Dadas as dúbidas sobre os núcleos de poboación exentos das restricións de mobilidade por franxas horarias, solicitouse á Xunta de Galicia que aclarase de forma máis concreta os requisitos para o levantamento de ditas limitacións. En resposta a nosa petición, o Goberno autonómico traslada o listado posteriormente indicado, se ben delega nos alcaldes e alcaldesas a decisión de “manter as restricións nalgunhas parroquias de menos de 5.000 habitantes que non garden unha mínima separación cos cascos urbanos, ao ter sido absorbidos na práctica pola expansión urbanística. Do mesmo xeito, podería decidir a exención das suxeicións ás franxas horarias naqueles núcleos que, aínda pertencendo a parroquias de máis de 5.000 habitantes, estiveran o suficientemente separados do resto da poboación”.