Concello de Gondomar

O alcalde, Paco Ferreira, presidiu este mércores a Comisión Informativa de Urbanismo onde informou dos distintos avances logrados nesta materia nos últimos meses aos portavoces da oposición a quen trasladou a súa intención de “ser transparentes en todo momento e contar coa colaboración de todos polo ben de Gondomar”.

​No encontro abordáronse distintas cuestións por exemplo o estado das delimitacións dos distintos núcleos rurais do municipio, figura urbanística da que dispón o goberno local para garantir que moitas vivendas sigan en pé, e que se poida edificar nesas zonas tras a anulación do anterior Plan Xeral de Ordenación Urbana, mentres se tramita o actual. Ata o momento xa se aprobaron un total de 5 núcleos e en breve espérase dar luz verde aos tres restantes.

Respecto a a urbanización do Polígono da Pasaxe, Paco Ferreira, sinalou que unha vez resoltas as 9 alegacións presentadas ao convenio de  reparcelamiento e  equidistribución de cargas e beneficios, nestes momentos “estamos á espera dos informes sectoriais de Patrimonio e de Aviación Civil ( AESA) para corroborar o proxecto de urbanización”. Superado ese paso procederíase á licitación das obras, orzadas en 3,4 millóns de euros, e que “queremos que arrinquen a principios do ano 2021”.

Ante os integrantes da oposición municipal o rexedor, acompañado pola concelleira de Urbanismo, Iria Lamas, lembrou que esta primeira fase desenvolverasecase de forma paralela coa que poñerá en marcha a Zona Franca de Vigo que contempla a ampliación do polígono industrial en preto de 400.000 metros cadrados cuninvestimento superior aos 20 millóns de euros “converténdoo nun referente do sur da provincia e da Eurorrexión de Galicia-Norte de Portugal”, asegurou o rexedor.

Paco Ferreira referiuse tamén á colaboración alcanzada coa Xunta de Galicia que está a executar nestes momentos obras de mellora en PO 331 para “compatibilizar actuacións xa que nese mesmo tramo o goberno local debe acometer obras de saneamento e outras acometidas e o que buscamos é non duplicar molestias e esforzospara os empresarios da zona”.

O alcalde estivo acompañado nesta comisión de urbanismo por Alfonso Botana, responsable do equipo redactor da novo PXOM de Gondomar, quen deu conta dos pasos dados ata o momento na súa tramitación. Cabe destacar a concesión de 135 licenzas de obra, así como a integración dos núcleos delimitados no futuro texto pendente xa do Informe de Avaliación Ambiental Estratéxico, remitido xa á Xunta de Galicia.

Dende a Consellería de Medio, Territorio e Vivenda someteuse a consulta pública por un período de dous meses, que finalizará o próximo día 23 de novembro, tempo no que se recollerán as distintas suxestións ou observacións que se presenten aodocumento.  O equipo redactor mostrou a súa confianza en que antes de que termine o ano o documento obteña o visto e prace do goberno galego, “de maneira que no primeiro trimestre do 2021 poderemos levar o PXOM a aprobación inicial e abrir o período de exposición pública”, manifestou Paco Ferreira.

O alcalde asegurou que o seu obxectivo é seguir traballando nesta liña na que “queremos contar coa oposición, pero tamén coa opinión de todos os axenteseconómicos e sociais de Gondomar, porque precisamente é o futuro da localidade o que estamos a deseñar”. Subliñou que a urbanización do polígono poñerá ao dispor do sector industrial 600.000 metros cadrados e dará traballo a máis de 7000 persoas, o que supoñerá sen dúbida beneficios para o municipio que “está chamado a crecer e a converterse nun referente como opción residencial non só na nosa comarca se non tamén para Vigo”, engade Paco Ferreira.

O PXOM sobre o que se traballa fixa un crecemento do número de vivendas de máis dun 60%, “unha previsión realista porque os cálculos están realizados en función da evolución demográfica dos últimos anos”. Estímase que serán máis de mil as que se construirán no núcleo urbano, mentres que nos rurais resérvanse máis de 3000 construcións, e o resto, repartidas entre urbanizacións específicas que haberá que desenvolver. 

O documento destina ao sistema xeral de espazos libres e zonas verdes un 20,43% da superficie, superior ao mínimo esixido pola lei, e a clasificación de chan proposto incrementa a superficie ocupada por espazos naturais como chan rústico de especial protección como é o caso da Serra do Galiñeiro, A Fraga dá Oliveira ou a Foz do Miñor. 

​

O goberno local de Gondomar, presidido por Paco Ferreira, segue avanzando nos traballos para tramitar un novo Plan Xeral de Ordenación Urbana para o municipio. Vanse cubrindo pasos, como é o envío do “Informe de Avaliación Ambiental Estratéxico” do documento, que desde o pasado día 18 de setembro a Xunta de Galicia, a través da súa consellería de Medioambiente, Territorio e Vivenda, somete a consulta pública, por un prazo de dous meses.

Así os intereados e interesadas en presentar observacións e suxerencias ao documento poderán facelo ata o próximo 18 de novembro por calquera das seguintes canles:

-   A través do formulario informático habilitado na seguinte ligazón:   https://cmatv.xunta.gal/programas-con-período-de-consulta-aberto

-   A través do correo electrónico: Esta dirección de correo electrónico está protegida contra spambots. Usted necesita tener Javascript activado para poder verla.

-  Mediante escrito presentado na sede electrónica da Xunta de Galicia ou no rexistro administrativo da Consellería de Medio, Territorio e  Vivenda (en San Lázaro – Santiago de Compostela-).

​O goberno local, a través da súa concellería de Medioambiente, mostrou a súa satisfacción pola colaboración obtida por parte da veciñanza que se sumaron este domingo á iniciativa “Proxecto Ríos”, que organiza a asociación ecoloxista ADEGA, e na que o  concello participa desde fai xa 13 edicións.

 ​Máis de  mediocentenar de persoas déronse cita á primeira hora da mañá no punto de partido, en Ponte de Ánimas, para coordinar os diferentes grupos que ían participar na limpeza do río Miñor, desde a Ponte de Mañufe ata a Ponte do  Beco; así como os afluentes Rasas e Morgadáns. 

 Un ano máis foron diferentes os residuos que se retiraron tanto das beiras como do propio río, destacando entre eles a aparición por primeira vez das máscarascirúrxicas, varios pneumáticos, un tambor de lavadora e grandes cantidades de plástico, sacos de entullos ou bolsas, enterradas no fondo do río ou entre as ramas da vexetación da súa contorna.

 Dende o concello agradecen a colaboración de todos os voluntarios e voluntarias  que este domingo sumáronse á actividade e insisten na necesidade de seguir apoiando iniciativas destas características e campañas de sensibilización para lograr “que os ríos deixen de ser un lugar no que lanzar verteduras, e a xente tome conciencia de que é necesaria a seu defensa, así como a de todo a súa contorna”.

 Nesta ocasión tamén participaron na xornada integrantes da Asociación  Galaicosquad Val Miñor, que  desinteresadamente, ofrecéronse a ir recollendo durante a mañá as bolsas e residuos que os voluntarios depositaron en puntos sinalados previamente para así poder trasladalos con máis facilidade.

O concello de Gondomar adhírese un ano máis ao “Proxecto Ríos” e á limpeza simultánea que os seus organizadores, a asociación ambiental ADEGA, desenvolverán o próximo 27 de setembro en diferentes municipios de Galicia. 

 Dentro da aposta clara e firme do goberno local por fomentar iniciativas que permitan defender o medioambiente e a contorna natural, nesta ocasión a actividade será coordinada pola concellería de Medioambiente dende a que se anima a veciñanza a que se sume á limpeza do río Miñor e afluentes.

         Os interesados en participar poderán inscribirse chamando ao teléfono 986 360125 ou no correo Esta dirección de correo electrónico está protegida contra spambots. Usted necesita tener Javascript activado para poder verla., onde deberán deixar o seu nome e apelidos completos e o DNI. No caso de menores de 18 anos deberán ir acompañados por un adulto que se responsabilice deles.

A limpeza comezará ás 10.00 da mañá do domingo 27 de setembro e o punto de encontro será a Ponte de Ánimas. Os voluntarios e voluntarias recibirán máscaras conmemorativas da xornada, bolsas e luva, así com unha pequena merenda, ofrecida polo concello, ao remate da actividade.  

Dende a concellería de Medioambiente sublíñase a importancia destas accións como un elemento fundamental para afondar na educación e sensibilización ambiental dos cidadáns. “A pesar dos avances logrados nos últimos anos e a mellora da calidade dos nosos ríos, “queda moito traballo que facer”, afirma o edil Brais Misa, quen lembra que nese camiño continuará actuando o goberno local. 

Na edición do pasado ano do “Proxecto Ríos” os voluntarios retiraron un total de 800 quilos de residuos das ribeiras e do leito do río Miñor e as desembocaduras do Zamáns e do Morgadáns.

O alcalde Paco Ferreira reuniuse co presidente da Confederación de Empresarios de Pontevedra (CEP), Jorge  Cebreiros, para analizar as distintas vías de cooperación que se poden poñer en marcha na localidade, como a creación dun servizo de asesoramento empresarial.

 Coñecer as necesidades empresariais de Gondomar e definir os diferentes sectores presentes no seu mapa empresarial son algunhas das cuestións abordadas no encontro que o alcalde Paco Ferreira mantivo co presidente da Confederación de Empresarios de Pontevedra (CEP), Jorge Cebreiros.

Ambos coincidiron na importancia que a colaboración público-privada vén representando nos últimos anos para o avance do sector empresarial, pero máis no momento económico que vive o país como consecuencia da pandemia da covid19. Así subliñaron a necesidade de establecer mecanismos entre as administracións e os diferentes sectores industriais para atender as súas demandas actuais.

O alcalde, Paco Ferreira, agradeceu a disposición mostrada polo presidente da patronal ao que ofreceu “a nosa axuda en todo o que sexa preciso para manter esta colaboración viva e lograr o mellor para as nosas empresas, e converter o polígono industrial dá Pasaxe e o noso sector económico en referentes no sur da provincia”. 

Pola súa banda o presidente da CEP, Jorge Cebreiros, explicou que a organización que dirixe ofrecerá os novos servizos que a patronal provincial poñerá ao dispor das súas empresas, como a implantación de plans de igualdade; cursos de formación ou plans de riscos laborais e de saúde, conferencias ou asesoramento, entre outras actividades, facilitando para iso o concello os medios materiais, técnicos ou aulas que sexan precisos.

Ademais sobre a mesa púxose a posibilidade de abrir en Gondomar unha oficina de asesoramento industrial, ou para os sectores de autónomos e novos emprendedores e o comercio. Neste sentido o rexedor, Paco Ferreira, sinalou que os gastos serían asumidos polo concello e que nacería co obxectivo de dar cobertura ao Polígono da Pasaxe, pero tamén a outras superficies industriais como Porto do Molle, a PTL de Vigo ou o polígono de Porriño. 

Durante o mes de setembro terá lugar este curso que tivo que ser suspendido o pasado mes de marzo tras a declaración da alerta sanitaria como consecuencia da pandemia da COVID 19.

 A iniciativa desenvolverase finalmente en dúas quendas cun total de 15 asistentes en cada unha delas. O primeiro terá lugar entre os días 21, 22 e 23 de setembro, e o segundo os días 28, 29 e 30 do mesmo mes. En ambos os casos cumpriranse de forma rigorosa as medidas de seguridade tanto nos espazos que os acollerán como nas medidas persoais, sendo obrigatorio o uso de máscara. 

O curso, que se enmarca dentro das actividades que organiza a concellería de Formación, é gratuíto e organizado pola Asociación de Desenvolvemento Galicia Suroeste Eu Rural. Nesta ocasión búscase formar aos participantes para lograr dotar de máis valor no mercado aos produtos do sector primario a través da súa transformación e comercialización. 

Non se abrirá período de inscrición xa que se contará coas persoas que solicitaron participar no pasado mes de marzo e non puideron facelo por mor da pandemia.

O goberno local entregou tres traxes de protección integral e materiais específicos aos colaboradores que, de forma altruísta, retiran niños desta avespa no municipio ante as longas demoras rexistradas por parte da empresa pública contratada pola Xunta de Galicia para facerse cargo deste problema. 

 O alcalde, Paco Ferreira, destacou o importante labor que viñeron realizando estes veciños “ante a falta de resposta eficaz e rápida por parte de goberno galego e a empresa á que paga para que realice este servizo e que incumpre de forma sistemática o prazo de cinco días hábiles establecidos para atender a demanda dos veciños”.

 Ante esta situación a colaboración de Gondomar concretouse na acción de tres expertos apicultores que de forma desinteresada atendían as chamadas de veciños quenon eran cubertas polo servizo autonómico do 012, nos prazos fixados. Desde este xoves contarán con traxes de protección integral, luvas e material específico, cedidos polo goberno local, para garantir a súa seguridade en cada intervención que realicen. 

 Así o manifestou o rexedor que estivo acompañado polos concelleiros de  Seguridade e Medioambiente, Jose Manuel Chamorro e Brais misa, respectivamente. Este último reiterou que é o 012, teléfono  da Xunta, ao que deben dirixirse aqueles que localicen un niño de velutinas para solicitar a súa retirada. A petición debe cursarse nun prazo de cinco días hábiles, podendo ser  maior  cando  concorran circunstancias  especiais por estar en lugares inaccesibles ou a  máis de de 25 metros de altura.

 O edil explicou que só no caso de que non se lles atenda pódese pedir axuda ao  concello, que elaborou un modelo tipo de solicitude, que se poderá retirar no rexistro municipal ou a través da web. Así mesmo elaborarase un ficheiro de control dos niños retirados por parte do  concello.

​O ano 2019 Gondomar tívose que facer cargo da retirada de 178 niños e no que levamos de 2020 retiráronse 100, cifra que podería aumentar ao ser o período comprendido entre os maio a outubro os de maior actividade desta especie. A velutina  supón un risco para á biodiversidade pois afecta directamente á produción apícola e  frutícula ao estar a súa dieta formada por por as abellas e froita. Esta especie invasora non é máis perigosa que a avespa común, pero a súa expansión en zonas urbanas ou  semiurbanas incrementa o risco de picaduras para as persoas.

​A concellería de Formación, dirixida por Rocío Goberna, e a Universidade de Vigo poñerán en marcha no municipio o programa “Mareas de coñecemento e experiencia”, dirixido a maiores de 50 anos e que se desenvolverá entre os meses setembro e outubro. 

 O programa concrétase nun curso de 15 horas que se estruturará en tres seminarios, con sesión divulgativa e práctica, que abordarán cuestións como “Saúde e Benestar”, “Arte e Historia” e, por último, “Tecnoloxía: uso das ferramentas no teléfono móvil”, todos eles impartidos por profesorado da Universidade de Vigo.

​O alcalde, Paco Ferreira, agradece este tipo de proxectos académicos como o da formación universitaria para os maiores de 50 anos porque “é fundamental que sigan activos e facilitarlles as ferramentas e medios para que sexa así, para que gocen da súaterceira mocidade e sigan achegando a nosa sociedade tanto como fixeron ata o de agora”.

​Os interesados en matricularse, calquera maior de 50 anos, deberán facelo con inscrición previa no correo Esta dirección de correo electrónico está protegida contra spambots. Usted necesita tener Javascript activado para poder verla. ou no teléfono 986 384 020. Os grupos, atendendo ás normas de seguridade hixiénico-sanitarias, serán reducidos e nas clases o uso de máscara será sempre obrigatorio.

​O curso arrincará co seminario “Saúde e benestar”, que se desenvolverá os días 17 e 18 de setembro a cargo de profesorado da Facultade de Ciencias da Educación e do Deporte, no que se dará nocións básicas sobre a actividade  física para o día a día. Os día 24 e 25 de setembro, docentes do programa universitario de maiores da Universidade de Vigo impartirán o seminario “Arte e Historia” onde centráranse naarqueoloxía de Gondomar.

​Pechará o curso o seminario “Tecnoloxía: uso de ferramentas no teléfono móbil” impartido por profesores da Escola de Enxeñería Industrial de Vigo e que en sesiónsteórico-prácticas achegarán o uso do teléfono móbil e o uso de redes sociais oudiferentes aplicacións nelas así como o seu uso.

Informar de primeira man as vantaxes que a reciclaxe dos residuos orgánicos xeran no noso  medioambiente e na economía local son algúns dos obxectivos desta nova acción, que se desenvolverá coincidindo coa celebración do mercado semanal. 

 ​Entre as 10.00 e as 13.00 horas deste martes 8 de xullo, instalarase unha carpa ante o Centro  Neural na que a mestra composteira de Gondomar e técnicos da Deputación Provincial informarán sobre o proceso de compostaxe, as súas vantaxes e animará á veciñanza para solicitar un composteiro individual no que reciclar os residuos orgánicos que xeran nas súas vivendas, unha iniciativa que tivo unha gran acollida no municipio no que se repartiron xa máis de 240 contedores para este fin.

 Ademais informarán sobre a existenza e o funcionamento dos dous centros comunitarios que existen en Gondomar, situados no Parque das Ánimas e xunto ao supermercado Froiz, que dan servizo aos residentes en edificios do centro do municipio. 

 Na carpa ofrecerase unha visión completa da política ambiental que se está desenvolvendo no concello, informando sobre o proceso de xestión dos residuos en Gondomar e o correcta reciclaxe que se pode facer deles empregando os colectores e diferentes medios que o goberno está a poñer a disposición dos veciños.

 A actividade informativa enmárcase dentro das campañas que se desenvolven no marco do Plan Revitaliza ao que está adherido o  concello de Gondomar.

​Hoxe efectuouse a décima entrega á que se sumarán máis nos próximos meses atendendo a demanda dos veciños, que desde o primeiro momento mostraron gran interese pola iniciativa. 

 O concelleiro de Medioambiente, Brais Misa, acompañado pola  mestra  composteira, Karina  Pereria, realizaron esta nova entrega aos veciñas e veciños que previamente solicitaran un composteiro individual para as súas vivendas. Ata o momento xa se sumaron a esta iniciativa máis de 250 persoas, apostando pola política ambiental que vén desenvolvendo o goberno local esta lexislatura. 

 Neste sentido Gondomar segue traballando pola reciclaxe e a sustentabilidade como unha dos seus acenos de identidade. Así o lembrou o concelleiro Brais Misa, quen aproveitou a ocasión para agradecer a implicación das veciñas e dos veciños  nestas iniciativas que favorecen a redución de residuos e suliñou aos presentes todas as vantaxes que reportan á contorna e á economía local.

 Ata o de agora realizáronse un total de dez entregas e espérase sumar máis nos próximos meses debido á gran acollida que esta iniciativa, apoiada polo Plan Revitaliza da Deputación de Pontevedra, tivo entre a poboación que respondeu cunha alta demanda de  composteiros.