A Sociedade Atlética Val Miñor en colaboración co Concello de Gondomar a través da Concellaría de Deportes, baixo o control técnico da Federación Galega de Atletismo, organizan a xa tradicional proba de atletismo Memorial Manuel Barros, que este ano chega á súa XIV edición.
A proba terá lugar o 1 de xuño desde as 10.00 horas. O prazo de inscrición xa está aberto e rematará o vindeiro 28 de maio, ás 20.00 horas.
Poderán participar todas as persoas que o desexen, estean federadas ou non, con excepción dos atletas estranxeiros federados no seu país, salvo os portugueses que non foran internacionais co seu país nos derradeiros 5 anos.
Nas categorías menores (Pre-benxamíns ata Cadetes), a inscrición realizarase a través do mail: This email address is being protected from spambots. You need JavaScript enabled to view it.. As categorías menores non pagarán cota de inscrición. Na carreira absoluta, (de Xuvenís ata Veteráns) farase na páxina web da Federación Galega de Atletismo (www.atletismogalego.org) e terá un custe de 5 € que se deberá aboar a través da pasarela de pago da Federación.
O circuíto discorrerá polas rúas de Gondomar para as categorías menores (ata cadetes inclusive), e polos arredores do concello para a carreira absoluta (10 Km).
Ao remate da proba outorgaranse trofeos aos tres primeiros de cada categoría tanto feminina coma masculina e unha medalla conmemorativa do 4º ao 10º nas categorías de Pre-benxamín ata cadete e a todos os pitufos ate fin de existencias. Ademais premiarase ao 1º atleta masculino e feminino do Val Miñor na carreira absoluta e haberá recordo conmemorativo como mínimo para os 600 primeiros inscritos.
Máis información na páxina www.atletismovalmiñor.com ou no 670 630 762.
