O resumo da xornada foi tremendamente positivo, repartíronse máis de 100kg de compost (137kg para ser exactos) e tivo unha acollida escepcional entre o publico, até o pronto que xa temos peticións de veciños da Urbanización Miñor; da Pza. Rosalía de Castro e da zona das Ánimas para instalar novos composteiros comunitarios neses barrios.
ANUNCIO do 19 de xullo de 2018 polo que se somete ao trámite de información pública a separata para información pública do proxecto de construción do Plan de seguridade viaria de Galicia 2016-2020: mellora da seguridade viaria no contorno de treitos de concentración de accidentes na estrada PO-331, punto quilométrico 11+200 a 14+600, de clave PO/17/137.06, así como a relación individual de bens, dereitos e propietarios afectados.
Está dispoñible en formato papel no Departamento de Urbanismo.
DOCUMENTACIÓN
Os gañadores do concurso "Un banco para o mundo" son:
Javier Lorenzo que gañou o sorteo dos participantes na votación do concurso polo que gañou un teléfono móbil donado por Expert.
E o gañador da foto máis votada foi José Iglesias Estévez que gañou unha cea para duas persoas donada polo restaurante Ardora.
O sábado 9 de xuño a especialidade de “Promoción turística local e información ao visitante” do Obradoiro de Emprego Valmiemprega II, realizou unha visita guiada ao Pazo do Conde de Gondomar. O alumnado traballador foi o encargado de guiar a ruta onde se fixeron varias paradas antes de chegar ao pazo.
O vindeiro mércores 16 de Maio ás 21:00h na Igrexa de San Bieito de Gondomar teremos a oportunidade de escoitar un fermosísimo concerto a cargo de I Colori Dell´Armonia, quinteto de música barroca. Concerto organizado pola Concellería de Cultura do Concello de Gondomar, dirixida por Nuria Lameiro, dentro das conmemoracións polo 35 aniversario do Conservatorio Municipal.
O vindeiro 17 de maio, Día das Letras Galegas, o Instituto de Estudos Miñoráns e o Concello de Gondomar, a través da concellería de Cultura, homenaxearán a María Victoria Moreno. O acto contará coa presenza da escritora Iria Misa e o escritor Miguel Anxo Mouriño, ambos os dous vinculados a Gondomar, e estará amenizado polo grupo musical Xardín desordenado que interpretará pezas do seu último traballo, “A vitoria da luz”, baseado en textos de María Victoria Moreno. No acto leranse poemas de María Victoria Moreno por parte de alumnas e alumnos do CEIP Neira Vilas e o IES Pl. Terra de Turonio, para lembrar a importancia da escrita para os máis novos e novas que foi tarefa central da escritora homenaxeada este ano. Durante todo o acto a pintora gondomaresa Irene Silva realizará un mural en directo. Deste xeito, palabra, música e pintura uniranse nesta festa da nosa lingua e a nosa literatura.
O acto comezará ás 19:30h na Praza da Paradela, fronte ao concello de Gondomar. En caso de choiva trasladarase ao Audotorio Lois Tobío.