As xornadas deportivas foron organizadas pola Concellería de Deportes do Concello de Gondomar, dirixida por Nuria Lameiro. Durante toda a semana pasada os participantes do campus deportivo practicaron todo tipo de deportes: tenis, baloncesto, taekwondo, fútbol, balonmano, hockey, zumba, atletismo, etc. Aprenderon as normas de todos estos deportes e conviviron entre eles desfrutando das suas vacacions de nadal. Tamén tiveron tempo para aprender normas de seguridade viaria en unha visita as instalacións da Policía Local de Gondomar ademáis de recibir un curso de primeiros auxilios impartido por un gardacostas do equipo do Pesca 1.
Os nenos e nenas, de entre 6 e 12 anos, pecharon así unha semana chea de novas experiencias coa visita os Bombeiros e o Pesca 1. Unha visita que a Concelleira de Deportes, Nuria Lameiro non quixo perderse, participando en todo momento das actividades da xornada.
A Concellería de Deporte quere agradecer a sua colaboración a: os monitores participantes; o Club de Baloncesto Nigrán-Gondomar; a Sociedade Atlética Valmiñor ; a Sociedade Deportiva Abetos; o Vincios Futbol Sala Cereixa; o Gondomar Futbol Base; o Club de Tenis Gondomar; e os Gardacostas de Galicia, Pesca 1 e os Bombeiros de Teis-Vigo.