O resumo da xornada foi tremendamente positivo, repartíronse máis de 100kg de compost (137kg para ser exactos) e tivo unha acollida escepcional entre o publico, até o pronto que xa temos peticións de veciños da Urbanización Miñor; da Pza. Rosalía de Castro e da zona das Ánimas para instalar novos composteiros comunitarios neses barrios.

A Concellaría de Medio Ambiente vén de instalar una caldeira de biomasa, en substitución doutra de gasóleo, no sistema de calefacción para todo o edifico de Urbanismo. A instalación foi realizada a conta da subvención do INEGA e cofinanciada polo Programa Operativo FEDER-Galicia 2014-2012, cuxo finazamento acadou o 80% do custe total, supoñendo un gasto para o Concello ao redor dos 3.000.-€.

A Policía Local de Gondomar, á vista da problemática advertida nos puntos de recollida de residuos sólidos urbanos que son utilizados de xeito descontrolado para depositar escombros de obras, animais mortos, tala e poda de árbores e restos de desbroces e limpeza de maleza que poden converterse en potenciais focos infecciosos.
Poñemos en marcha unha campaña informativa, de vixilancia e de actuación sobre as persoas que de xeito incívico e irresponsable realizan estes comportamentos.

Durante a semana do 26 de setembro ao 2 de outubro, conmemorando os 10 anos de Proxecto Ríos, celebraranse no Concello de Gondomar unha serie de actividades.