A concellería de Medio e Transición Ecolóxica convida os centros escolares de Gondomar a sumarse ao proxecto Naturaliza, cuxo obxectivo é transversalizar a educación ambiental propoñendo que forme parte de tódalas materias troncais que se imparten en primaria.
Con esta iniciativa búscase impulsar e potenciar este tipo de educación ao considerala unha ferramenta básica na formación das novas xeracións que permite a súa sensibilización ambiental, á vez que incorporan no comportamento dos máis novas actitudes proambientales que permitan facer máis efectiva a loita contra o cambio climático.
En concreto, en Gondomar, o programa Naturaliza Educación, desenvolto por Ecoembes, convida os colexios a sumarse ao proxecto “Recicla no teu centro” polo que se lles dotará de papeleiras amarelas e azuis fomentando unha reciclaxe activa en cada un deles.
Por outra banda búscase a máxima implicación de toda a comunidade educativa propoñendo unha serie de accións dirixidas directamente aos docentes. Nelas se aposta pola creación dunha rede de compromiso polo medioambiente dentro das propias escolas, facilitando dende Naturaliza a formación específica aos profesores, así como os recursos necesarios para o seu desenvolvemento.