A concellería de Xuventude e Deportes do Concello de Gondomar, dirixida por Nuria Lameiro, aposta unha vez máis por Gladiator Kids. Unha proba diferente na que participan nenos e nenas entre 3 e 11 anos acompañados dun adulto. Esta proba de obstáculos ten un carácter lúdico e non competitivo, consiste nunha serie de probas adaptadas as idades as que van dirixidas e na que non importa quen gañe, senón que o importante é divertirse e compartir en familia. Terá dous percorridos diferentes dependendo da franxa de idade.
Este ano temos 500 prazas, que están agardando por ti, para vivir unha bonita experiencia o día 12 de maio no Parque das Ánimas
Para participar tes que inscribirte do 10/04/2019 ata 10/05/2019, a través da OMIX de Gondomar chamando ao 986.369.746 ou a través da páxina www.chapionchipnorte.com , prazas limitadas.
II Gladiator Kids, esperámoste en Gondomar.
