Concello de Gondomar

​A iniciativa, que se desenvolveu durante o mes de agosto, propuxo aos seusparticipantes iniciativas e xogos cuxo obxectivo principal era sensibilizar ás novas xeracións na loita pola igualdade.

 Organizados pola concellería de Igualdade, dirixida por Nuria Lameiro, e financiados pola Deputación Provincial de Pontevedra, estes minicampamentos marcáronse como obxectivo prioritario “alentar o pensamento crítico nos seusparticipantes, facéndolles cuestionar os roles establecidos na sociedade por razón de sexo”.

Así mediante xogos, concursos ou vídeos os participantes podían descubrir e debater sobre os estereotipos sociais que están plenamente integrados no noso día a día e sobre os que se busca que se senbilicen para lograr que a igualdade entre homes e mulleres sexa unha realidade. 

Os minicampamentos desenvolvéronse no mes de agosto en dúas quendas cunmáximo de 10 participantes en cada unha delas, sempre cumpríndose as medidas hixiénico-sanitarias establecidas polas autoridades competentes na materia.

A iniciativa, proposta polo alcalde e apoiada pola oposición, propón recuperar as antigas escolas unitarias do municipio e apostar por unha educación máis próxima.

 O alcalde de Gondomar, Paco Ferreira, poñerá ao dispor da Xunta de Galicia as instalacións das antigas “Escolas unitarias” do municipio para o seu uso na volta ao cole o próximo mes de setembro, e así favorecer a repartición de alumnos en máis aulas garantindo, na medida da posible, un ratio inferior nas clases como recomendan as autoridades sanitarias ante o avance dos rebrotes da COVID19.

Tal e como expuxo na reunión, celebrada este luns, ofreceránse un total de 7 centros, concretamente, as instalacións das escolas de San Cibrán, Moreiras e Nande(Mañufe), Borreiros, Prado, Vilas e Fraga, ao que se suman tamén espazos públicos como a Casa da Cultura ou os pavillóns municipais “se a consellería de Educación requiríseo”. 

“Isto permitiría desconxestionar as aulas escolares do municipio, achegarnos a cocientes menores e contar con espazo necesario para establecer as distancias mínimas interpersoais nas clases, traballando por unha volta ao cole o máis segura posible para o alumnado”, sinalou Paco Ferreira. Ademais, “é unha oportunidade para recuperar e implantar modelos educativos cun ensino máis próximo e descentralizado que apostenpolo rural e a súa revitalización”, engadiu o rexedor. 

Como referente destaca a existencia no municipio de cinco Colexios de Agrupación Rural (CRA) (Vilaza, Chaín, Couso, Guillufe, Peitieiros e Chaín), cunhaaposta clara por “unha educación viva e activa”, destacando o potencial do entorno natural e os elementos que ofrecen como base de inspiración do proceso creativo do alumnado.

Confía en que a Consellería de Educación acepte esta iniciativa e insiste en que neste momento é prioritaria “a colaboración entre administracións. Como alcalde ecomo goberno faremos todo o que estea nas nosas mans para ofrecer a máxima seguridade aos nosos veciños e veciñas”, conclúe Paco Ferreira.

O goberno local, a través da concellería de Medio, distribuirá preto de 3000 dípticos que lembran a obrigación dos veciños de manter limpas as súas propiedades para evitar que os incendios poidan achegarse a zonas habitadas, máxime nestes meses en de máximo risco.

 ​O díptico, recolle de forma gráfica e clara, as distancias mínimas que deben manterse entre as masas arbóreas e novas plantacións nos diferentes ámbitos nos que é responsabilidade dos veciños a limpeza. 

 Así, por exemplo, sinálanse os metros que deben manterse libres en perímetros urbanos, núcleos rurais e chans urbanizables delimitados; no caso das autoestradas ou estradas convencionais; ou, a superficie que debe manterse limpa no caso de vivendas illadas, depósitos de lixo, canles fluviais ou cultivos agrícolas entre outros.

 “Dunha maneira gráfica e sinxela queremos que os veciños teñan a información necesaria e lembren a súa responsabilidade na loita contra os incendios forestais. É un traballo común, de toda a sociedade e non só das administracións”, afirma o alcalde Paco Ferreira.

 Ademais nos dípticos facilítanse teléfonos de contacto cos organismos pertinentes para resolver calquera dúbida que poida existir, así como un recordatorio dos lugares nos que non se pode plantar e que especies están autorizadas pola lei. 

O goberno de Gondomar despois do coñecemento da existencia dun gromo de COVID19 na localidade (7 persoas segundo a información do SERGAS) e como medida de prevención anuncia o aprazamento da axenda cultural e turística programada para esta semana.

Súmase a entidade local de Morgadáns que tamén, como medida preventiva, suspende todas as actividades previstas no programa da semana cultural que arrrancaba esta fin de semana.

Ao mesmo tempo faise un chamamento á responsabilidade cidadá no cumprimento do uso da máscara e o mantemento da distancia interpersoal de 1,5 metros.

Recoñecer o labor dos mozos e o seu compromiso coa nosa sociedade é unha das ideas que o goberno local quere lembrar este mércores, 12 de agosto, xornada na que se celebra o Día Internacional da Mocidade, e con tal motivo entregaranse aos mozos/as que acudiron á oficina da OMIX unha chapa reivindicativa. 

 ​“Aquí está a mocidade de Gondomar”, é o lema que luce nestas chapas coas que se quere celebrar esta xornada, institucionalizada pola Asemblea Xeral das NaciónsUnidas en 1999,  e coa que se subliña cada ano o papel fundamental dos mozos nos procesos de cambio, así como a necesidade de darlles voz e de fomentar as súas acciónse iniciativas.

​Unha idea que o goberno de Gondomar ten moi clara e que vén defendendodesde a concellería de Xuventude a través da organización diferentes iniciativas aolongo do ano. Con elas búscase a implicación directa e indirecta das novas xeracións“que teñen moito que achegar e ideas que podemos ter en conta como elementos xeradores de cambio”, afirma o rexedor Paco Ferreira, quen lembra que ou 14% da poboación do concello ten entre os 15 e 30 anos, segundo os datos do INE do ano 2019.

O goberno de Gondomar, a través da súa concellería de Turismo, desenvolverá durante o mes de agosto unha nova edición deste programa de roteiros guiados na que se achegará aos participantes a distintos puntos de interese que existen no municipio.

Será precisa a reserva de praza previa a través do correo oficinadeturismo@concellodegondomar.gal ou no teléfono 678 874 985. Os grupos serán de 25 persoas e as prazas asignaránse por orde de solicitude.

“Descobre Gondomar” arrincará ás 11.00 da mañá este próximo xoves, día 13 de agosto, cunha visita guiada por Gondomar, partindo da Praza Paradela, ata o acceso do Pazo do Conde, roteiro que se repetirá os días 18 e 25 de agosto.

O programa este ano completarase cun percorrido en torno á marxe do río Miñor que se desenvolverán os días 20, 24 e 27 de agosto, que dará a oportunidade a quen se some a esta camiñada de coñecer e contemplar as pezas etnográficas e paraxes naturais da contorna.

Os cativos e cativas que participaron no obradoiro de creación de cómics, organizado pola concellería de Xuventude, despedíronse hoxe desta iniciativa amosando a súa calidade como artistas e a madeira que teñen como futuros/as ilustradores gráficos.

Durante unha semana aprenderon as nocións básicas para dar forma ás historias que querían plasmar nas viñetas e convertilas en divertidos e orixinais cómics que esta mañá amosaron durante a clausura do obradoiro.

A iniciativa forma parte das actividades que nos meses de xullo e agosto organizáronse dende o goberno pensando en dar alternativas a mocidade axustándose sempre ás normas que rixen na chamada "nova normalidade".

Te adjunto fotos (en cabecera la del grupo) El resto si quieres añadirlas todas al final perfecto, o si no un par de ellas.

Todo preparado xa para gozar dunha nova fin de semana en Gondomar de espectáculos de música, teatro e cine. O programa “Cultura de verán” encherá de novo a Praza da Paradela de música e teatro. Este venres a partir das 22.00 horas podermos bailar ao son dos temas de rock do grupo local “The Riggos”, e o sábado, día 8, turno para o teatro familiar coa representación da obra “Running” na Praza da Paradela ás 22.00 horas.

A cita semanal co “Cinema na Rúa” traslada este domingo 09 de agosto a pantalla ata San Roque (Morgadáns) onde grandes e pequenos poderán gozar da película de animación “El parque mágico” a partir das 22.00 horas.

Todos os espectáculos desenvólvense garantindo as distancias interpersonales necesarias e as medidias hixiénico-sanitarias esixidas polas autoridades sanitarias como medida de prevención de posibles contaxios da covid19.

Non faltedes, esperámosvos!!

Gondomar pon en marcha un novo obradoiro dirixido aos máis mozos facilitándolles opcións no seu tempo libre e sempre suxeito o seu desenvolvemento as normativas vixentes en materia hixiénico sanitaria e de prevención fronte á covid-19.

Dende este pasado  luns ata o día 10 de agosto desenvolverase o "Obradoiro cómic", organizado pola concellería de Xuventude, no que os/as participantes aprenderán as técnicas básicas deste tipo de ilustracións, podendo escoller entre manga, cartoons ou superheroes.

Dende o goberno de Gondomar faise un esforzo por organizar este tipo de pequenos campamentos adaptados a nova normalidade que estamos a vivir, para atender as demandas da mocidade e ao mesmo tempo facilitar, na medida do posible, a conciliación familiar nestes días de verán.