Concello de Gondomar

As roscas de Nadal de “Tupana” este ano substituíron o premio en diñeiro por un vale solidario, cuxo valor se trocaría por alimentos que se doarían ao departamento de Benestar Social, para integralos na súa repartición mensual ás familias máis vulnerables do municipio.
“Este ano pareceunos máis importante que nunca, debido a mala situación que moitos e moitas están a pasar por mor da pandemia”, sinalou Alberto responsable deste obradoiro, que tamén doou un 5% dos beneficios das vendas das súas tradicionais roscas.
Un acto solidario ao que tamén se sumou o establecemento local “O Tranvía”, lugar desde onde se despacharon as roscas solidarias que se traduciron en máis de 150 quilos de produtos alimenticios e de primeira necesidade.
Grazas pola vosa colaboración.

Ou Diario Oficial de Galicia acaba de publicar a resolución pola que se convocan os cursos oficiais de galego CELGA 2021, preparatorios das probas para a obtención dos certifidados Celga niveles 1, 2,3, 4. Todos eles son de carácter voluntario e gratuítos e poderanse facer en liña -en todos os niveis- ou de forma presencial no caso do nivel 3 e 4.
O prazo de presentación de solicitudes será de 15 días hábiles, a partir da publicación no DOG este pasado 3 de xaneiro.

Máis información na seguinte ligazón:

https://bit.ly/2My9DIt

Gondomar contará cunha vivenda de alugueiro social que se emprazará na antiga casa dos mestres de Nande, na parroquia de Mañufe. Unha iniciativa que podería poñerse en marcha a próxima primavera xa que as datas que manexa o goberno estiman que ao longo de febreiro póidase dar luz verde á licitación das obras de remodelación desta vivenda.
A actuación centrarase no interior do inmoble dado ao bo estado de conservación da súa fachada e a súa cuberta. Desta forma está previsto redistribuír os espazos para dotala de dúas habitacións, cociña e baño. Ademais substituiranse a instalación de fontanería, electricidade, xanelas e chans, e repararanse as filtracións de humidade existentes.
O inmoble que leva anos inactivo funcionou como escola rural e na actualidade está en desuso por falta de alumnos. Tras o seu peche a Consellería de Educación transferiu esta casa como outras que se atopan en distintas parroquias do municipio ao concello, co fin de que se destinen a outros usos, como no caso da casa dos mestres que será a primeira vivenda de aluguer social.

Sen pausa segue traballando o goberno municipal de Gondomar para atender as demandas da súa veciñanza, e facilitar e mellorar as condicións de vida nas parroquias do municipio.
Neste sentido, na última semana executáronse distintas actuacións. Así por exemplo estívose traballando na restitución do muro que aguantaba parte da estrada de Antime, que se prevé poida quedar totalmente listo esta primeira semana de febreiro.
A aposta por un servizo de limpeza moderno para Gondomar estivo enriba da mesa dende o principio desta lexislatura, e seguimos traballando, aos poucos na colocación dos novos colectores – máis dun centenar renovados e distribuídos polas parroquias- en lugares adecuados e seguros para garantir o mellor servizo posible.
Por último, sinalar que non cemiterio de San Cibrán (Donas) mellorouse a iluminación dotándoo de ilumación led, para que quen acuda ao Campo Aanto poidan facelo coas maiores facilidades posibles.

(ALUMEADO CEMITERIO SAN CIBRÁN)

(OBRAS MURO ESTRADA ANTIME)

(UBICACIÓN COLECTORES (PEITIEIROS))

O Goberno local de Gondomar, na última Comision Informativa de Economía e Facenda e Especial de Contas celebrada o pasado martes dictaminou favorablemente unha modificación de crédito de 970.000 euros, fronte a abstención na votación dous partidos da oposición (PP, MM e BNG).
Esta modificación orzamentaria facilitará a execución de obras importantes e necesarias para o desenvolvemento de Gondomar e para atender as demandas que dende a veciñanza fannos chegar ao concello.
Paso a paso o goberno segue traballando e dotando de orzamento obras que son necesarias no noso municipio, e ás que se irán sumando aos poucos novas actuacións ata conseguir completar todos os nosos obxectivos de atender aos gondomareños e gondomareñas.
Esta nova modificación de crédito próxima ao millón de euros permitiranos atender aos sectores afectados pola COVID19 e facilitarlles axudas para facer fronte aos peches aos que se viron obrigados nesta pandemia que estamos a vivir. Desde o concello seguimos xunto a eles e pedimos máis implicación da Xunta á hora de atender a precaria situación á que moitos se viron abocados neste último ano.
Ademais reservaranse partidas orzamentarias para saneamento, rehabilitación e mellora de instalacións públicas, asfaltado de distintos puntos do municipio, e unha axuda para a compra de Casa Peralba.

A concelleira de Benestar Social, Nuria Lameiro, acudiu a recoller hoxe a doazón realizada pola responsable do establecemento "Chupipostres" ao banco de alimentos municipal, froito da campaña solidaria promovida durante o nadal pola empresaria.
Por cada almorzo encargado ou adquirido no seu local entre o 1 de decembro e o 7 de xaneiro, "Chupipostres" achegaría un produto de primeira necesidade ao departamento de Benestar Social. Finalmente entregáronse 310 produtos, prestando especial atención a aqueles que faciliten a desifección e o coidado da saúde -produtos de hixiene bucal- así como legumes cocidos.
Águeda Ubeira recibió el Premio Joven Empresario 2020 por su negocio Chupipostres, con sede en Gondomar, una apuesta por la venta online con servicios de repostería personalizada y desayunos temáticos artesanales que envía a domicilio desde su obrador a toda España. 
Moitísimas grazas a Águeda Ubeira pola súa colaboración dando mostra, unha vez máis, de que somos un pobo solidario que pensamos nos máis vulnerables.

O concello de Gondomar recibiu os dez primeiros purificadores de aire con filtros HEPA do centenar que ten previsto adquirir para poñer ao dispor dos centros educativos do municipio, atendendo unha reiterada demanda das ANPAS e da comunidade educativa para garantir a máxima seguridade do alumnado.
Á espera de recibir unha resposta por parte das autoridades competentes en materia de Educación, en man da Xunta de Galicia, estes primeiros aparellos instaláronse en inmobles municipais.
O rexedor, Paco Ferreira, lembra que solicitou por escrito de palabra á Consellería de Educación e á propia delagada da Xunta en Vigo, Marta Fernández Tapias, a autorización para poder situalos en colexios, garderías institutos e o conservatorio. Ante a falta de resposta insistirá na súa petición, aínda que non descarta a posibilidade “de deixalos ante a portas dos centros”.
Lembra que son moitos os estudos científicos e valoracións do Consello Superior de Investigacións Científicas (CSIC) que os recomendan, fronte á postura da Xunta que os desaconsella.
Insiste o rexedor que coa compra dos purificadores “só buscamos apoiar ás familias, e evitar ter aos alumnos e alumnas coas xanelas abertas continuamente durante todo o inverno.”

Listaxe de empresas con servizo de comida e bebida para levar:

Puedes ver el cartel AQUÍ

O alcalde de Gondomar, Paco Ferreira, trasladou hoxe á delegada da Xunta en Vigo, Marta Fernández-Tapias, a súa decisión de adquirir un centenar de purificadores (HEPAS) para distribuír entre os centros educativos do concello e o conservatorio de Música do municipio.
Así o expuso no encontro telemático no que o rexedor aproveitou para explicar esta iniciativa á vez que solicitar á representante da Xunta de Galicia a súa colaboración á hora de facilitar esta cesión os colexios e institutos.

Lembrou que a compra dos purificadores están respaldados por estudos científicos e que o único se que se busca garantir a máxima seguridade do alumnado e profesorado de Gondomar, que en reiteradas ocasións demandaron ás autoridades educativas competentes a posibilidade de utilizar estes aparellos.

O "miniecopunto" de reciclaxe de REES (residuos eléctricos e electrónicos) permanecerá durante15 días instalado no CEIP Chano Piñeiro, tras dar servizo á veciñanza de Mañufe que poideron desfacerse dos seus residuos nestes días no Centro Cultural da parroquia.


Turno de novo para un centro educativa do municipio promovendo así un dos obxectivos do departamento de Medio Ambiente: achegarse á poboación máis xoven e concienciala da necesidade de reutilizar e reciclar os aparellos electrónicos (móviles, tablets, cargadores, etc) que desbotan.


Este miniecopunto enmárcase dentro do proxecto Estratexia Sostible Transfronteriza para a Xestión de Residuos e Aparellos Electrónicos (ESTRAEE), promovida pola Deputación Provincial e á que se adscribiu o concello de Gondomar.