O Consello da Muller de Gondomar reunirase no municipio este xoves as 20h. Estará presidido pola Concelleira de Igualdade, Nuria Lameiro; a orde do día nesta sesión será a presentación das integrantes do propio Consello, o informe da actividade do CIM (Centro de Información para a Muller) no 2016; ademáis de repasar o reglamento e do tempo reservado para rogos e preguntas.
Finalizado o prazo do concurso convocado pola Concellaría de Comercio, o número de inscricións supera a corentena.
A pesares do modesto importe dos premios, limitada pola precariedade monetaria do Concello, estamos moi gratamente agradecidos e sorprendidos polo número de inscritos, polo dinamismo, esforzo e traballo do comercio de Gondomar.
O sábado 10 de decembro ás 19,30 horas terá lugar o presentación do Proxecto Documental "EU TAMMÉN NECESITO AMAR", o acto está presentado por OLLOMOL AUDIOVISUAL, produtora audiovisual de Gondomar e a asociación cultural O FAIADO DA MEMORIA de Vilagarcía de Arousa e conta co patrocinio da DEPUTACIÓN DE PONTEVEDRA dentro do seu "ano Castelao".
O concello de Gondomar e o Instituto de Estudos Miñoráns convocan os interesados a asistiren ao acto de entrega do IX Premio de Poesía Victoriano Taibo, galardón que recaeu no poeta fisterrán de Cee Xosé Iglesias Lamela polo poemario titulado A relixión do mar, un libro no que o autor demostra o seu coñecemento sobre o mundo mariñeiro dende a mesma construción da embarcación, sen abandonar a linguaxe poética.
RESOLUCIÓN do 22 de setembro de 2016 pola que se fai pública a aprobación definitiva e as disposicións normativas da modificación do Proxecto sectorial do polígono industrial da Pasaxe, concellos de Gondomar e Vigo, aprobada mediante Acordodo do Consello da Xunta de Galicia do 15 de setembro de 2016.