Concello de Gondomar
Moito por descubrir
Novas Concello de Gondomar
Venres, 24 Abril 2015 07:41
O C.P.A Gondomar primeiro clasificado na XIII Copa Galega de Grupos Show
Este grupo viaxará a Francia no seu primeiro debut Internacional os días 6 e 7 de Xuño
Xoves, 23 Abril 2015 07:44
Últimas prazas no curso de “Elaboración de marionetas de fío" en Gondomar
As datas de realización do curso irán do 4-19 de maio
Martes, 21 Abril 2015 07:49
Aberto o prazo de inscrición das probas de acceso ao 1º Grao elemental do Conservatorio municipal de Gondomar
O Conservatorio de Gondomar informa que se abre o prazo de inscrición das probas de acceso a 1º Grao elemental ata o 1 de xuño do 2015, ensinanzas reguladas polo decreto 198/2007 do 27 de setembro.
A oferta instrumental do centro é: Guitarra, Piano, Violín, Viola, Clarinete e Saxofón.
Os requisitos necesarios para poder presentarse a estas probas son a través da idade, a idade mínima de acceso é de 8 anos, e a máxima de 14. Ambas as dúas idades cumpridas ou por cumprir ata 31 de decembro do 2015.
Os interesados que necesiten máis información poden chamar de mañá ao teléfono 986.369.746 e polas tardes ao teléfono 986.389.283.
Martes, 21 Abril 2015 07:47
Novo curso en Gondomar “BREEAM”, Edificación Sostible
O curso que dispoñerá de 20 prazas será gratuito para o alumnado e terá lugar entre o 11 e o 14 de maio
Venres, 17 Abril 2015 07:49
Dan comezo as obras no novo Centro de Saúde de Gondomar
O pasado xoves día 16, a empresa adxudicataria da construción do novo Centro de Saúde en Gondomar, CORSAM-CORVIÁN, iniciou os primeiros traballos de construción, que teñen un prazo de execución de 12 meses.
O novo Ambulatorio de Gondomar, edificarase nos terreos da parcela da Rúa das Ánimas, unha infraestrutura moderna, onde se atenderán as necesidades de saúde dunhas 10.400 persoas, cunha superficie superior a 1.600 metros cadrados, contará cunha área de medicina xeneral con 12 consultas, unha área pediátrica con 2 consultas, 1 consulta de matrona, 1 sala de educación maternal, traballador social, 1 sala de toma de mostras, 1 sala de técnicas, 2 salas polivalentes e resto de espazos de apoio necesarios para o normal funcionamento do centro.
Esta nova obra está cofinanciada ao 80% polo programa operativo Feder, 2007-2013, por un importe de 2.373.546,82 millóns de euros, dará resposta a unha das demandas máis solicitadas polos veciños do municipio.
Venres, 10 Abril 2015 07:25
Artesáns de toda Galicia daranse cita en Gondomar na III Feira de Oficios Artesáns
Terá lugar nunha carpa instalada na rúa Ángel Urzáiz
Mércores, 08 Abril 2015 18:53
O Trofeo Xunta de Galicia reunirá en Gondomar máis de setenta patinadores
O C.P.A Gondomar é o encargado de organizar esta competición oficial de 1ª Categoría do 2015, o día 11 de Abril
Mércores, 08 Abril 2015 07:46
Aberto o prazo de inscrición para o curso de operador de carretas elevadoras en Gondomar
Os interesados deberán presentar a solicitude, que estará dispoñible no CDL, entre o 13 e o 16 de abril, ambas as dúas datas incluídas
Venres, 03 Abril 2015 13:16
A Concellaría de Educación convoca a XIII edición do Certame Literario Conde de Gondomar
Poderán participar todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos
A Concellaría de Educación do concello de Gondomar, dirixida por Paula Bouzós, convoca o Certame Literario Don Diego Sarmiento de Acuña, Conde de Gondomar.
Nesta XIII edición, establécense dúas modalidades, Poesía (mínimo de 14 versos, máximo 50) e Relato Curto (máximo 15 folios DIN A4). Poderán concorrer todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos.
Os participantes poderán presentar, individualmente, unha única obra, por cada unha das modalidades, de tema libre que deberá remitirse, antes do día 30 de abril, á seguinte dirección: Oficinas Concello de Gondomar, Praza Doutor Latino Salgueiro s/n 36380 Gondomar. Tamén se poderán entregar directamente no Rexistro do Concello.
Concederanse dous premios por cada nivel, un por poesía e outro por relato curto:
- Nivel1: terceiro ciclo de educación primaria. Dous premios por valor de 150 euros.
- Nivel 2: 1º, 2º, e 3º da ESO. Dous premios por valor de 200 euros.
- Nivel 3: 4º da ESO e Bacharelato. Dous premios por valor de 300 euros.
Un premio por valor de 250 euros para o centro con maior participación e calidade.
Ademais o xurado poderá facer entrega dos accésits que considere oportunos, declarar deserto algún deles ou repartilo exaequo entre dous autores.
Coa posta en marcha deste certame o Concello de Gondomar asume un compromiso co que pretende potenciar a creatividade literaria da xuventude en lingua galega.
Todos os interesados que desexen maior información poderán consultar as bases na páxina web do Concello
Mércores, 01 Abril 2015 22:13
XIII Torneo de Fútbol 8 Concello de Gondomar
Celebrarase o día 2,3 e 4 de abril no campo municipal As Cercas
More...
Xoves, 26 Marzo 2015 19:03
O alcalde de Gondomar visita as participantes no curso de Flores Secas
Este curso ampliouse en 30 horas debido ao interese mostrado polas alumnas
Xoves, 26 Marzo 2015 19:01
Benestar Social de Gondomar organiza unha excursión a Asturias para maiores de 55 anos
As persoas interesadas en reservar praza deberán facelo antes do 11 de abril
A Concellaría de Benestar Social do Concello de Gondomar, a través da Axencia de Viaxes PONTETUR, organiza unha excursión-viaxe para maiores de 55 anos a Asturias.
A data desta viaxe, será o vindeiro día 4 de Maio e constará de 5 días e catro noites de luns a venres.
O prezo, de 212 € por persoa, inclúe hotel de tres estrelas en Gijón en réximen de Pensión Completa, bebida en comidas e ceas, transporte en Autocar Gran Turismo, guía acompañante, guía local oficial medio día en Oviedo, comida en Restaurante Concertado en Cangas de Onís, visitas e excursións relacionadas no programa, entradas e visita guiada Museo da Minería e o seguro de asistencia.
Serán cinco días nos que visitarán Cudillero, Gijón, Oviedo, Candás-Luanco, Cabo Peñas, Ribadesella, Lastres, El Entrego, Cangas de Onís, Covadonga, Llanes, Villaviciosa, Tazones, Luarca. Podendo disfrutar de todos os monumentos históricos e vistas panorámicas que lles ofrecerán as distintas zonas.
As persoas interesadas en reservar praza deberán facelo antes do 11 DE ABRIL, para máis información deberán dirixirse o Departamento de Benestar Social, sito na Casa da Cultura.
Xoves, 26 Marzo 2015 18:57
Un só sentido de circulación dará acceso ao barrio da Mourisca- Chaín en Gondomar
Tomouse esta medida por motivos de seguridade debido aos desprendementos nun lateral dese vial
Martes, 17 Marzo 2015 07:49
Gondomar pecha 2014 con superávit e cifras positivas de estabilidade presupostaria
Cúmprese en todos os seus parámetro a lei de estabilidade presupostaria e sostibilidade financeira aprobada polo goberno central
