Un total de 90 persoas xa se achegaron ao Pazo do Conde de Gondomar nas visitas organizadas pola Concellaría de Turismo do Concello de Gondomar. Acompañados dun guía visitaron o entorno do Pazo e os seus marabillosos xardíns, ademais de coñecer a historia e arquitectura desta construción declarada como Ben de Interese Cultural pola Xunta de Galicia.
Os/as interesados/as en participar nestas visitas guiadas poden solicitar maior información e reservar a súa praza na Oficina de Turismo do municipio, en horario de mañá de 11.00 a 13.30 horas e pola tarde de 17.00 a 19.00 horas.
As visitas realizaranse todos os martes e xoves de agosto, con saída da Oficina de Turismo de Gondomar, ás 17.00 horas. O prezo por persoa será de 3 euros.
