Concello de Gondomar

O vindeiro 17 de maio, Día das Letras Galegas, o Instituto de Estudos Miñoráns e o Concello de Gondomar, a través da concellería de Cultura, homenaxearán a María Victoria Moreno. O acto contará coa presenza da escritora Iria Misa e o escritor Miguel Anxo Mouriño, ambos os dous vinculados a Gondomar, e estará amenizado polo grupo musical Xardín desordenado que interpretará pezas do seu último traballo, “A vitoria da luz”, baseado en textos de María Victoria Moreno. No acto leranse poemas de María Victoria Moreno por parte de alumnas e alumnos do CEIP Neira Vilas e o IES Pl. Terra de Turonio, para lembrar a importancia da escrita para os máis novos e novas que foi tarefa central da escritora homenaxeada este ano. Durante todo o acto a pintora gondomaresa Irene Silva realizará un mural en directo. Deste xeito, palabra, música e pintura uniranse nesta festa da nosa lingua e a nosa literatura.

O acto comezará ás 19:30h na Praza da Paradela, fronte ao concello de Gondomar. En caso de choiva trasladarase ao Audotorio Lois Tobío.

O vindeiro 17 de maio terá lugar a 29 edición da Festa da Bicicleta do Valmiñor, ao longo dos tres Concellos.

O Concello de Gondomar, a través da Concelleira de Benestar Social que dirixe Rocío Cambra Castro, ten programada unha viaxe para persoas maiores de 55 anos, pola RUTA COLOMBINA, para as datas de 20 a 26 de maio.

Unha moza deportista que, con 16 anos, prepara un Campionato de Europa. Un accidente, un tratamento incorrecto e, ao espertar, a adolescente pasa de practicar a diario ximnasia acrobática a usar muletas porque ten unha perna amputada.