gondomar, Comunidade de Montes de San Bieito, Anca, Bici O Con, Xtrembike, Bicitour e Tramo Libre.
Ademais, do patrocinio de Máis que Bicis, Reforgal, Imprime, Talleres Hermida, Auto Otero e Anita Racing e a colaboración da Xunta De Galicia, Deporte Galego, Galicia Saudable, Comunidad de Montes En Man Común de Mañufe, Comunidade de Montes En Man Común Santa Eulalia de Donas, Protección Civil de Val Miñor e Rosquillas Cristaleiro.
Mércores, 04 Xuño 2014 09:23
O Concello de Gondomar tramitou un total de 60 licenzas de obra no que vai de ano
Carlos Lameiro, concelleiro de Urbanismo do Concello explica que seguimos avanzando na tramitación de solicitudes de licenzas que permanecían pendentes de resolución, xunto coas novas solicitudes que entran diariamente"
O edil aproveita para informar de que o PXOM xa está listo, a falta dun informe técnico para a súa aprobación inicial e espera que esta sexa secundada por todos os grupos que compoñen a corporación municipal
Ademais, debido a un erro na impresión do documento entregado aos grupos da corporación, fíxose entrega dun novo CD coas pertinentes correccións
Mércores, 04 Xuño 2014 08:53
Último día para inscribirse no VI Torneo Escolar Benéfico de Tenis - Concello de Gondomar
Está organizado polo Club de Tenis Gondomar e o Concello
More...
Martes, 03 Xuño 2014 13:29
Últimas prazas para participar no campamento de inmersión lingüística Hi!! Gondomar Camp
Está dirixido a mozos/as de entre 12 e 17 anos e desenvolverase do 1 ao 18 de xullo
Desde a Concellaría de Xuventude infórmase de que os interesados/as en participar na segunda edición do Hi!! Gondomar Camp dispoñen nestes días das últimas prazas para poder participar neste campamento de inmersión lingüística dirixido a mozos/as de entre 12 e 17 anos.
Hi!! Gondomar Camp é un campamento de lecer e tempo libre en inglés para a mocidade preferentemente do Concello de Gondomar, cun dobre obxectivo. Por unha banda, mellorar o uso dun idioma distinto ao propio, sendo este un dos piares fundamentais dos sistemas educativos actuais; mentres que por outra parte, busca ofrecer un espazo de ocio educativo, cultural e creativo no que os mozos e mozas deste Concello ocupen o seu tempo de lecer de vacacións, contribuíndo así de forma esencial a formación integral da mocidade de Gondomar.
O campamento, que se desenvolverá do 1 ao 18 de xullo, está deseñado cunha serie de actividades atractivas tanto na súa realización individual como na posta en escena dun conxunto, dándolle un enfoque relacionado co mundo do cine onde eles mesmos serán directores, guionistas, cámaras, actores principais, presentadores, entrevistadores, deseñadores, etc.
Este campamento integrarase en tres eixos en torno aos cales xirarán todas as actividades que se realizarán:
- O idioma ( inglés), dende o inicio deste campamento se falará exclusivamente en inglés os monitores serán ou bilingües ou nativos,
- a tv,
- as novas tecnoloxías.
Para calquera dúbida os/as interesados/as poderán dirixirse á OMIX do concello no teléfono 986.369.746.
Luns, 02 Xuño 2014 08:21
Dan comezo os traballos para a elaboración das alfombras do Corpus Christi de Gondomar
A Alameda do municipio acolle dende hoxe unha carpa na que veciños e veciñas de Gondomar se reunirán para traballar na elaboración e confección dos tradicionais mantos
A celebración de Corpus achégase e como cada ano o Concello de Gondomar será escenario da tradicional exposición de alfombras florais con motivo da celebración desta festividade. Distintas agrupacións traballan dende hoxe para confeccionar os deseños que cubrirán as rúas do Concello na mañá do domingo 22 de xuño. Este ano volven participar as parroquias deChaín, Vincios, Couso e Mañufe.
Para coordinar os traballos de elaboración destas tradicionais alfombras, dende hoxe habilitouse unha carpa na Alameda do municipio, para que todos os interesados/as en colaborar nos traballos poidan facelo.
O concelleiro de Cultura, Ignacio Troncoso, fai un chamamento público á colaboración veciñal. "Espero que neste ano a dedicación e participación dos nosos veciños e veciñas sexa tan numerosa como o ano anterior. Toda a colaboración será benvida. Cantas máis mans teña o Corpus, mellor,".
Martes, 27 Maio 2014 08:36
Gondomar quenta motores cunha charla coloquio que contará cos mellores pilotos do Rías Baixas 2014
Terá lugar o mércores 28 no Auditorio Lois Tobío, ás 20.00 horas
O municipio volverá ser escenario dun dos tramos do percorrido e acollerá, o venres 30, un parque de reagrupamento na Praza do Concello
