As bolsas de práctica laboral están destinadas a titulados universitarios ou de formación profesional, segundo os casos, sen experiencia laboral previa no ámbito da súa titulación.
Nas Bases reguladoras da convocatoria, publicadas no BOP do 10/08/16 (http://www.boppo.depo.es/web/boppo/detalle/-/boppo/2016/08/10/2016031221) figuran as titulacións, o número de bolsas que se convocan para cada unha de elas e as empresas nas que se desenvolverán as prácticas.
Nas bases figuran asimesmo, entre outros, os requisitos dos aspirantes e o procedimento para a presentación das solicitudes.
O proceso de selección dos bolseiros desenvolverase en dúas fases:
1ª fase: Baremo dos méritos acreditados polas persoas interesadas.
2ª fase: Proba tipo test, de carácter obrigatorio e non eliminatorio, con preguntas que versarán sobre as materias especificadas nas Bases.
As bolsas terán unha duración de 6 meses, podendo ser obxecto de prórroga por outros 6 meses por acordo da Xunta de Goberno da Deputación de Pontevedra.
O prazo de presentación de solicitudes será de VINTE (20) días NATURAIS, contados a partir do día seguinte ao da publicación desta convocatoria no BOPPO.
