Concello de Gondomar

A Concellaría de Medio Ambiente do concello de Gondomar impartiu esta semana unha charla formativas dirixida ao profesorado do municipio interesado en coñecer mellor as técnicas de compostaxe para poder trasmitirllas ao seu alumnado.
É o caso dos docentes do CEIP Xosé Neira Vilas de Peitieiros que interesáronse por esta posibilidade. Así da man da técnica municipal tomaron boa nota do proceso deste tipo de reciclaxe de residuos orgánicos para aplicalo posteriormente nas actividades que realizarán cos nenos e nenas no cole, onde contan xa con dous composteiros individuais.
Ademais estudarase a posibilidade de impartir charlas tamén aos mozos/as dos últimos cursos de primaria, apostando así pola política de implicación e sensibilización das novas xeracións na necesidade de coidar o noso medio ambiente, que desde a concellería deféndese desde o primeiro momento. #Gondomarsostible #EducaciónAmbiental

Un total de oito empresas optan á execución dos traballos de urbanización da Fase II do Polígono Industrial da Pasaxe en Gondomar, por un prezo de saída de 3,4 millóns de euros e outras catro presentaron ofertas para a dirección de obras, presupuestados en torno 50.000 euros máis ive, tras finalzar o prazo de presentación das distintas propostas.
Este martes procedeuse, de forma telemática, á apertura dos sobres para valorar as distintas ofertas. O alcalde, Paco Ferreira, confía en que tras este primeiro paso a supervisión e a execución dos traballos poidan quedar adxudicados ao longo deste mes “a condición de que non xurda ningún imprevisto”.
Os prazos que se manexan, nun principio, é que os traballos -cun prazo de execución de 15 meses e financiados coa fórmula de cooperación entre os integrantes da asociación de empresarios da Pasaxe- poidan arrincar en marzo.
Cúmprese así un dos obxectivos nos que traballou sen descanso e firmemente o goberno que preside Paco Ferreira: regularizar a situación do polígono enquistada dende fai máis de medio século, logrando a finais do 2019 o primeiro paso coa aprobación do proxecto de reparcelamento e equidistribución de cargas e beneficios.
Agora, por diante, as obras que dotarán a esta zona industrial de iluminación pública, remodelación de viais, construción de beirarrúas e a dotación de conexións de saneamento e abastecemento así coma a construción de beirarrúas.
“Unha primeira fase que forma parte dun proxecto máis ambicioso que quere converter -lembra o alcalde Paco Ferreira- o noso parque industrial nun referente do Sur da provincia de Pontevedra”. Lembrou que queda por diante a segunda fase, na que se contará coa colaboración da Zona Franca de Vigo, e que supoñerá unha ampliación da Pasaxe en 200.000 metros cadrados, pasando a súa superficie para triplicar a actual con 600.000 metros cadrados.
Paco Ferreira confía formalizar nos próximos días o convenio entre o concello de Gondomar e o Consorcios estatal polo que se fará cargo do financiamento e execución da segunda fase, cun investimento de 30 millóns de euros.

• O documento, sen actualizar dende o 2008, regula as condicións de uso das instalacións así como o tipo e cantidade de residuos que se admitirán nel.

• Entre as novidades, a posibilidade de que un terceiro poida facer entrega dos materiais en nome doutra persoa.

“Seguimos avanzando nos nosos compromisos e na mellora das infraestruturas para dar servizo a nosa veciñanza, neste caso en materia medioambiental”, sinalou o alcalde Paco Ferreira, no pleno da corporación municipal onde se deu luz verde ao novo regulamento de funcionamento do punto limpo de Gondomar, que permanecía sen actualizar desde o ano 2008.
O texto, que debaterase este venres en pleno, recolle o obxectivo do Punto limpo e a súa función, o tipo de materiais poderán depositar no recinto, e por último, un réxime sancionador ante as posibles infraccións que se poidan cometer, e que tamén quedan estipuladas no regulamento.
O Punto Limpo de Gondomar constitúe “un sistema de recollida selectiva, sendo un centro no que reciben, almacenan e valoran os residuos domésticos que non teñen saída a través da recollida diaria”, apunta o texto, onde se deixa claro que “en ningún momento trátase dun vertedoiro”.
Poderán empregalo as persoas que teñan a condición de residentes e engade a novidade da autorización de terceiros para facer a entrega en nome doutra persoa, para o que se deberá encher unha documentación previa.
Respecto os materiais a depositar, actualiza cantidades, a relación daqueles que teñen cabida no Punto Limpo -e que previamente non estaban-, e habilitase un lugar específico para os Residuos de Aparellos Eléctricos e Electrónicos (RAEES), que cada vez están a adquirir maior importancia e espazo.
De feito está prevista a construción dunha caseta específica para o almacenamento destes residuos, que se sumará a nova transpaleta para o seu transporte e novos medios e ferramentas, como por exemplo unha máquina de etiquetado, actuacións que suporán unha inversión por parte da Deputación de Pontevedra de preto de 35.000 euros.
Cifra que se sumará aos preto de 15.000 euros xa investidos polo concello na mellora e modernización do Punto Limpo de Gondomar reformando o interior do centro de recollida, asfaltando os seus accesos, reforzando o peche perimetral e dotándoo dun alumeado adecuado e novo, así como paneis de sinalización para a súa correcta localización.
A aprobación do regulamento é un paso máis na aposta do goberno de Paco Ferreira polo medio ambiente e a sostenibilidade do concello, reforzada polas correspondentes campañas de información e sensibilización sobre a necesidade de utilizar este Punto Limpo e facilitar o seu coñecemento por parte da cidadanía.
Un texto que tamén estipula, por outra banda, infraccións leves, graves ou moi graves e que poderían implicar sancións que oscilan entre multas de ata 750 euros no caso de infraccións leves, de entre os 751 a 1500 euros, cando son graves, e de 1501 ata os 3000 euros no caso de moi graves.
O novo regulamento do Punto Limpo foi aprobado este venres no pleno da corporación municipal, tras atenderse as alegacións presentadas ao documento. Entrará en vigor unha vez publíquese no Boletín Oficial de a Provincia e despois de que transcorra o prazo de 15 días, recollido na lei 7/1985, do dous de abril.

• As Maxestades Reais serán recibidas polo alcalde, Paco Ferreira, e saudarán dende o balcón do concello a todos os pequenos e pequenas que se acheguen para velos.

• Efectivos de Protección Civil, Policía local, Garda Civil e voluntarios velarán por e cumprimento das medidas de seguridade do evento no que se repartirán 150 quilos de caramelos.

Todo preparado en Gondomar para recibir ás súas Maxestades os Reis Magos de Oriente que, a pesar das circunstancias que estamos a vivir, non quixeron deixar de pasar polo municipio e participar nunha cabalgata algo diferente pero igual de especial que a doutros anos: unha cabalgata estática na que serán os pequenos os que, seguindo un camiño marcado, achéguense ata eles para saudalos e recibir os seus caramelos.
A cabalgata arrincará á 17.00 horas da tarde deste martes 5 de xaneiro coa recepción oficial de Gaspar, Melchor e Baltasar no concello de Gondomar por parte do alcalde, Paco Ferreira, e integrantes do seu equipo de goberno. Posteriormente sairán ao balcón da Casa Consistorial para saudar aos pequenos e pequenas, e as familias alí reunidas.
Una vez nos seus tronos, dispostos no interior da carpa da Praza Paradela, recibirán a cativada que poderán pasar ante eles e saudalos, e lembrarlles que agasallos esperan baixo a árbore esa noite.
Un dispositivo de máis de unha vintena de persoas, entre efectivos de Protección Civil, Garda Civil, Policía Local e voluntarios, vixiará o correcto desenvolvemento do evento que terá como punto de partida a esquina da Avenida Elduayen coa Praza Paradela en sentido descendente. Todo percorrido estará valado e no chan marcaranse con tiras de espera á distancia de seguridade que debe manterse. Tras saudar aos Reyes, a carpa abandonarase polo lado contrario da entrada dirección ao palco de música.
Para a ocasión disporase de 150 quilos de caramelos que se repartirán en bolsas individuais e pechadas aos nenos e nenas que mentres esperan a súa quenda poderán gozar dos seres máxicos que comporán este ano a cabalgata como son a Raíña da Neve, un Oso Polar ou fadas, así como divertirse cos simpáticos trasgos e as súas bromas.
O alcalde de Gondomar, Paco Ferreira, lembra que “aínda que diferente quixemos que o Nadal mantivese a ilusión e maxia que sempre ten no noso municipio” e por iso adaptamos “as actividades á situación que vivimos, compaxinando a seguridade da nosa veciñanza coa posibilidade de vivir o mellor posible o Nadal”.

Entre esas iniciativas, pensadas principalmente para os máis pequenos, destaca a plataforma dixital que permitiu que máis de 700 nenos recibiran unha videochamada persoal nas súas casas dalgunha das súas maxestades, xerando momentos de sorpresas, risas e moita ilusión nas familias, e facendo máis sinxela a espera da noite do 5 de xaneiro.

Este segundo obradoiro de emprego vén precedido polo éxito da primeira edición, desenvolto este ano 2020 e que se clausurou con máis do 50% dos seus participantes firmando un contrato laboral.
O alcalde de Gondomar, Paco Ferreira, acompañado pola Delegada da Xunta de Galicia en Vigo, Marta Fernández-Tapias, inaugurou esta mañá o obradoiro de emprego “Crea e Coida Miñor II”, que se desenvolverá en convenio cos concellos de Baiona e Nigrán, cuxos alcaldes Carlos Gómez e Juan González tamén participaron no acto.
O rexedor gondomareño agradeceu unha vez máis a colaboración do goberno galego nunha materia tan sensible como é a política de emprego e subliñou que “é preciso que as administracións xuntemos forzas e traballemos en obxectivos comúns para todos, como é a creación de emprego e favorecer a inserción laboral da nosa veciñanza en paro”.
Destacou o bo resultado destes talleres duais que facilitan durante o tempo da formación un contrato laboral aos participantes, e que “no caso do anterior plasmouse na contratación por parte de diferentes empresas dun 50 por cento das persoas formadas nel”.
Pola súa banda a delegada da Xunta, Marta Fernández coinicidiu co rexedor de Gondomar á hora de destacar a necesidade de traballar conxuntamente en medidas que “logren unha inserción laboral real e a formación adecuada para que sexa posible”, animando aos novos beneficiarios do taller “a aproveitar esta ocasión que se vos da.”
“Crea e coida Miñor II”, é financiado pola Xunta con 350.000 euros e unha aportación de algo máis de 3.000 euros por Baiona, Gondomar e Nigrán, respectivamente. Os dous obradoiros, cun máximo de 10 alumnos/as en cada un, facilitarán aos participantes un contrato de traballo no concello co salario mínimo interprofesional durante os 9 meses de duración da formación, que será eminentemente práctica en ambas as especialidades que se ofertan.
Ademais da materia específica relacionada coa atención sociosanitaria e o deseño de produtos gráficos, obxecto de ambos os talleres, os alumnos-traballadores recibirán formación complementaria en cuestións craves para a procura de emprego e acceso ao mercado laboral como son a prevención de riscos laborais, alfabetización informática, igualdade, manipulación de alimentos ou autoemprego.

O alcalde entrevistouse este luns coa responsable de Infraestruturas, Ethel Vázquez, para ultimar a ampliación da EDAR (planta de depuración), levar a cabo a mellora da rede de saneamento municipal, inversións para o Polígono Industrial de A Pasaxe, o transporte público e a remodelación da intersección da Avenida Elduayen coa PO-331 e PO-340. 

 O encontro mantido entre o alcalde de Gondomar, Paco Ferreira, e a Conselleira de Infraestruturas, Vivenda e Solo da Xunta de Galicia, Ethel Vázquez, comezouamosando o agradecemento do alcalde pola gestión levada a cabo pola conselleira e o seu equipo, tanto no referido o transporte de viaxeiros, como a inversión que suporápara Gondomar que a Xunta de Galicia siga xestionando a depuradora de saneamentomunicipal por outros catro anos máis, aínda que tamén o rexidor manifestou o seudescontento por non incluir o goberno autonómico no seu novo orzamento inversiónsespecíficas para Gondomar, o que obrigou a presentar enmendas ao mesmo. 

 A xuntanza tamén serviu para que o alcalde propuxera a conselleira de infraestructuras a necesidade de remodelación da rotonda da Avd. Elduayen, concretamente a intersección entre ésta e as estradas autonómicas PO-331 e PO-340, un punto no que se xeran importantes atascos e problemas de seguridade viaria, ao ser un lugar con moita afluencia de tráfico rodado, incluíndo o transporte pesado e o público de viaxeiros e escolar, e dada a súa actual morfoloxía, a fluidez é moi difícil debido ao mínimo espazo de carrís. 

 Remodelación da que xa o Concello encargou e elaborou un proxecto “que pasa pola reconfiguración da área, incrementando os espazos de relación e desprazando o eixo da rotonda, incrementándose asi a superficie e o radio de xiro, facilitando a entrada e a circulación de máis vehículos e manobra de camións e autobuses”. A reforma completaríase coa creación dun caril directo de comunicación Ramallosa-Tui que non teña que pasar pola rotonda, aliviando así a cantidade de tráfico que diariamente atravesa este punto. Por outra banda, tamén pediu á Xunta de Galicia que dote de iluminación a estrada PO-331 no tramo de Pegonegro ata o centro urbano, competencia do goberno galego, así como modernizar as luminarias no tramo da PO 340 que transcorre entre Gondomar e A Ramallosa. 

 A conselleira e o alcalde tamén puxeron sobre a mesa as obras que se están executando na PO 331, ao seu paso polo Polígono da Pasaxe, coas que o goberno galegoquere poñer fin a este punto negro circulatorio. Obras que se coordinaron entre ambas administracións e que xa formarán parte da urbanización do futuro polígono de A Pasaxe , polo que Paco Ferreira demandou da Xunta de Galicia a súa financiación para liberar económicamente os empresarios da parte proporcional que lles tocará pagar. 

 Por último respecto a as novas liñas de transporte postas en marcha recentemente nacomarca coa entrada da nova concesionaria, o alcalde solicitoulle incrementar asfrecuencias ata o 10% que permite o contrato, a implantación da tarxeta gratuita “xentexoven” para os menores de 21 anos, e, asinar o convenio de transporte metropolitano para a reducción de tarifas e melloras para a veciñanza.

 O alcalde Paco Ferreira mostrouse satisfeito tras o encontro coa Conselleira, que quedou de estudar con detemento cada unha das iniciativas trasladadas polo rexidor.

Abertas as inscricións das escolas deportivas que a Deputación de Pontevedra oferta en Gondomar, que este ano serán as modalidades de patinaxe, judo, baloncesto e balonmano.

O prazo permanecerá aberto ata o 12 de xaneiro e os interesados poderán inscribirse telemáticamente no enlace da Deputación Provincial. (? https://www.depo.gal/deporte-escolas)

En caso de querer facelo presencialmente, poden presentar as solicitudes hoxe luns, mañá martes e o mércores no Pavillón de Deportes Municipal de 17.00 a 19.00 horas. #Gondomar #Deporte

O Auditorio Municipal Lois Tobío de Gondomar acollerá esta tarde unha nova sesión de cine, prevista na programación deseñada para este Nadal.

A partir das 18.00 horas no Auditorio Municipal poderemos gozar das aventuras que transcurren no interior dunha industria chocolateira moiii coñecida coa película "Charlie y la fábrica de chocolate".

Non podedes faltar. A entrada é de balde ata completar aforo según a normativa covid19 vixente nestes momentos. #aculturaésegura #Gondomar

O alcalde de Gondomar, Paco Ferreira, mantivo unha xuntanza coa comisión xestora que aúna á hostalaría do Val Miñor, así como con representantes de OVALMI, para seguir traballando nas medidas que se poden poñer en marcha por parte do concello para axudar ao sector ante a crítica situación que está a atravesar como consecuencia da pandemia.
O alcalde comunicoulles que o goberno destinará 100.000 euros do seu remanente de tesourería para facilitar as axudas ou bonificacións necesarias tanto ao sector da hostalería da localidade como o do autotaxi, e outros afectados restriccións impostas como consecuencia da covid19.
No encontro, ao que tamén asisitiu a concelleira de Comercio, Rocío Goberna, anuncióuselles que as bases da convocatoria destas axudas serán aprobadas no pleno ordinario da corporación municipal que se celebrará o próximo 07 de xaneiro.
Unha vez aprobadas abrirase o prazo de presentación de solicitudes para poder facer efectivas, posteriormente, as pertinentes axudas.
O alcalde, Paco Ferreira, lembra o gran esforzo que están a realizar neste momento os concellos e as consecuencias que isto ten para as súas arcas municipais. Neste sentido insiste na necesidade “dunha maior implicación do resto das Administracións á hora de mandar cartos porque sempre somos nós, os concellos, os grandes olvidados a pesar que de facemos ou máis grande dos esforzos cada día”.

Gondomar segue apostando pola cultura e desenvolvendo a súa programación do Nadal que este xoves traerá á Praza Paradela á bailarina e coreógrafa Marta Alonso Tejada, coa súa creación "Baila un vestido verde".
A partir das 18.00 horas poderase gozar deste espectáculo interactivo de danza que xoga e convida a xogar ao espectador.
Unha actuación de de danza simpática que empregará o corpo, o baile e os xestos como códigos para establecer un diálogo constante co público. Descubrímolo xuntos? #Gondomar #aculturaésegura