A Deputación de Pontevedra ven de convocar os campamentos de verán para este periodo estival de 2014 no Centro de Vacacións da Lanzada. Estes campamentos son un proxecto lúdico e educativo que inclúe a programación e o desenvolvemento de actividades relacionadas coa natureza, artísticas, deportes e xogos, entre outros.
A estes campamentos pódense anotar os rapaces nacidos entre os anos 2001 e 2006, ambos os dous incluídos, que teñan o seu domicilio habitual en calquera dos concellos da provincia de Pontevedra. O prezo por rapaz sería de 83,60 € e serán recollidas as solicitudes do 27 de febreiro ata 28 de marzo do 2014 na OMIX do Concello de Gondomar
Por outra banda, tamén se convocan os campamentos polideportivos Príncipe Felipe que están destinados aos nenos que teñan o seu domicilio habitual en calquera dos concellos da provincia de Pontevedra, nacidos entre os anos 2000 e 2007, ambos os dous incluídos.
O campamento incorpora actividades lúdicas, coma saídas ao medio natural, tiro con arco, actividades acuáticas, obradoiros, etc. O prezo é de 125€ por neno e a presentación de solicitudes realizarase na OMIX do Concello de Gondomar do 27 de febreiro ata 28 de marzo do 2014.
Podes solicitar máis información na OMIX de Gondomar, no teléfono 986.369.746 ou na páxina web da Deputación de Pontevedra www.depo.es.
