Concello de Gondomar

Nos montes de Bens de "A Coruña" celebrouse este fin de semana o segundo encontro puntuable para a liga Galega de bosque 3D, este ano estivo organizada polo club Arco Hércules. Ata alí desprazouse o Club de Tiro con Arco Serra de Gondomar que conquistou os primeiros postos, a pesar da climatoloxía adversa, fortes refachos de vento, asociados a unha chuvia intensa, non logrou dificultar a puntaría dos arqueiros.

Os 98 participantes chegados das 4 provincias Galegas, tiveron que ser capaces de afinar o tiro en dianas colocadas a case 40 ou 45 metros de distancia.

O club Serra de Gondomar conseguiu dous podios, un en arco nu conseguido por Marco Antonio Melón en categoría sénior, con 215 puntos conseguiu o 1º posto e Rubén Rodríguez en categoría de menores de 14 anos con tamén 215 puntos alcanzou tamén o primeiro posto. Os outros 5 membros do club; Adrián Vázquez, menor de 14 anos, 5º en arco recurvo; Miguel Ángel Rodríguez 19º en arco recurvo sénior; María Jose Fontán 5º en arco recurvo feminino sénior; José Carlos Presa e Diego Presa quedaron en 6º e 10º lugar respectivamente en arco nu sénior.

Xunto con esta actividade a Concellaría de Igualdade tamén levará a cabo o Concurso a prol da corresponsabilidade

Como conmemoración do Día Internacional da Muller, o Concello de Gondomar organiza, a través da Concellaría de Igualdade, para o venres día 6, un conxunto de actividades que están cofinanciadas pola Xunta de Galicia a través da Secretaría Xeral de Igualdade e o Fondo Social Europeo.

En colaboración cos IES Auga da Laxe e Terra de Turonio farase a III Carreira a Prol da Igualdade, contando con 123 adolescentes de 3º da ESO dos institutos mencionados. A carreira sairá ás 12.15h dende o pavillón e o seu percorrido se pode ver no mapa que se achega, xa que a circulación sufrirá variacións.

En caso de que non chova levarase a cabo a III Carreira a prol da Igualdade

En colaboración cos IES Auga da Laxe e Terra de Turonio farase unha carreira a prol da igualdade, contando con 123 alumnos/as participantes de 3º da ESO.

A carreira desenvolverase a partir das 12.15 horas polas rúas do Concello co gallo de favorecer a visibilidade da actividade.

Nun primeiro momento e antes de comezar a carreira, dividirase ás persoas participantes en parellas, promovendo o establecemento de parellas mixtas (rapaza-rapaz). A cada persoa participante se lle entregará un mandil co logo da carreira.

As parellas irán unidas entre si mediante unha goma nos pés e outra nas mans; de modo que realicen a carreira unidos/as por medio destes elementos. Unha vez que todos/as os/as participantes estean unidas mediante estes elementos, aclararase o percorrido, a necesidade de pasar polo checkpoint para recoller a súa proba, e a chegada á meta.

Unha vez vaian chegando todas as parellas, e antes de traspasar a liña de meta, deberán indicarlle a unha das persoas dinamizadoras a resposta correcta á proba de tipo lóxico-deductivo facilitada no checkpoint. As parellas que non respondan correctamente á proba non poderán traspasar a meta e irán formando unha fila por orde de chegada. Cando teñan a solución, comunicaranllo a unha das persoas organizadoras.

As tres primeiras parellas que resolvan correctamente a proba e finalicen a carreira pasarán á gran final onde participarán no Concurso a prol da corresponsabilidade.

En caso de choiva farase unha actividade a Prol da Corresponsabilidade.

En caso de choiva seguirase o mesmo procedemento pero en lugar de ser unha carreira a actividade desenvolverase no pavillón. Os participantes estarán divididos en 8 grupos diferentes acompañados/as por un/unha monitor/a que se situarán nunha das zonas acoutadas do pavillón. Nesta zona realizarán unha carreira con obstáculos, da que as tres primeiras parellas en resolvela participarán no Concurso a prol da corresponsabilidade

Concurso a prol da corresponsabilidade

Unha vez rematada a carreira, todos/as os/as participantes dirixiranse ao Auditorio onde as tres parellas finalistas da carreira deberán competir entre si a través de distintas probas que irán intercalando de modo sucesivo. Só pasará a final (a segunda fase) as dúas parellas con maior puntuación, que serán as persoas que realizarán a proba 4.

As probas van a ser: Pasalo Ferro, Bricolaxe, Pinches de Cociña e na segunda Fase a proba consiste en que as parellas consensuen a resposta en canto a unha frase que fará referencia a un Mito ou Realidade. Unha vez realizadas todas as probas procederase ao reconto de puntos.

Cada unha das parellas finalistas recibirá un premio pola súa participación que será definido previamente. E a parella finalista que obteña máis puntuación gañará o concurso.

As inscricións poderán realizarse no correo electrónico This email address is being protected from spambots. You need JavaScript enabled to view it.

Un pleno nos 10 participantes da canteira