Igualdade
TELÉFONOS DE MULLERES
016
Servizo de información e asesoramento xurídico, telefónico e on-line, para mulleres vítimas da violencia de xénero, de ámbito nacional e servizo 24 horas e gratuíto.
900 400 273
Servizo de información sobre cuestións xurídicas, psicolóxicas, laborais, educativas, recursos e servizos e violencia e axuda integral para mulleres e calquera outra información encamiñada á consecución da igualdade das mulleres que de forma individualizada o soliciten. Servizo 24 horas e gratuíto.
¿Que é un Centro de Información á Muller?
Naceu o ano 1998 como un servizo de carácter permanente destinado a proporcionar asesoramento xurídico, atención psicolóxica, orientación profesional, información en materia de recursos e calquera outra información encamiñada á consecución da igualdade das mulleres.
¿A quen vai dirixido?
A mulleres e asociacións do Concello de Gondomar ou de concellos limítrofes que non conten co servizo.
Principios de actuación
Anonimato na identidade das usuarias
Respecto á vontade
Gratuidade de todos os seus servizos
Confidencialidade por parte do persoal
Servizos que ofrece
Asesoramento xurídico
Atención psicolóxica
Orientación profesional e formativa
Información sobre todo tipo de recursos
Difusión e sensibilidade sobre o Principio de Igualdade entre Mulleres e Homes
Áreas nas que se está a traballar
Formación, emprego e conciliación
Coa finalidade de promover a incorporación da muller no mercado laboral dunha maneira igualitaria en todas as profesións independentemente da tipoloxía destas, así como incentivar a incorporación da igualdade de oportunidades no eido da educación, para promocionar ferramentas cara comportamentos e actitudes igualitarios e non discriminatorios.
Execución e seguimento de Itinerarios Formativos Personalizados e de Inserción (orientación laboral, cursos, charlas,...)
Participación social
Co obxectivo de incentivar a participación das mulleres en todos os ámbitos da sociedade (social, político, cultural e económico) dunha maneira activa, dinámica e participativa.
Contamos co Consello Municipal da Muller, facemos información e asesoramento a asociacións, potenciamos o asociacionismo,...
Prevención e eliminación da Violencia de Xénero
Para concienciar á sociedade nos valores e principios cara a igualdade de oportunidades e a prevención da violencia de xénero, así como fomentar o uso dunha lingua non sexista.
Organización de campañas de sensibilización, realización de núcleos de reflexión, establecer protocolos de actuación,...
Administración e servizos
Incorporación do mainstreaming na vida diaria da administración local e en todas as actuación e actos municipais.
