Na tarde de onte, o Auditorio Lois Tobío ás acolleu a clausura do II Campamento de Inmersión Lingüística da Concellaría de Xuventude do Concello de Gondomar, que se veu desenvolvendo dende o pasado 1 de xullo. Case 30 mozos, de idades entre os 12 e 17 anos, participaron nas sesións matinais organizadas dende a área de Xuventude, co obxectivo de axudar aos pais a conciliar a vida familiar e laboral.
Nesta edición, o Hi! Gondomar Camp integrouse en tres eixos en torno aos cales xiraron todas as actividades que se realizarán:
- O idioma ( inglés), dende o inicio deste campamento se falará exclusivamente en inglés os monitores serán ou bilingües ou nativos,
- os talent shows,
- as novas tecnoloxías.
Foi unha despedida con moitos nervios, ata houbo unha alfombra vermella pola que desfilaron todos os participantes e un photocall con familiares.
No acto de clausura os mozos e mozas recrearon unha entrega de premios, a Gondomar Emmy Awards onde se premiou, entre outras categorías, o mellor anuncio, a mellor toma falsa ou o mellor vídeo musical. Todo nunha gala bilingüe, onde os mozos e mozas puideron amosar os avances acadado durante o campamento.
Docentes, participantes, pais e a propia concellaría valora este campamento como un gran éxito de aprendizaxe, un medio de socialización e unha actividade lúdica que puido levarse a cabo grazas a unha gran implicación por parte tanto do Concello de Gondomar, así como da empresa que o levou a cabo e o Instituto Terra Turonio que cedeu o seu espazo para o desenvolvemento do campus.
Ao acto acudiu o alcalde de Gondomar, Fernando Guitián, acompañado por membros da corporación municipal.
