O concello de Gondomar inicia o proceso selectivo para o equipo e o alumnado-traballador do proyecto de obradoiro dual de emprego.
O concello de Gondomar, en convenio cos concellos de Baiona e Nigrán, ven de recibir unha subvención da Consellería de Emprego e Igualdade pola que porá en marcha a partires do mes de decembro un proxecto de Obradoiro dual de Emprego denominado “Crea e Coida Miñor II”, destinado a persoas desempregadas inscritas na oficina de emprego.
Neste proxecto, formarase a 20 persoas en alternancia co emprego nas especialidades de Deseño Gráfico (10 alumnos-traballadores) e Atención sociosanitaria para persoas dependentes en domicilios e institucións (10 alumnos-traballadores). No seguinte enlace pódense atopar as bases reguladoras do proceso selectivo.