Despois da celebración da xincana solidaria realizada no colexio CEIP Serra Vincios onde os alumnos participaron nunha serie de actividades, mostrando o seu verdadeiro espírito de colaboración e esforzo a través dunha serie de xogos cos cales lograron reunir aproximadamente mais de 700 Kg de alimentos non perecedoiros.
A concelleira Patricia Duran conxuntamente con traballadores da brigada de Educación do Concello de Gondomar pasaron a recoller estes alimentos non perecedoiros que serán destinados ás preto de cen familias con recursos limitados do Concello.
En nome do Concello e no seu propio, Patricia Duran agradece o compromiso do centro nunha actividade desta natureza, na que profesores e alumnos do CEIP Serra Vincios se mostraron moi ilusionados e satisfeitos de ter participado nesta iniciativa, esperando seguir realizando actividades desta índole que permitan mostrar aos mais pequenos o valor da Solidariedade.
