O Concello de Gondomar e a Concellaría de Deportes de Gondomar volven apostar pola competición de BTT, nesta ocasión na modalidade de Enduro, organizando, xuntoco Club Ciclista Bici Verde, o 2º Circuíto Enduro BTT Concello de Gondomar que terá lugar o domingo 28 de Xuño e que discorrerá pola ComunidadeVeciñal de Montes de San Bieito, Comunidade de Montes en Man Común de Mañufe e Comunidade de Montes en Man Común Santa Eulalia de Donas con saída e chegada na Praza do Concello.
O prazo de inscrición remata hoxeás 20:00 horas e xa se contacun total de 130 participantes, aínda que se estima que poidan chegar a superar os 150.
A proba e o circuíto
O 2ª Circuíto Enduro BTT Concello de Gondomar é unha proba puntuable para o Open de Galicia de Enduro BTT 2015. A competición disputarase nas categorías: Júnior, Júnior feminina, sub-23, Elite, Elite Feminina, Máster 30, Máster 40 e Máster 50/60.
O circuíto ten unha distancia a percorrer de 36 km, con cinco tramos cronometrados (TC), cos seus correspondentes tramos de enlace (TE) con tempos pechados e un desnivel acumulado de 1623 metros con saída e chegada na Praza do Concello. Destacar o último tramo cronometrado que será o descenso polas escaleiras da Igrexa, en torno ás 13.15 horas.
Na xornada do sábado 27 terá lugar na Praza do Concello a recollida de números e recoñecemento libre dos tramos para os participantes. Xa na xornada do domingo, a partir das 08.30 horas, dará comezo a competición que finalizará arredor das 14.30 horas coa entrega de premios.
Contamos en Galicia cunha ampla canteira de deportistas dedicados a esta modalidade. E a esta competición ademais de participar Toni Pérez (Intense Store) e Noelia González (Club do Mar Mugardos) que son os líderes absolutos. Tamén se contará na carreira con Alejandro Vila, Oscar Martínez del Campo, José Manuel Groba e Roberto Rodríguez. Todos eles veñen de competir na 2ª proba de España de Enduro en Ojén (Málaga).
