Con máis de 100 músicos enriba do escenario a banda infantil, a banda xuvenil e a propia banda da A. M. de Vincios farán, coa axuda e acompañamento dos alumnos do centro Juan María, unha viaxe arredor do mundo que comezará ca representación teatral e musical dun descubrimento histórico ata rematar en Galicia, pasando por lugares do máis exótico e lonxano. A encargada de presentar e guiar esta viaxe será Trini Puentes. Con este proxecto, a escola e banda da Agrupación Musical de Vincios pretenden facer fincapé no papel integrador e universal da música. Algo máxico que trascende aos distintos tipos de centros educacionais. Un xeito fermoso de promover a convivencia social e a cultura no que colaboran o Concello de Nigrán e a Deputación de Pontevedra.
